انا شاب عمري 18 سنه مشكلتي اني لما بكون في مواقف شديدة او محرجة بحس بتبدأ اطرافي ترتعش وضربات قلبي سريعة والخ يعني مثلا وانا بتخانق مع واحد او في خناقة معانا اطرافي بترتعش ولثاني أيضا يرتعش واتلعثم في الكلام ويرتبك تفكيري
المشكلة التانية اني خجول جدا ببقا ماشي مش واثق من نفسي وحاسس الناس كلها بتبص عليا وببقا ماشي مش متوازن خصوصا لو شارع عام احس أن الناس كلها احسن مني وانا غريب في كل حاجة غريب في شكلي في طبعي فيمشيتي
وانا طيب جدا ودايما ببعد عن المشاكل وبرحم الي اضعف مني وبحبة وبحب الناس كلها لاكن الناس سعات بتقول كلام تجرحني ومشكلة الرعشة دي انا مش بكون خايف من الي قدامي لاكن هذه الرعشة عندي غير إرادية عند الشعور بالخطر وانا استطيع أن اقدي علي من امامي مهما كانت قوته ولاكن هذه رعشة تجعلني احس اني خايف منه ويمكن للناس ملاحظتها ويقولو علي جبان انا مش عارف اعمل ايه بصراحة مشكلة جمدا عندي بصراحة وبفضل وانا قاعد بفكر وأقول لنفسي اني جبان والخ شفولي حل الله يخليكم
وبالله التوفيق
مشاكل الشباب النفسية
ارتعش في المواقف الشديدة
اضيف بتاريخ: Friday, November 11th, 2016 في 03:09
ده مرض نفسى إسمه الرهاب…إذهب الى طبيب نفسى وان شاء الله يقدر يساعدك
اخي العزيز انت شخص مسالم مالك في المشاكل ولست جبان اوضعيف الشخصية وانما تعاني من الرهاب الاجتماعي وده بيوجد عند كثيرا من الناس وله اسباب منها قسوة الاهل منذالصغر وكثرة الخناقات والمشاكل الاسرية في محيطك الاسري عدم الشعور بالثقة بالنفس عدم الاحتكاك بالاخرين والعزلة والانطواء عنهم وعلاجها يحتاج منك الصبر واسترجاع ثقتك بنفسك ومواجهة الصعاب او المشاكل التي تعترضك في الحياة وعدم الهروب منها وخلق الارادة والعزيمة في داخل نفسك ونشاء الله انك تتجاوز هذة المشكلة وتتغلب عليها وربنا يوفقك ويسترعليك ويسر امورك
التكرار يعلم الشطار
اي حد فينا بيجي عليه وقت بيجرب حاجه اول مره يجربها ف حياته
وبنبقي خايفين ف المره دي لكن تخيل لو الحاجه دي بتعملها كل يوم اكيد الخوف حيروح مع مره واتنين وتلاته ومش حيبقي في رعشه وغيره انا مش بقولك روح اتعارك مع الشارع كله لا انا بقولك ان دي حاجه طبيعيه جدا يعني ان الرعشه او تشنج العضلات يبقي موجود ده نوع من الخوف مع الوقت بيروح .. وبالنسبه لانك شايف نفسك اقل من كل الناس ف ده مش حقيقه الناس كلهم شبه بعض وقد بعض ف المقام انت عندك ايدين وهما كمان عندهم ايدين مش اربعه ومش خمسه وهما خلي بالك بيبقوا ماشين لا بصين ولا حاجه انت بتفتكر حد شوفته ف شارع قبل كده متعرفهوش ؟ اكيد لا ولا هما كمان بيفتكروك هو الواحد بيبص باصه للي ماشي وخلاص على كده مش بيفضل ف دماغه كل اللى ماشين دماغمهم ف حته تانيه وعندهم مشاكل ثق ف نفسك انت مش اقل واحد ولا حاجه انت زيك زي زي اي حد ف الدنيا ربنا خلقك انسان وخلقك باحسن صوره وخلقنا كلنا باحسن صوره مفيش حد احسن من حد كلنا كنا ف بطن امنا 9 شهور وكلنا اتولدنا بنفس الطريقه وكلنا عندنا نفس الايدي والرجول والعيون والودان بأختلاف الاسماء والاشكال لكن المضمون واحد … انا براي انك تنزل كل اسبوع مره تتمشي في الشوارع عادي وبعد ما تبدا تتعود انزل كل يومين لحد ما تتعود وبعدين خليها كل يوم انزل كل يوم اتمشي ساعتين ولا حاجه وروح وبص ع الناس وحتتعود على كده وثقتك ف نفسك حتزيد ان شاء الله
خليك على طبيعتك يعني انت هكذا اجمل ,انسان مسالم محترم ومش بتاع مشاكل وما يجي منه شر ابداً هكذا احسن , الله اعطاك شخصيتك نعمة هل تريد ان تكون ملعون مكروه الارض والسماء تلعنك , اكيد لا , اذاً , عيش على طبيعتك جبان جبان واللي يقول عليك جبان هو شيطان ,مع انك لست جبان ولكن لا تحب المشاكل والعداوات التي تضرك وترهق حياتك وربما تضر حتى اهلك او قريب لك , المجرمين لن يسلم احد من شرهم واجرامهم يكبر مع سنهم انا جربت هذا من قبل ولا تنتهي مكائدهم وعداواتهم , لكن عندما يكون منهجك كله سلام وطيبة واحسان حتى مع السيئين من الناس تكون انت الكسبان لست الجبان على الاقل تسلم من شر السيئين , والناس الذين عرفتهم بحياتك تكون ذكرياتهم معك جميلة ويدعوا لك بالخير ,
أخى أنت لست جبان ولكن ماتصفه هى أعراض رهاب اجتماعى وأنت بحاجة للذهاب لطبيب نفسي ليساعدك على التغلب على هذه الحالة. ربنا معاك وإن شاء الله حتبقى تمام.