السلام عليكم و رحمة الله وبركاته
يا جماعه انا كان نفسي أخطب ولكن ظروف سفري لا تسمح لي بالبحث الدقيق
المهم انا بنت خالتي أعرف انها بنت جميله و مؤدبه و محترمه قاللولي في البيت عنها وكلهم كانوا موافقين عليها اتقدمت وما حصلشي نصيب فزعلت جدا انا انا اترفضت ولكن بعد مرور 6 أشهر لقيت اهلي بيفتحوا الموضوع دا تاني وقاللولي هما هيوافقوا المره دي و نا كنت غير موافق تماما قاللولي دي بنت فرصه و مش هتلاقي زيها وأقنعوني وحصل النصيب وخطبتها وهي فعلا بها كل الصفات الجميله ولكني من الأول لا أحس تجاهها بهذا الموضوع حيث انني كنت راسم لها صوره بأنها بارعه وفائقة الجمال و لذلك فإن النظره الأولي لم تتوفر هنا و دائما في حيره و تردد واوقات بحس اني بحبها واوقات لأ.. ولكني عندما أكون معها أكون فرحان جدا واني احبها وعندما أكون بعيدا عنها لا أحس بأي مشاعر حب.
مشاكل الشباب قبل الزواج
تردد وحيره بعد الخطوبة
اضيف بتاريخ: Wednesday, May 15th, 2013 في 07:59
كلمات مشاكل وحلول: بنت, شاب, مشاكل الخطوبة
مبدأيا نفس مشكلتى تماما …
انا مريت بنفس الحالة تماما انا بأقرأ كلامك وشايف فيه نفسي انا من يومين بالظبط قررت اني افسخ خطوبتي بسبب تلك المشكلة ، ولكن بعد ذلك شعرت بنقص غريب ، اضيف على كلامك ان في تصرفات منها مش بحبها وعلشان كده فسخت والان انا ف قمة الندم على فعلى ذلك لاني الان حسيت قد ايه انا بحبها وصعب ابعد عنها ، ودلوقتي بحاول اني ارجع لها تانى لاني فعلا حاسس بشىء ناقص .
ضلك خاطبها والحب انشاءالله رح يكبر بعد الزواج
بلاش تردد وحيرة دامك خطبت البنت واهلك موافقين عليهاودي بنت خالتك يعني قريبتك مش وحده غريبة عنكم اتقي الله في نفسك وفي خطيبتك تقرب منهاوبادلهاالمشاعروالاحساس وانسي انهم رفضوك في الاول خلاص واهتم بهااخرج معهاوشاركهااحلامهاوامانيهاوتاكدانك بتحبهااكثر من اي شي ولاعمرك تقدرتبعدعنها وربي يهديك ويسعدك معها
انا رأيي عادي رفضتك بلاول ووافقت تاني مافي مشكله بيجوز رفضت لسبب واقتنعت بلاخر انا خطيبي تقدملي تلات مرات وبالاخر وافقت وهلا بيحبني كتير والحمدالله متفاهمين مع بعض
سيب الحب يتمكن صدقنى مع مرور الوقت حتحس أنك مش تقدر تعيش من غيرها وكل يوم لازم تكلمها ..
ده البيعى اللى انتى فيه فى الاول لكن حبيبى حاول وركز دائما على تنمية الشئ الجميل اللى بينك وبينها الا وهو الحب اذا نجحت فى تنمية الشئ ده تبقا أنتا كدة تمام
تقريبا حصل معايا نفس الموضوع بس انا بصراحة نصيحتي ليك بلاش تكمل لان طالما حصل رفض سابقا يبقي ممكن تكون لسة مش مقتنعة بيك وهي كمان ممكن تاخد فنفسها مقلب وتتعبك عموما ربنا يرزقك بالزوجة الصالحة الي تقدرك كرجل وربنا يوفقك
ايه يا بني ده .. ازاي تقبل تخطب واحدة بعد ما سبق ورفضتك .. كن رجل ذو كرامه .. ولا تلعق ما بصقق من قبل .. البنات الكويسة كتير .. ومن لم ترغب فيك لشخصك لا امان لها .. اهم شئ يكون بينكم توافق اجتماعي وتعليمي .. وربنا معاك ولا تكن ضعيف الشخصية
دة العادى فى الاول بس بعد فترة هتستقر الحياة ودور فيها على الحاجات الحلوة الى انت تحبها