انا بدرس في كلية هندسه وفاضلي سنه وعندي 23 سنه ووحيد والحمد لله الحال ميسور وبحب بنت خلصت كليه ادبيه السنادي عندها 21سنه انا اتقدمتلها من فتره ووالدها قال لما تخلص اخر سنه وجيت بعد مخلصت والدي كلم والدها بس هو شبه رفض علشان انا لسه بدرس وكمان في ناس كتير متقدملها وجاهزين وشغالين وده انا عارف ومتاكد منه. وانا حاصل علي معهد ومقدم علي وظيفه بس لسه النتيجه بعد شهررين وفي نفس الوقت اكمل الدراسه وانا شغال ومش عارف اعمل ايه حاسس انها بتطير من ايديا وفي نفس الوقت هي سيبه الموضوع ده لولدها ومش عارف اعمل ايه انا مخنوووق وحاسس ان والدها خلاص رفضني
اعمل ايه اكلم والدها ينتظرني شويه لمدة شهر الي ان اعمل ولا اعمل ايه ؟
قولولي
مشاكل الزواج
لسه بدرس وحبيبتي خلصت تعليم وخايف تضيع مني
اضيف بتاريخ: Monday, July 4th, 2011 في 22:49
كلمات مشاكل وحلول: بنت, مشاكل الزواج, مشاكل الشباب
حاول تخطفها ولا هدد اهلها ولا صورها وهيا معاك وهدد اهلها انا مش عارف اية الاهل الى بيستهبلو دول انا عن نفسى ابو الى هاخدها لو مرضيش هعمل معاة الى قةلتلك علية معا انى مش متاخر فى اى حاجة والحمد لله حالتى احسن منهم بكتير وما ينقصنيش شى وسمعتى كويسة لاكن بيلمحلى انة لرافض انا فى الاخر هخلية يندم ومحدش يغلط فى تفكيرى الغيظ واعر وكل واحد لية وجة نظر
ألسلام عليكم
أخى لازم هى تدافع معاك عن حبكم بس هى سيباك لوالدها يعنى بيعاك ألاحسن أنك تشوف واحده تحبك بجد وتقف جمبك
ادعي الله تكون من نصيبك وكل شي نصيب بالدنيا انت عملت الي عليك واتركها على الله اهم شي النيه الكويسة
من الاخر كدة انا مش هخاف الحقيقة انها مابتحبكش ياصاحبى والله لو بتحبك تعمل المستحيل صدقنى
سيبها بظروفها علشان انا زيك بس لسه محصلش اللى حصل معاك وخايف اوى
لو بتحبك تساعدك وتعمل اى شي علشانك لكن مفيش حاجة اسمها سيبه الموضوع لدواها مش ينفع كده هي مش بتحبك
الموضوع ف ايدها هى لو بتحيك هدافع عن الحب دا وتقنع والدها باللى هى عايزاه لكن انا اسف هى مش فارقه معاها هى عايزه اللى يعوزه والدها يعنى مبتحبش حد اذا كان كلامى صح ….والله اعلم
إستعين بالله وتابع دراستك وربنا يقدم إل فيه الخير ومحدش بيأخذ غير إل مكتوب له.
والله يا أخي مشكلتك أنا مريت بها والحمد لله كان خير علي يعني بحكم تجربتي راح أنصحك وبين لك ما ستفعله والحب يا أخي محكوم عليه تكون فيه مثل هذه المشاكل لكن في الأخير دائما الحب ينتصر.
من خلال كلامك أنت بتحبها لأنك مش قادر تخسرها مش عايز تضيع من بين ايديك لانك حاسس أنك قادر تعمل أي شيء علشنها حتى تكون ليك
أولا يا أخي المشكلة مش مشكلة لوحدك لا زم البنت التي أنت بتحبها تعمل أل عليها ان كانت تحبك هي كمان يجب عليها أن تفعل المستحيل حتى تكون أنت لها كذلك لذا يا أخي يجب أنت تكلم البنت أولا وقبل أن تقدم على فعل أي شيئ بكل هدوء وطمأنينة حتى لا تحس أنك بتجبرها وبتقيدها وقل لها أن كان الحب يجمعكما في قلب واحد يجب أن تضع يدها في يدك حتى يجمعكما الله معا وقلها ان الحب ليس مجرد كلمة نقولها وأنما الحب مشاعر و تضحيات فعلية وفهمها أن الزواج يبنى على الحب والثقة والإخلاص والتراضي والقبول وتبادل المشاعر وليس المال والجاه والغنى وترك قرار زواجها بيد أبيها ليس صائبا يجب عليها أن تتحمل المسؤولية لأنها هي من ستتزوج وليس أبوها أو أمها هي من ستعاشر رجلا لوحدها طول حياتها وهي تعرف أنك بتحبها وعيزها عارفة أنك بتعزها لذاتها عارفة أنك مقدرها على كرامتها ومشاعرها وأفكارها وشخصيتها شو عايزة أكثر من كدة عايزة راجل يشتريها من أبوها بالمال ويجردها من أنوثتها وكرامتها فهمها يا أخي أن القرار بين يديها يجب أن تكلم أبوها بكل هدوء أنها بتحبك ومرتاحة فيك وتعرف نيتك فيها من زمان وان كان يحبها ما يجبرها على ترك ما تحبه وترتاح إليه وتقول له يا أبي أنت ربيتني وكبرتني حتى أكون معززة مكرمة لواحد يعزني ويكرمني ويحبني وليس لواحد ما أعرف عنه ولا شيء سوى ماله وعمله يعني يا أخي يجب عليها أن تلطف الجو وتثبت لهم أنها بتحبك ومش عايزة غيرك وما لا زم تبقى صامتة لأن صمتها راح يفهمه أبوها أنها رفضاك وموافقة على كلامه اتجاهك، وبعد ما تعمل أل عليها إنشاء الله يحين دورك أنت كلم أهلك بالتي هي أحسن وأخطبها من أهلها ويوم الخطوبة قل لهم أنا راح أكمل دراستي وبعدها راح أفعل المستحيل حتى يرزقني الهم بعمل وبإذنه راح نكتب الكتاب وأعمل الفرح يعني ما لازم تخاف وخافوا منك أنت متعلم وراح يكون ليك شهادة كل أبواب الرزق مفتوحة أمامك والدنيا ميسرة لك وفقك الله يا أخي إلى ما فيه الخير والصواب وإنشاء الهو يجمعكما معا ويسرها عليك ويرزقك عملا
هى المفروض يبقى لها دور وتحاول تقنع ابوها مش تسيب حبها يضيع وهى ملهاش اى دور
قولها أخى الغالى انتى لازم اللى تختارى حياتك مش والدك