مشاكل الشباب قبل الزواج

مش بحب خطيبتي ولا بكرهها

البدايه انا كنت بحب واحده من سن الطفوله وهي كانت تحبني وخطبتها وحصلت مشاكل بينها وبين اهلي مع العلم اننا جيران وسبتها وبعد كدا اتعرفت علي واحده من المغرب وحبيتها ونويت اتزوجها وشاورت امي قالتلي مبروك وبعدين راحت خطبتلي بنت عمي مش حلوه لاكن امي تحبها وخطبتهالي عشان خايفه اسافر المغرب واسيبهم مع اني انا بشتغل بره في بلد عربي وليا 5سنين هناك في الاول كنت بقول اني خطيبتي دي هتنفع وغلبانه وامي بتحبها وكل دا انا مكتش شفت شكلها ايه لاكن فاكرها من ايام ماكنت في البلد زمان وبعدين بعتولي الصور وشفتها الكلام دا بعد7شهور من الخطوبه وياريتهم مبعتولي الصور وندمت ومعرفتش اعمل ايه اسبها ولا اكمل وانقطعت عنهم في الاتصال فترة 11شهر وقلت هما نسيوني وتلاقيها اتجوزت وفجأه لقيت امي بتقولي مش هتنزل يبني دي عروستك نفسها تسمع صوتك امتي هتيجي خليك تتجوز ونفرح بيكوالموضوع بقي زفت حصلت شوية مشاكل بيني وبينها وقلتلها انا مش عاوزك انا مش عاوز اشوف وشك لو جالك عريس اتجوزي وبرضه رخمه ومع طول فترة الخطوبه اكتشفت كل عيوبها نكديه وزنانه وغبيه ومعندهاش احساس وبتتكلم بطريقه مفيهاش ريحة الانوثه انا مش بحبها ولا بكرهها لاكن لو تزوجتها هتحصل مشاكل كتيره واحتمال نتطلق في اقرب فرصه وممكن قبل ما ادخل بيها ارجوكم بدون تجريح الردود وافيدوني وعاوز ردود ذكيه

مشاكل وحلول ذات صلة

اضيف بتاريخ: Saturday, November 25th, 2017 في 07:18

كلمات مشاكل وحلول: , , , , , ,

اترك رداً أو حلاً لهذه المشكلة