انا مشكلتى الكبيرة مع البنات انى مبعرفش اتعامل معاهم او اكلمهم من اصله ومعرفش لو عاوز اتكلم هقول ايه ودى حاجة بتألمنى اوى لما اشوف صحابى بيكلموا بنات عادى
اعمل ايه؟
مشاكل الشباب مع البنات
مشكلتي مع البنات
اضيف بتاريخ: Sunday, November 28th, 2010 في 12:20
كلمات مشاكل وحلول: اصحاب, البنات, الشباب, مشاكل الشباب
ياعم والله مابييجى منهم غير وجع الدماغ
والوقت ده هتعيشه هتعيشه وهتزهق وهاتقرف
بس انت مستعجل شوية
كلنا كنا زيك
والبنت زى طابع البريد
تف عليها تلزق
🙂
السلام عليكم ورحمة الله وبركاته
انا حابة ائلك انوا هاي مو مشكلة احمد ربك غيرك عندهم مشاكل ما بيئدلروا يتخلصوا منها اما انت مشكلتك بسيطة وبقدر تنحل وتقليد مو دايما صح هي انا بنات صفي وصحباتي كلهم بيتكلموا مع شباب ما بحاول اقلدهم لانوا التقليد صعب ونصيحة تاخد بنصيحة السيد العاطفي لانوا فكرتوا ورايوا كتير منيحة ونصيحة تاخد برايوا نصيحة من اخت لاخواها
ياعم انتا المفروض كنت تكتب سنك عشان نعرف نقولك الحل بص انتا من الاخر شكلك مش عجبك دى الى مسببه المشكله صح
رايى انك تستنى واحده هى الى تجيلك ساعتها انك هتحس ان انتا شكلك حلى ومش هتكسف سلام
ليه بتعقده الولد!!!!!
هو كل اللى كلم بنات راحو ف داهيه
من حقه يتكلم زى زمايله
هو عشان عاوز يتكلم مع بنات يبقى هيقول حاجه غلط !! لاء طبعا
لو انت فى الجامعه حاول تكون وسط صحابك البنات والاولاد ولو بتكلمو ف موضوع قول رايك عادى من غير ما تتكسف او تتحرج وممكن حد من البنات يشاركك الرأى وتتناقش عادى كانك مع اخواتك وزمايلك
مع الوقت موضوع الخجل ده هيروح وتلاقى نفسك تقدر تتكلم عادى جدا
وعلى فكره لازم تحاول تخرج من اللى انت فى ده لانك فى يوم هتتخرج وهتشتغل ولازم بردو هتتعامل مع الناس اذا كانو بنات او ولاد
والحياه العمليه عاوزه يكون الانسان اجتماعى عشان يقدر يواجه المشاكل ويحلها
البنات ما تبغى الرجال اللي بيكون مثل الذيب وهيه الفريسه
البنات تبغى واحد يعاملها باحترام عشان تحبه وتتعلق فيه
بعدين يادلخ مدلخ هذي مو مشكله هذي نعمممممممممممممممممه
احمد الله فهى نعمة من نعمه عليك
كتب أبو علي “كلمة (أحبك) ..مااجملها من كلمة..ولكن من يقولها بصدق؟ بسم الله نبدأ..:: كلمة عميقة المعنى هل تدرك معناها فعلا؟ هل تحس بمعنى هذه الكلمة عندما تقال لك؟ مع الاسف لم نعد نعرف من الصادق الذي يعنى هذه الكلمة… صارت لا تعنى سوى المجاملة… لذلك اغلبنا يتسائل من يحبني..!! لم يكونوا بالسابق فى حاجة لهذه العبارات لأنهم كانوا يكتفون بكلمة…أحبك…. ولا يشكون في صدقها لحظة واحده لأنها كانت تملك مكانه كبيره ومستوى راقي…… لا اعرف من يحبني ؟؟؟ كلمة رائعة تحمل كل المعاني الجميلة في العالم ؟؟؟ فمعنى اني احبك هو: انا احترمك انا مخلص لك انا احتاجك معي انت مميز جدا انت رائع في نظري قربك يكفيني انا افضلك على الاخرين انا افضلك على نفسي انا اخاف عليك انا افتقدك دائما تهمني مصلحتك اريد ان اراك دائما سعيد لااحب انا اراك حزينا احب ان اساعدك في كل شيء انا موجود دائما عندما تحتاجني لا احب ان اغضبك لا احب ان اراك وانت تبكي يحزنني كل ما يحزنك احب ان اقدم لك كل ما تحتاج اليه حتى اهم الاشياء بالنسبة لي انت في تفكيري دائما…. وغيرهاااااااا الكثير …….. وهنا السؤال…!!! هل تقصد انت كل هذه المعاني عندما تقول لأحد أحبك؟؟؟.. للأسف نادرا جداااا عندما تكون صادقه من القلب .. و لا يمكن توصيلها سوى الاحساس الصادق المعبر .. فقد فقدت هذه الكلمة مصداقيتها و متعتها لانها اصبحت تقال في غير محلها و في غير زمنها فاصبحت كلمة من الكلمات العابرة التي لا تستوقف احد و اصبح الهدف منها في هذه الايام التلاعب بقلوب الأخرين علما ان اصدق حب هو الحب فى الله فلكى تكون صادق و لكى تكونى صادقه .. قبل ان نتجرأ على نطق هذه الكلمه لابد ان نتاكد من كل هذه الاحاسيس التى تعبر عنها”
احمد ربك على كدة وكويس انك كدة وانا فرحة جدداااااااااااا علشان انا كدة سلالالالام
عارف لما تخطب و تزوج هتبقي من اسعد الناس لان خطيبتك هتبقي كل نساء الدنيا بالنسبه لك و لسانك هيتفك و هتتكلم و تقول و ما حدش هيبقي قدك ربنا يثبتك على الطاعه
با صحبى انا زيك بيزبط وى باردو مش عاريف اعميل اية دى مشكلة رخما على فيكرا انا لما بتكليم فى التليفون مع اى واحدة ببئ جرى اوى لكن لما بئبيل حد فيهم ببئ مش عاريف اعميل اية مع ان صحابى باردو زى صحابك باردو لما بيئبلو بنات حاجة عادية وى عايزين حد سشرفلنا المشكلة دى
اوك بص لازم تكون حيوى يعنى قصدى انت بتكلم مع امك واختك وجيرانك عاادى لو كان ايوه يبقى انت
عندك مشكلة نفسية انا انصحك انك تقول للبنات (غمض عينيك وانت بتكلم عشان تحس انك بتكلم نفسك)
يا ابن الحلال انت معندكش مشكلة ولا حاجة انت خاطب ممكن لا بس صدقنى لم تخطب او تتجوز هتكون اهتماماتك كلها بزوجتك وهتتكلم كلام متعرفش بتجيبة منين صدقنى انت كدة كويس خلي كل الكلام وكل شئ لنصيبك اللى ربنا كتبهولك وربنا يوفقك
الشكر جزيل الشكر الاستاذ سيد العاطفى على هذه النصيحه الرائعه التى اثرت فيه جدا وربنا يباركلك ويجعله فى ميزان حسناتك
اخى فى اللة السلام عليكم ارى انك اخى فى نعمة حاول تكون انسان لايبحث عن الحب وربنا هيدهولك وقت ماتتجوز وبكثرة لاكن ان كنت تريد فا البنت تبحث عن الاخلاق لاكن اخى لااحد هيفيدك لان الكلام تبع الموقف… يعنى لو موقف حزن وربنا ما يجيب حزن مش تضحك فى وشها والعكس يعنى كل ظرف وموقف لة الكلام اللى يناسبة لاكن بصفة عامةالاهم الاحترام لان البنت مهما كانت بتحب الاحترام وكمان الاسلوب اللطيف الحسن البعيد عن اى شئ ممكن يحسسها بخجل وادعو لك بالهداية وصلاح الحال وراحة البال والبعد عن الرزيلة والغرور بالاموال
جرب تتكلم معاهم على انهم من جنسك وليس من كوكب اخر وابع التفكير باسفل ما عندك فيهم
انا مش عارف اتعامل مع البنات وعلطول بتخدع فيهم وانا سنى 20 سنة ماذا سوف افعل؟؟؟؟؟؟؟؟؟؟؟
انا رأيي انك تحمد ربنا علي الحاجه دي دي نعمه انك ما تعرفش تكلم البنات علشان ما تغضبش ربنا
طيب وايه الحل حد عنده طريقه لمعامله البنات
ايه نوعية الكلام اللى انت زعلان انك مش بتقوله؟
كلام الكذب وايقاع الفريسة كويس انك متعرفوش لانه الان لم يصبح فقط شقاوة شباب لا اصبح غلظة في القلب وتحطيم للمشاعر وقسوة غريبة جدا بصراحة مش رجولة.
اولا : انتا بتعتبر ان البنات وخده بالها منك شوية ومحدش بيبص غير عليك انت بس فدة الى بيخليك مش عارف تركز وتتكلم ولو اتكلمت مش عارف حتقول اية بس على العموم اعتبر ان البنت الى انتا بتكلمها هى اختك يعنى احترام فى الكلام وادب فى الافعال وبعدين البنت مبتحبش الولد المندفع فى كلامة واحنا بنسمية بلغتنا ( غشيم ) بيرمى الكلام وخلاص
وبالنسبة لصحابك فهى بالنسبلهم بتيجى مع الممارسة والجرئة ولو انتا عايز تشيل الرهبة الى جواك ادام اى جمع سواء بنات او رجالة ممكن تمشى بالنصيحة دى ” اعتبر كل الى ادامك مدان ليك بفلوس ” واتكلم بقلب جامد وكانك بطالبهم بفلوسك ”
وفى النهاية انا منصحكش انك تكلم بنات لانك ” كما تدين تدان ” وانتا اكيد فاهم كلامى كويس وبعدين الرسول ( صلى الله عليه وسلم ) حذر منهم لانهم فتنة ” ان فتنة بنى اسرائيل كانت فى النساء ” ومتحولش تضحك على نفسك وتقول انا ححافظ على نفسى دة كل الشيطان بيضحك عليك ولو حبين انك تعرف ان ربنا سبحانة وتعالى حظر منهم وقال ” ولا متخذات اخدان ” اى ولا متخذات اصحاب من النساء للرجال وربنا يهديك ويهدينا
انى احبك فى الله .
ان من راى ان الانسان يتعامل بطريقة العادية علشان الصراحة مفيدة للدمغ لكن المهم تكون عرف ان الابتتكلم معة بصراحة يكون زايك وملكش داخل بغيرك كل واحد حر فى حياة اتعاملزى ما انت خاليك علبى طبيعتك علشان ترتاح بعدين
يا صحبى احمد ربنا انكم ما بتكلمش بنات
يعنى اللى بيكلموا بنات حالهم بقى ايه؟
اسأل اصحابك واقرأ المشاكل اللى هنا هتعرف ان اللى بيكلم بنات وبيعمل علاقات بينشغل وبيضيع وبيتعذب وبيروح فى داهيه بتحصل بينهم خيانه حد يخون التانى او حد يسيب التانى او يكتشف انه كان عايش فى وهم وهو فاكر انه حب
دا غير اللى بتوصل بيه الحكايه لانه يقع فى الفاحشه والغلط
ويقعد الواحد ينشغل وانهارده ما كلمتنيش وانهارده مع واحد تانى وشاكك فى حبها واهلها هيجوزوها غصب عنها طب ليه تحط نفسك فى المواقف دى وتشغل نفسك عن اهتماتك وتعذب نفسك
دا غير انك هتاخد ذنوب من ورا الموضوع ده
وانا خايف عليك سيبك من مواضيع البنات دى لانك دلوقت عارض مشكلتك وبتقول مش عارف اكلم بنات
انا بقى خايف احسن قريب الاقيك عارض مشكله تانيه وبتقول حبيبتى خا نتنى او وقعنا فى الغلط مع بعض او اهلها جوزوها غصب عنها او هى حبت واحد تانى او غيرو
فانا انصحك تعمل زيى انا كنت زيك كده ما بعرفش اكلم بنات خالص وكنت دايمآ فى حالى حتى لما كانت بتجيلى الفرصه كنت برفضها وكنت خايف احسن لما اخطب ما اعرفش اتكلم مع خطيبتى وتبقى مشكله لكن ربنا ساعدنى وحبيت وحده من طرف واحد واتقدمتلها وخطبتها وبعد الخطوبه لقيت نفسى بالتدريج بدآت اتكلم معاها واعترفلها بحبى وبمشاعرى ناحيتها وحبتنى زى ما بحبها وكانت مبسوطه لما عرفت انى اول مره اكلم بنت وانى فتحت على ايديها وده احسن حاجه على الاقل محدش هيلومنى وانا بكلم خطيبتى
وبقى كل اصحابى اللى كانوا بيكلموا بنات قدامى بيحسدونى انى صبرت وما عملتش زيهم وفى الاخر نلت الحب والخطوبه والكلام الرسمى وبقوا بيتمنوا انهم كانوا يبقوا مكانى
فانت انسى وما تحطش فى دماغك انك فيك عيب عشان ما بتتكلمش مع بنات لا دى تعتبر ميزه فيك
انسى واهتم بامورك ان كانت مزاكره او شغل لحد ما تجيلك الفرصه وتحب وتخطب وهتلاقى نفسك بتتكلم مع خطيبتك وكله هيبقى تمام_ بس انت ما قلتش عمرك كام سنه يمكن لسه صغير ومش قادر تواجه البنات
عالعموم ربنا يوفقك ويسعدك ويقدملك اللى فيه الخير
(سيد العاطفى)
مصر__بنى سويف