مشكلتى ان والد خطيبتى بيعاملنى من اول يوم على انى مش لبنته
وهو وافق غصب عنه عشان بنته عاوزانى وعشان بيقولى عني انى محبوب وشخثية محترمه ومتدين ولله الحمد
الاول كنت بعاملها بجفاف نوعا ما .. بحاول اتقل .. زي ماكان بيقولوا التقل صنعه .. بس للاسف الموضوع اللى حصل انى دايما فى شجار مع والدها ودايما برد عليه ومافيش مرة خرجت من عنده مبسوط
بعد ما انفسخت العلاقة اكتشفت انى كنت محسود خاصة ان البنت ماشاء الله اخلاق وادب وعلم والمفترض انى نفس الشئ
لكن اللى حصل انه اخر مرة مع والدها مقدرتش استحمله .. حاولت تتصل عليا اكتر من مرة لمدة 3 ايام بتحاول تصالحني زي كل مرة لكن انا كنت مضغوط فى الشغل وكان لازم اهدي عشان اعرف افكر .. وفى خلال ال3 ايام شيرت فيديو كعادتي من الفيديهوات الدينية عن الحب الحرام وان الشباب لازم يخلوا بالهم والله مش عارف ايه اللى خلانى اعمل كده مكانش قصدى من الفيديو حاجه
الا انى اكتشفت انها خلال ال3 ايام كانت راقده فى السرير ولما شافت الفيديو انهارت اكتر
مع انى والله بحبها جدا لله .. لانها ماشاء الله ذات دين
للاسف قالت لوالدها انها مش عاوزانى .. حتى والدها ماستناش عليا وصحانى الصبح وبلغني بالخبر .. ويكانه مستنى حاجه زي كده وكان فرصه ليه انه ينهى العلاقة
لما فكرت فى الموضوع .. حسيت انها فعلا كانت بتحارب عشانى وقابلت ضغوطات كتير من اهلها عشان نستمر فى الخطوبه
الا انى فعلا جرحتها كتير جدا
بس والله خلال ال3 ايام مش كنت عاوز ارد عشان مش كنت عاوز احاسبها بذنب والدها انه هزأنى فى اخر مرة .. ولكن للاسف ال3 ايام كانت هيا راقده فى السرير
والدها طبعا لملى حاجتى وقالى اتفضل يابشمهندس وفى القعده الاخيرة قولتله انا لو لفيت الدنيا مش هلاقى زي بنتك وان بنتك تستاهل انى بيطلع عنيا فى الشغل واشتغل كذا شغلانه واسمع منك الكلام ده واستحمل ربنا يارب يجعلها دايما باره بيك
بحبها جدا ومش قادر انساها .. بحاول كل يوم اقول اذكار رفع الحسد من السنة النبويه والقران الكريم
احنا الاتنين لسه بنحب بعض بس اناحاسس ان عندها تحفظ وانى فعلا جرحتها كتير
يمكن اخر مرة والدها مشانى وادانى حاجتى الا انى عاوز ارجع اتقدملها تانى لانها فعلا تستاهل ان الواحد يتقدم لوالدها 100000 مرة ولو رفض يحاول تانى
انا مش عاوز غير الدعاء بظهر الغيب .. احبكم فى الله
شوف يااخي بارك الله فيك انته شاب متدين وتخاف الله عزوجل وعملت الصح اللي يحتمه عليك دينك واخلاقك والمفروض هي واهلها يفتخروا بالشي ده وتكبر في نظرهم مش يزعلواويفسخواالخطوبة انت ماعملتش غلط ابدا تاكد انك ابن حلال متربي وتخاف الله عزوجل والف من يتمناك هي وعيلتها عاوزين شاب متحرر فاسد الاخلاق يعمل لهم اللي هم عازينه احمدالله انهاجات منهم وعرفت حقيقة العيلة دي وماتندم عليها ابدا اوتتنازل عن مبادك واخلاقك السمحة عشان ترضيهم خليهم يغوروا ربنابيكرمك ويعوضك ياعزيزي بابنةالحلال الصالحة التي تخاف الله فيك وفي نفسهاوتقدرتصونك وتسعدك وتشرفك وتكون لك نعم الزوجة وام لاولادك الطيبون للطيبات والطيبات للطيبون وفقك الله ويسر امورك
أخي صدقني مافي أحلي من الحياة في طاعة الله !!
أنت عاملتها بهذه المعاملة لأن الله أمرك !!
أليس كذلك ؟
فلماذا القلق واليأس ؟
أنت حاولت أن ترضي الله فيها وتحب حب حلال ..
هذا اختبار من الله عز وجل ..
لو عايزها عف عنها ~~ فليكن هذا شعار كل شاب
سيعوضك الله خيرا .. اهتم فقط برضا الله ودعك من الناس
وأنصحك قبل أن تقدم علي أي أمر من أمور حياتك بــصلاة الاستخارة .. فلتكن أمورنا ربانية !!
وقدر الله وما شاء فعل .. الحب شيء جميل جدا إذا كان في رضا الله .. مش مهم هي فهمت ايه .. المهم انك كنت بتحبها وكنت عايز تمشي بالضوابط الشرعية بتاعة فترة الخطوبة .. لكن أبوها مش متقبل وهي كمان مش فاهمة ومش راضية !!
هل جاء في ذهنك أن الله من الممكن أن يكون منعها عنك لأنها قد تفتنك عن دينك فيما بعد ؟
احمد الله .. وأنصحك بسماع فيديو ” بتحبها ؟ بتحبيه ؟ ” علي اليوتيوب
انت غلطان اة جدا
والدها مش بيحبك دة انت السبب فية لية
عارف لو كان مش طايقك بس انت بذكاءك وكلامك الحلو هتعرف تخطف قلبو لاكن انت واضح عليك انك تنشن اوى ودة مينفعش فى العلاقات دى فين الزكاء يا اخى
اوعى تحط موضوع الحسد دة فى دماغك …………… عشان الى بيخاف من العفريت بيطلعلو .
اوعى تقول كل شيى راح وحاول تانى وروح جرب ممكن تتكسف مرة وتتبهدل برضو بس عشان خاطر حبيبتك كل شى يهون
وفى الاخر هقولك ربنا يوفقك للاحسن ليك ولحياتك وربنا مبيجبش حاجة وحشة ويعالم الخير فين ومع مين