انا شاب عندى 29 سنه خطبت قبل كده مرتين وماحصلش نصيب ووقت الخطوبه كان بيبقى قصير ودايما كان الطرف التانى هو اللى بيسيب واحده كانت تقوللى الحب افعال مش كلام مع انى كنت بعملها حاجات حلوه كتير والتانيه كانت عايزانى اغير طريقة لبسى وبصراحه انا ما حبتش ولا واحده ولا حاولت حتى المس ايد واحده واحتمال ده سبب البعد عنى
وقعدت بعدهم سنه تقريبا لحد ما واحده قريبتى قالتلى على صاحبتها وشكرتلى فى اخلاقها هى كانت جميله ومؤهل متوسط فقابلتها ولقيتها فى اول مقابله طيبه هى ومامتها فاتقدمتلها واهلى كانوا فرحانين بيهم وشايفنهم ناس طيبين وهما فى الاول ما غلوش فى طلباتهم وفى الخطوبه ما خلتنيش حتى امسك ايدها كنت بحاول الم نفسي علشان اتجوزها بسرعه بس هى كانت عايزه تخرج وتتفسح ومش عايزه جواز بسرعه وكانت كل شويه بحال شويه تضحك وتهزر وشويه زهقانه وقرفانه وما بتردش على التليفون ولا حتى تتصل وكانت تقوللى غصب عنى بعمل كده بس ببقى زهقانه ومش عايزه اتكلم وتعيط فكنت بلين وتصعب عليا المهم اول مره خرجت فيها معاها حسيت انها جريئه زياده عن اللزوم ومسكت ايديا عادى وبقت بتقرب منى جامد لحد ما حضنتنى وبوستها لاول مره ودى كانت اول مره ليا مع بنت ولقيتها ساعتها فرحانه ومبسوطه قوى مع انى كنت حاسس بذنب فظيع بس بعدها اتغيرت وبقت تتصل بيا وتسمع اى كلام بحكهولها وبقت العلاقه بينى وبينها تتكرر علطول ومن بوس واحضان لحاجات اكتر وكنت بحس انها فاهمه كل حاجه (مع العلم انها اتخطبت قبل كده) وكانت جريئه قوى فى كلامها لدرجه انى ماكنتش بعرف اجاريها فى الكلام وبعدين بقينا نعمل الموضوع ده فى التليفون وانا برضه ماكنتش بعرف اسايرها قوى بس كانت بتقوللى انها بتعمل معايا ده علشان بتحبنى وانى اول واحد وانا كنت بصدقها
المهم علقتنى بيها وبدات الطلبات عايزه لبس وعايزه موبايل وعايزه مصروف وعايزه اكل فى بيتهم واشحنلى التليفون واشحن لماما وعايزه هدايا على طول وفلوس ولو ما اديتهاش تزعل وبعدين تعيط وتقوللى ما تسيبنيش وجت مره قالتلى الشقه عندكم فاضيه فكنت بتصدم بس بقول جايز عبيطه ومش عارفه ده ممكن يوصل لايه المهم كانت طلباتها كتير وكان موضوع الجنس ده بمزاجها وقت ما تحب تبدا تبدا ووقت ما ميكونش ليها مزاج تقوللى دى قلة ادب وانت مش عايزنى غير علشان كده بس المهم صرفت عليها كتير ومكنش فيه طلب بتطلبه غير لما اعملهولها و كانت بتغير من اهلى واخواتى من الاخر كانت انانيه والكل نصحنى ابعد عنها بس كنت بحاول اغيرها لحد ما جيت فى الاخر وبدات ازهق واحس انى مش معايا فلوس وهى بقت بمليون حال مره تنفضلك ومره لو سيبتنى هموت نفسى وتقعد تعيط لحد ما طلبت كتب الكتاب هى بقى اللى موافقتش فقلتلها يعنى بكل اللى بيحصل بينى وبينك ده ومش عايزاه يبقى صح وفى الحلال المهم موافقتش فخيرتهم كلهم يا نكتب الكتاب يا كل واحد يروح لحاله فقالولى شوف اللى انت عاوزه فحسيت انها واحده هين عليها نفسها وجسمها والموضوع بالنسبه ليها عادى فسيبتها وطبعا ما عرفتش اطلع منهم بكل حاجه جيبتهالها
المشكله ان لحد دلوقتى بيجيلى احساس انى ظلمتها لانى كنت علطول بقولها ما تسيبينيش بس لما افكر شويه بلاقى ان كده كده النهايه كانت اننا نسيب بعض وهى كانت هتسيبنى لانى لا قادر اسايرها فى كلامها الجنسي ولا فى طلباتها الماديه ولا فى عندها
انا مش ملاك بس اتربيت كده فانا صح ولا اهبل وخام
مشاكل الشباب قبل الزواج
خطيبتى جريئه وماديه وانانيه
اضيف بتاريخ: Friday, November 17th, 2017 في 01:01
كلمات مشاكل وحلول: الحب, الخطوبة, بنت, شاب
انت كده تمام…خليك بطبعك ومتسمعش كلام حد…