سلام عليكم و رحمة الله و بركاتة
اعرف عن شخصيتي اولا : اسمي **** و انا طالب في ثانوي و عمري ١٧ سنة
مشاكلي كبيره علي و لدي مشاكل في كل الاشياء تقريبا
و هي :
لدي مشاكل في جسمي و شكلي ، و لدي مشاكل عائلية و لدينا انا و عائلتي ازمه ماليه ( حاليا )
و ليس لدي اصحاب الا واحد و تركني قبل مده ، و لدي عاده سريه امارسها اكثر من. ٦ سنوات و معدلي الدراسي متوسط مرتفع و حلمي ان اصبح طبيب و بمعدلي الان لا استطيع و هذي مشكلة التي تسبب لي احباط و لدي مشاكل في شخصيتي ( ضعف شخصية ) و انا صامت دائما
و لدي مشاكل في لساني( اتاتئ اثناء الكلام) و لدي مشكله في بشرتي و شعري و لدي مشكله ايضا في عيني و ايضا بسبب ضعف شخصيتي لا استطيع اخذ حقي من الناس و اخاف من الناس ، و لدي مشكله في لبسي ايضا ،
هذة اغلب مشاكل و ايضا كل ما ادخل في موضوع او اي شي لازم تحدث مشكله لي
و سؤال بسيط لماذا هذة المشاكل لمراهق ذو ١٧ عاما ؟
و هل من نصائح؟
و هذه مشاكل من عدم توفيق من الله او عدم رضاء ؟
و صراحتا فكرت في الانتحار مرة و الله يبعدني عنة
و هل هذه امر من الله و اقبل بالارض الواقع و استسلم؟
و شكرا
بص يا ريس انت دلوقتى فى مرحلة صعبة جدا وهى ترة المراهقة انا لسة مارر بيها من فترة بسيطة
ودلى يا سيدى مرحلة متقلبة المزاج وفيها افكار كتير غلط
الحل فى انك تفكك من كل الكلام التافة دة وتركز فى دراستك وحاول تشتغل وتملا فراغ يومك ولو مش بتصلى روح وانتظم وعيش حيانك يا عم ومتفكرش فى الناس خالص ولا فى اراءهم كون شخصيتك وخليك مميز وربنا يكرمك
انا حاسس بيك جدا
بس اعمل الى قولتلك علية عشان انت هيجى عليك يوم تضحك على الايام الهبلة دى
سيجزي الله الصابرين والشاكرين,كن منهم لا تخسر الجزا على ما اصابك,
صلي ع رسول الله الموضوع باختصار ابعد عن العادة السرية هي بتاثر ع نظرك وبتضعف جسمك وبتخلي غير واثق ف نفسك وضعيف الشخصية شوفت ياعم خبصت اهي موضوع الازمة المالية شوفلك شغلانة جنب دراستك او دايما روح صلي ف المسجد بانتظام واقرا قران في المسجد انت اسلوبك كويس مع الوقت وقرائة القران لسانك مش يتاتا وربنا يسعدك ويهدينا جميعا
مبدأيا انا حابب احييك بجد مش مجاملة لان مش اى حد يقدر يحدد مشاكله بنفس الدقة اللى حدتها لنفسك .. سبب ردى عليك ان عندى قناعة انى اقدر اساعدك فعلا لانى مريت بتجربة مشابهة بس يمكن خرجت منها قبلك على سن 15 سنة تقريبا انا حاليا 21 .. ايامها كنت اسمر البشرة اكتر حتى من لونى الطبيعى بسبب اللعب فى الشمس كتير هوا مش مشكلة بالنسبة لناس كتير لكن بالنسبة لمراهق فى السن دا كانت مشكلة مختلف دايما غير انى مش مدى لنفسى تقدير ودايما الناس كانت بتقل منى وبتستخف عقلى دا غير مشاكل عائلية كانت سبب اساسى فى تدمير شخصيتى وظهرت فى جسمى امراض بسبب الاكتئاب .. غير ان وزنى كان زائد بشكل واضح .. وصبيت تركيزى على تغيير الشخصية مستعينا بالله سبحانه وعلى قناعة ان مشاكلى كلها هتتحل لو شخصيتى اتغيرت .. ابتديت بقراءة كتب فى التنمية البشرية للدكتور ابراهيم الفقى رحمه الله واعترف بفضله عليا لحد دلوقتى ربنا يجعل مثواه الجنة .. الكتب دى لما تقراها هتفهمك المفروض وبشكل دقيق المفروض تتصرف ازاى وايه الفكرة اللى المفروض تاخدها عن حجات كتير وتتعامل معاها ازاى والاهم انها هتفهمك ” ليه ” المفروض تتصرف بالشكل دا انا شخصيا بنصحك تدور عليها وتشتريها لانها كنوز للى فى مثل حالتك .. ثانيا لازم تتفقه اكتر شوية فى الدين وتبتدى تثبت افكارك عن نفسك وتحط لنفسك اسباب حقيقية عن كونك مسلم على سبيل المثال انك تقول ان مشاكلك اكبر منك او ان مشاكلك مش من سنك دى اشاعة ملهاش اى معنى لان ربنا سبحانه قال ” لا يكلف الله نفسا الا وسعها ” انت بس بتقول كدا عشان مش شايف المشاكل دى عند الناس التانية لكن صدقنى لما تخرج منها هتلاقى نفسك عندك ادراك رهيب وقادر تفهم الناس من اول نظرة او اول كلمة وهتملك ادراك يفوق ادراكهم .. تالت حاجة ابتدى دور على النت على الاشخاص المميزين اللى اشكالهم بالنسبالك مش مميزة لكن شخصياتهم خليتهم بشر استثنائيين وقدروا ينجحوا ويحصدوا اعجاب الناس لازم تفهم انك عشان تخرج من قوقعتك لازم تكون شخصية عن نفسك دى بملامحك دى بصوتك دا وبشعرك دا بمظهرك دا .. وطبعا تبتدى تدور على نصائح فى اللبس وطريقة المشى والوقوف ونبرة الصوت وسرعة الكلام و …. الموضوع صدقنى كبير وممتع لازم تبطل يأس وتلاقى نفسك قبل مالعمر يعدى بيك وتفضل تندم عليه .. اعمل حاجة تفتخر بيها وتفكر بيها نفسك بكرا
شوف ياابني العزيز كل انسان في هذى الحياة معرض لابتلاء من الله عزوجل وانت شاب مومن بالله وبرسوله وتومن بالقضاء والقدر خيره وشره يريد الله ان يمتحن عباده المومنين في هذة الدنيا فعليك بالصبر وعدم الاعتراض على ماقدره الله عليك سوا في صحتك اوبدنك اواهلك اومالك اوفي كل امورك تلاقي رضا الخالق عزوجل عنك وبيسخر لك الرزق ويوسع لك ابواب رحمته وفضله ويحبب الناس فيك ويرزقك من حيث لاتحتسب احسن ظنك بخالقك وخليك مع الله في كل شوون حياتك تقرب اليه بالطاعات والعبادات من اداء صلواتك في وقتها جماعة في المسجد والصيام كل يومين اوثلاثة من الاسبوع والاكثار من قراءة القران والمداومة على حفظه تجدفيه السكينة والطمانينة والامان والنجاة لك من كرب وكل ضيق وتفريج لهمومك ومتاعبك اما مسالة انك تمارس العادة السرية فهي محرمة وتوب الى الله منها واقلع عنها للابد وتاكد انها تسبب اضرار خطيرة على صحة الانسان اقضى اوقات فراغك بذكر الله من قراءة للقران اولاحاديث النبوية الشريفة اوحضور مجالس الدين والمحاضرات في المساجد تستفيد منها في دينك ودنياك واخرتك وانت شاب لايمكن ان تكون بلااصدقاء او زملاء لك وتحتاجهم فاخرج معهم واستمتع باوقاتك معهم واحرص على الاصدقاء الطيبن الصالحين وابتعد عن اصدقاء السوء فلاخير فيهم ابدا ومسالة التاتاة عندك في الكلام انت بحاجة للحوار والتكلم مع الاخرين عشان لسانك ينطق وتروح منك التاتاة هذة ايضا تشوف طبيب يشخص لك الحالة ويصف لك العلاج النافع باذن الله وكذلك الحالة التي تعاني منها ضعف في عينك لازم الطبيب يشوفك ويعمل لك كشف للعين قد تحتاجلا لعملية او لا تحتاج لبس نظارات طبية تساعدك على النظر الجيد وعايزك تترك الخوف عنك انت رجل وكلها سنتين اوثلاث وتتزوج وتلاقي بنت الحلال اللي تستاهلك وتقدر مشاعرك وتسعدك في حياتك اتمنى انك تدرك كلامي هذا كله وتعمل به لمصلحتك واسعادروحك وصلاح لدينك ودنياك والله يحفظك ويبارك فيك ويصلح احوالك