مشاكل الزواج

خطيبتي مادية و بتعايرني اسيبها ولا اكمل

انا شاب عمرى 27 سنه خطبت زميله لى فى العمل منذ عام ونصف سبب خطوبتى ليها مش زواج والسلام لأ بسبب انى بحبها ومتصورش تكون لحد غيرى كنت بحس بغيره شديده عليها قبل ما اتقدملها واقبل ما اقولها انى بحبها كنا فى البدايه فى حالة انسجام رغم وجود بعض المشاكل القليله بيننا هى فى البدايه اشترطت عليه علشان تقبلنى انى ما اخدش شقه فى مكان مش عاجبها وهى اللى تختار المكان انا وحيد والدتى لما طلبت ده فكرت انها مش عايزانا ناخد شقه مثلا فى المكان اللى انا عايش فيه لانه شعبى جدا بس قلت مفيش مشكله فيه اماكن قريبه منه وارقى شويه بس مكونش بعيد عن والدتى علشان اراعيها وفعلا تمت الخطوبه بيننا وعشنا ايام جميله قوى سوا لحد ما بدأت المشاكل وما انتهتش لحد وقتنا ده كانت بداية المشاكل رفضها رفض قاطع انى اشترى شقه فى اى مكان قريب من المكان اللى انا ساكن فيه لحد ما اخدنا شقه فى العاشر من رمضان رغم انى ساكن بالبساتين انا مكنش معايه اللى يكمل اشترى شقه تمليك فى المكان ده هى اقترحت عليه انها تكمل على المبلغ اللى معايه واسدده بعد كده وكتبت وصل امانه على نفسى بالمبلغ لانها قالتلى ده فلوس اهلى مش فلوسى وبعد كده بئه فى كل مشكله تعايرنى بالموضوع ده انها ساعدتنى وانها وقفت جامبى وبتضغط عليه فى حاجات مش عايزها لدرجة انها قالتلى انى بعض الايد اللى اتمدتلى وده لما قلت يا جماعه بالنسبه لموضوع الاثاث انا عايز اشتريه من سوق للاثاث مش محل فى اى مكان يبئه ضارب السعر فى اتنين فى البدايه اختلفنا على المكان اللى نشترى منه العفش وبعد كده لما روحت اتكلم مع اهلها كلمونى فى موضوع سعر الاثاث واشترطه عليه رنج معين فى اسعار الاثاث وقالولى احنا قدمنا السبت والاحد والاثنين …الخ وانت مقدمتش حاجه قلتلهم يا جماعه انا مش بايدى حاجه ظروفى الماديه سيئه احنا ننزل نتفرج ولو برنج الاسعار اللى معايه مكفاش هحاول اشوف سلفه بس المشكله انى مداين ليهم ولجمعيه داخلها بدفع فيها اكتر من نص المرتب ده غير قسط الشقه هما رافضين ومصرين ان الفلوس كلها اللى معايه مش هيتجنب منها اى حاجه هيتجاب بيها الاثاث واى اجهزه عايز اجبها اتصرف فيها المهم ان الاثاث ميقلش عن المبلغ ده المشكله ان خطيبتى عارفه ظروفى ومع ذلك واقفه مع اهلها ضدى وبتشوفهم وهما بيعاملونى بشكل سئ ومع ذلك بتبئه معاهم مش معايه يمكن حتى هى اللى بتحركهم للى هى عايزاه والدتى فى مره اشترت لها شنطه وبعتتهالها معايه بعدها بفتره عايرتنى بتمن الشنطه ده وقالتلى والدتك رايحه تشتريلى شنطه بسعر كذا قلتلها الهديه مش بسعرها قالتلى لأ الهديه بسعرها انا سألت عليها لقيت سعرها كذا مع العلم اننا اسره نعتبر ليست ميسورة الحال بئيت حاسس انى خطيبتى ماديه ومش هتتحمل ظروفى الصعبه واهلها فى اى مشكله بيتعاملوا بشكل عدوانى قوى لدرجة انى بئه يجيلى كوابيس بشوف فيها اهل خطيبتى فى اسوأ صورة وانهم بعد الجواز فى اى مشكله هيتعاملوا بشكل غير مهذب فى مره حلمت انهم طردونى بره شقتى وخدوا كل حاجه انا مش عارف اعمل ايه والله حتى قرار انى اسيبها مش سهل انا ياما اتوجهتلى اهانات وحسيت منها عدم الحب ومع ذلك افتكرتلها الكويس وحسيت جوايه ناحيتها بالحب ياما قالتهالى نسيب بعض وانا روحت واترجتها انها متسيبنيش بس انا خايف دلوقتى من فشل جوازنا

مشاكل وحلول ذات صلة

اضيف بتاريخ: Tuesday, May 22nd, 2018 في 23:42

كلمات مشاكل وحلول: , , , , ,

7 رد to “خطيبتي مادية و بتعايرني اسيبها ولا اكمل”

  1. ابوالبتول
    09/10/2018 at 07:33

    شوف ياحبيبي البنت دي ماتنفع لك ابدا وطالما انها واهلها بالشكل ده مايفكروا الا في الماديات فسوف تكون حياتك معها جحيم لايطاق وتودى الى الفشل في النهاية نعم سوف تظل تعايرك هي واهلها بالنقص اللي فيك وانت سوف تتنازل لها اكثر على حساب كرامتك بلاش منها افسخ خطوبتك منها وربنا بيعوضك ويكرمك بحسن منها بابنة الحلال اللي تقدر مشاعرك وتصون كرامتك وتسعدك طوال العمر

  2. الهادي
    17/08/2018 at 10:17

    نصيحة لوجه الله ابتعد من الناس دول لو تزوجت بيها حياتك حتكون سودة وسوف تصاب بجميع الامراض. بعد الزواج حيصبح عندك ضغط نفسي رهيب ودا كافي عشان تجيك امراض المعدة والقلب وانخفاض مستوى المناعة معانات حقيقية

  3. ابوالبتول
    24/05/2018 at 00:04

    شوف ياابني مش عارف انك متلهف على البنت دي وهي ماتستاهلك ولاعمرها هتعرف قدرك وقيمتك طزفيها مليون مرة هي واهلها ماتخليها تغور في داهية وبلاش من الزواجة الشوم دي اللي هتزلك وتهين كرامتك وتصغرك امام الناس كبر دماغك يابن الناس وافسخ خطوبتك منها فورا واسترد كرامتك ورجولتك اسمع كلام اللي اكبر منك ومجرب الحياة والبنات على قفا من يشيل هتلاقي نصيبك مع احسن منها والف من تتمناك يا بو الشباب صدقني فيما قوله لك لانني جربت الشئ ده مع اخوي الاصغر كان عاوز يخطب بنت زي صاحبتك دي والولد يحبها ويموت فيها وهي مش مقدره كلهذا الحب والمشاعر ولاتفكر الا في الماديات والمظاهر الكذابة هي واهلها من يوم ماخطبها اخوي وحنا في مشاكل مع اهلها مرة على العفش ومرة على الشقة ولازم تكون في ارقي الاحياء ولاعاجبها هي واهلها اي شئ وخلاص جبنا الاخر معها ومع اهلها وتحمل اخوي الكثير من الاهانات علشان مش عاوز يزعلها او يخسرها وطالت فترة الخطوبة قرابة سنة واكثر بعدها حصلت مشكلة كبيرة بينهما وصلت الى طرده من بيت اهلها وقلت له فسخ خطوبتك من النت دي فورا وفعلا فسخ الخطوبة منها وكل واحد راح لحاله وربنا اكرمه بعد شهر واحد بخطوبة من بنت حلال كويسة جدا واهلها ناس محترمة ويعرفوا الاصول وتمت الخطوبة وبعدها كتب الكتاب والدخلة في اقل من شهر وعايش في منتهى السعادة والهناء مع عروسته وربنا يسعدهم ويؤفقهم ويبارك لهم في حياتهم ان شاء الله

  4. taha
    23/05/2018 at 22:28

    انت بتسأل علي ايه دا واضح هيزلوك في عيشتك حلك الوحيد ( طاوعني انا خبرة بفضل الله ) سدد لهم فلوسهم من المهر اللي معاك او اعمل جمعيه واتصرف بشطارتك وسيبها وخد واحدة ما تقطعكش عن اهلك والا هاتندم وقد تحولك الي عاق لاهله وربنا هيبعتلك افضل منها باذن الله

  5. كريم نور
    23/05/2018 at 11:48

    اخلع الجوازة دي مش توبك وممكن تبعدك عن والدتك بعد الجواز … وممكن هي اصلا تبنع جسمعها عنك وحقوقك الشرعية طالما البت دي مدلعة واهلها موافقنها مش نصيبك لو كملت هتتعب دا رائي وربنا يسعدك

  6. هاجر
    23/05/2018 at 04:48

    ملاخر دا مش حب دا اعجاب زايد منك ادى لاستغلال منها وهتفضل تتنازل لحد ماتجيب اخرك وتندم بعد كدا ..كرامتك اهم حجا ونتا كدا بتضيعها نالومكانك مسمحلهاش اصلا تقل كدا ولاتتصرف كدا خصوصا فهديه امك رد فعلها بيدل على عدم التقدبر او الحب او حتى الذوق يعنى ..اعمل استخاره وفكر كويس نتا حبيتها لى هل عشان شكلها ولادينها ولااخلاقها لو رضيت بدينها واخلاقها كمل لو مش مريحاك اخلع من دلوفت وربنا يعوضك خير ان شاء الله

  7. هاجر
    23/05/2018 at 04:44

    ياااااه اى ده يبنى طظ فام الحب لو كان كدا الحب اكيد مش كدا دا ذل مش حب بص نابنت بس نالو مكانك اقسم بالله لسيبها كرامتى بالدنيا والرجل كرامه يعنى اى تعاير هديه امك بسعرها دا مش حب خالص وعلفكره طالما هيا متأكدا انك بتحبها اوى هتفضل تضغط عليك اكتر و هتفضل تعايرك وهتفضل تتنازل اناراى اعمل استخاره وشوف وكمان هل انتا بتحبها بناء علاعجاب ولا على دينها ولااخلاقها يعنى اهم حجا الدبن والاخلاق او مش مريحنك بلاش يابن الحلال وربنا بعوضك بالخير

اترك رداً أو حلاً لهذه المشكلة