بسم الله … اذيكم يا جماعه…
انا شاب عندي 18 سنه
انا كنت عايش عيشه حلوه جدا انا ليا اختين وماما وبابا وبعدين انا والدي بيحب يتكلم مع الناس وبعدين هو عرف واحده على امي واتجوزها ودلوقتي هو اتغير لا اتغير ايه ده بقي بيكرهنا اوي وهو اصلا مش عايش معانا ومعدش بيكلمنا ومش بيجيبلنا فلوس
وانا بقيت بكرهه وحلمت كتبييير اني بقتله او انه هو اللي بيقتلني بمسدس او بسكينه ودلوقتي معدناش بنكلمه ولا هو بيكلمنا ..ده كان مقدمه للي جاي..احنا طبعا تاثرنا نفسيا وانا اصبحت منطوي وادمنت النت واجد سلواي في اصدقائي اللي ع النت ولا اطيق الكلام مع امي او اي
حد ولم يعد عندي اصدقاء مقربين الا واحد بس ساكن بعيد واصدقائي العاديين اقابلهم ساعات لا اكلمهم ولو هما قالولي ازيك اكتفي برفع حاجبي (تحيتي الخاصه) انا كنت مرح واجتماعي والان ربما يعدي اليوم ولا اري الشارع فحياتي نوم ونت والدراسه هتبدا وانا اكره المذاكره و مش عارف اعمل ايه في امي اللي حاطه امل عليا وكمان النت تم فصله (صديقي المقرب او حبيبتي ) وانا ادخل نت من الموبايل فلا استطيع تركه……
انا مشكلتي كلها لم تعد بسبب ان والدي اتجوز ولكن اني احب النت ولا اريد الخروج من المنزل فانا اكره الناس ولكن الدروس
تحكم ذلك …سامحوني لو طولت ولكني اردت ان اخرج بعض همومي فهذه فقط مشكله من آلاف مشاكلي
وشكرا …..
مشاكل الشباب النفسية
كرهت عائلتي واصبحت منطوي بعد زواج ابي
اضيف بتاريخ: Monday, September 17th, 2012 في 14:32
بص يا بني…. لو كنت فلسطيني وابوك عمل كده وتاني يوم قصفوا بيتكم وابوكم مش موجود هتقعد تندب حظك ولا هتجري من القصف… القصف هو عمرك اللي بيجري واخرته الحساب
فكر بعد 5 سنوات شكلك هيبقى عامل إزاي ؟ وبعد 10 سنوات ولما يبقى عندك 60 سنة ؟
هل الجلوس على النت هيزودك حاجة غير مزيد من العزلة والتشاؤم واليأس من الحياة ؟
لو فشلت في الدراسة تقدر تقول لنفسك هتعمل إيه بعدها؟
هل فكرت مرة ربنا خلقك ليه؟
اجاوبك : علشان تكون خليفة في الارض اللي اهم سمة فيه إنه قوي ومسيطر ومغير لشكل الأرض ومحسن لكل السوء
مهم تفكر إنك تقدر تغير حياة واحد مسجون وبيتعذب في فلسطين او العراق او اي مكان في العالم
لو لم تزيد على الدنيا شيء كنت انت مجرد الزيادة في العدد
وافتكر قصة الأعرابي اللي راح للرسول وقاله لو عملت اللي عليا هدخل الجنة فرد عليه قال أيوه هل حد يعرف اسم الاعرابي؟ لأ طبعا لانه عمل اقل القليل ورحل من هذه الحياة لكن اللي زادوا وغيروا وجه الارض محدش نسيهم هل عمر بن الخطاب لما اتولد ايام الجاهلية زي لما مات بعد الخلافة 13 سنة اكيد انت عارف مين عمر بن الخطاب
اخر حاجة في ملف اسمه( رتب حياتك) لطارق سويدان فيه اسئلة لازمتها تدور فيها عن نفسك وتذكر إنك راعي ومسؤول امام الله
الكيس من حاسب نفسه وعمل يوم آخرته
شوف ياولدي الحياةكدا ماتخلو من المشاكل وفيهاالزين والشين كبر عقلك واهتم بحالك وامك وخوانك انت الان راجل البيت واهلك مالهمش احدبعدالله سواانته خلك من ابوك يتزوج امراة اخرى دافي شرع الله جايز ولكن الواجب عليه العدل بين زوجاته واولاده واذامانفع معه الكلام اعتمد على الله وعلى نفسك اهتم بمذاكرتك ومستقبلك عشان تقدرتتوظف وتعيش امك وخواتك العيشة الكريمةوتبقى سند وعون لهم في الحياة بعدالله وتاكد انك تعمل الصح لكن ماتخليش النت يسيطرعلى كل وقتك اخرج مع صحابك وزمايلك ومارس حياتك وشوف طلبات امك وخواتك وكون مع الله في السروالعلانية يكون الله معك وابعد عن الحرام واسلك طريق الخير تجد ابواب الخيروالنجاح مفتحة لك وربي يسعدك ويرزقك الخيروالفلاح
اخى انت لسه صغير على الكلام ده وبعدين انت ليه تقعد 8 ساعات ماتكلمهمش ازاى اخواتك زيك فى نفس المشكله الى انت فيها ومتاثرين اكتر منك لانهم بنات ضعاف هاقولك على حاجه بس ما تزعلش اعتبر والدك مات وانسى انه اتجوز كنت ها تعمل ايه كنت هاتقرب من والدتك وتحاول تخفف عنها وكمان كنت هيبقى عندك قوه اراده اكبر من كده الحل علشان تبعد عن الانترنت غير نظامك عليه مثلا كنت بتدخل تجيب حاجات معينه غيرها هات حاجات تانيه وحدد وقت معين تقعد عليه وكل مره قلل ساعات القاعده تدريجى علشان دراستك انت هتبقى بعد كده مسؤل عن عيله يعنى لازم تبقى حاجه كويسه والا مفيش حد هيقبلك زوج لبنته ومتقولش مستقبل ايه انت بتصنع مستقبلك فى الفتره العمريه دى يعنى حدد اهدافك ولازم توصلها وعلشان تبعد عن الانترنت اعتبر ان النور قاطع ومش هتعرف تفتحه انا بقول ده كله مع انى متاكده ان لو عندك قوه اراده مش هتقعد عليه تانى حتى لو النور موجود واهم شيئ انك تقرب من ربنا لانك ساعتها هتحس انك ليك قيمه فى الدنيا وهتعرف ان ربنا معاكفى كل حاجه بتعملها هتتحس بتغيير انت مكنتش متوقعه صدقنى وحاول تجرب الوضع ده ذى ما جربت الوضع اللى انت عليه دلوقت واختار وبارادتك تقدر تبقى هنا او هنا اتمنى تكون استفدت بكلامى بس الاهم تجربه
يا صاحب المشكلة انت بترد علية وبتقولى اذا كنت حقولك الرجولة والكلام دة مات يعنى الرجولة عندك ماتت يعنى انت فنظرى وفى نظر اى واحد راجل انت مت يعنى ملكش لازمة يعنى مفيش داعى ان حد يرد عليك او حد ينصحك لان النصيحة بعد الموت مش بيبقى ليها اى تاثير فى الميت
واذا كانت الرجولة ماتت عندك فأنت ملكش لازمة فى الدنيا
بص انا مش مكبر الموضوع لانك مش عارف التفاصيل ايه ..وانا اعصابي تعبت اصلا من المشاكل دي …وانا غصب عني اتشاكلت معاهم اصلا ومش عدت بكلم حد واه انا فعلا فكرت اسيب البيت اروح اعد مع ابن عمي هو اخوه لوحدهم في شقه ..بس عاينها شويه لو قرفت بقي او جبت اخري ابقي امشي …وعشان تبقي عارف انا بعد ادمان النت امي فصلته عند فيا فانا بفتح من الموبايل
وطول اليوم اعد في الاوضه نا يم ع السرير انا ساعات بفضل بال8 ساعات اعد مش بعمل حاجه بس عشان ما اشوفهمش ..ولو هتقولي الرجوله والكلام ده خلاص مات
ربنا موجود ودة ابتلاء ليك و لازم تتحمل و تذاكر و تندح عشان تفرح امك و اثبت لابوك انك ليك قيمة و انك تستاهل انة يكون معاك و اهم حاجا هتخلص من كل دا .. الصلاة الصلاة الصلاة قالها الرسول قبل ما يتوفى علية الصلاة والسلام واظب على الصلاة و اشكى همك لربنا هوا ارحم واحد علينا كلنا
حبيبى اعتقد انها مش مشكلة انت مكبر الموضوع وعطيلة اكتر من حقة وزيادة فى ناس كتير اوى اوى ابوهم تزوج على امهم ولن ولم يفعلوا زى ما حضرتك فعلت وبالعكس وجهوا الموقف وصمدوا وبعدين بدل ما انك تنطوى وتقعد على النت ومتكلمش حد وتبعد على الناس المروض دلوقتى جاء الوقت الى المفروض انك تثبت رجوليتك وتعرف ان امك وخواتك ملهمش ذنب فى الى عملوا ابوك والمفروض بدل ما تكرههم وتبعد عنهم لالمفروض انك تقرب منهم وتقربهم منك ولازم تعرف انهم بقوا مسئولين منك انت بعد ما ابوك بعد عنهم ولازم تعرف خواتك البنات دول ممكن فى اى وفت يضيعوا بسبب بعد ابوهم عنهم وبعدك انت كمان عنهم اعتقد الى انت بتعملوا اسمة سلبية منك وعدهم اهتمام بالاخرين الى هما منك واوعى تفكر انها جدعنة ولا رجوليهم ولا حتى شجاعة الى انت بتعملوا دة وممكن يجى الوقت من الاوقات انت تعمل الى عملوا ابوك دة يبقى ابنك بقى يعمل الى انت بتعملة ومتقلش انك مستحيل تعمل كدة لانك متعملش الغيب .
وبعدين مش من الرجولة انك تعمل الى انت بتعملة يا راجل خليك راجل يا راجل حس واتقى الله فى نفسك وفى امك وفى خواتك امك وخواتك مسئولين منك ولازم تعرف كدة :::
وبعدين لو كل واحد ابوة اتجوز على امة يعمل الى انت بتعملة يبقى مش حيبقى فى رجالة وشكلك كدة شوية شوية تقول انا حسيب البيت وحمشى
تعتقد كدة انك راجل جدع زى باقى الرجالة