السلام عليكم
انا عندي 14 سنة , قاعد على الكمبيوتر علطول . المهم في المدرسة أصحابي كل يوم خميس وجمعة وسبت بيخرجوا
ويطلعوا , المهم ابويا كل ما اقول له انا عايز اطلع مع اصحابي يقولي لأ , ويوم ما ازن عليه يقولي لازم
تعرفني باصحابك دول كلهم وهاتلي ارقام موبايلاتهم وكل حاجة عنهم , وهو دايماً اللي بيقيم اصحابي ولو واحد معجبوش , يقولي متكلموش , انا متعقد من كدة
انا كل اصحابي بيخرجوا ويروحوا كل حتة إلا انا , وانا بصراحة متعقد من المشكلة دي
اعمل ايه ؟ قولولي اعمل ايه
وغير كدة اي حاجة اطلبها منه ميرضاش خالص
مبقاش عندي هدوم ولا كوتشيات , مبيهتمش بيا , ويوم ما اكلمه في دا كمان , يقولي مش فاضي
حوش وهات من مصروفك , احوش من مثصروف المدرسة ازاي ,
انا مش اعمل إيه بجد . متعقد خالص
مشاكل الشباب النفسية
أبويا مانعني من الخروج مع أصحابي
اضيف بتاريخ: Saturday, November 10th, 2018 في 15:32
كلمات مشاكل وحلول: المدرسة, شاب, مشاكل
من حق ابوك يخاف عليك فالدنيا ماعادش بها امان وانت شاب مراهق واولاد الحرام كثير وقد يجروك الى الهاوية وياما أولاد في سنك حصل معاهم كدا وانحرفوا وفسدت اخلاقهم فلا زم تسمع كلام ابوك فهو يريد الخير لك ولمصلحتك واذا شافك تسمع الكلام وتلتزم بكل مايقوله لك فلن يقصر معك في شيء تطلبه سوا كانت فلوس او أي حاجة انت عاوزها يعملها لك وربنا يبارك فيك ويهديك ويخلي لكم البابا ولايحرمكم منه ابدا
شوف يااابني ياحبيبي ابوك خايف عليك وده شئ طبيعي يعمله كل الاباء الغيورين والحريصين على اولادهم نحن في زمن اغبر انتشرت فيه المصايب والفتن والمعاصي والفجور لازم تعرف الشئ ده وتشعر به من حق ابوك يعرف مين اصحابك دول هل هم كويسسين ام وحشين اخلاقهم ازاي مش يترك لك الباب على مصرعيه تعمل مابدا لك دون حسيب ولارقيب ومسالة انه مايعطيك حاجة من فلوس علشان تشتري اللي نفسك فيه فده لايجوز منه فانت ابنه ومن حقك انه يصرف عليك ويوفر لك ماتطلبه قدر المعقول وللحاجة الضرورية