بحب قريبتى من 7 سنين واهلي رافضين الزواج

انا كنت بحب واحده قريبتى من 7 سنين بس هيا كانت متزوجة وانا علشان كدا فضلت طول المده دى حتى مش مبين اى حاجه وكنت بدعى ربنا يسعدها ومن سنه طلقت طبعا بعدها ب 6 شهور قلتلها انى كنت بحبها وكدا فهيا قالتلى انها كانت حاسه كدا من خوفى عليها وانى كنت بقف فى صفها دايما المهم هيا حبتنى جدا وانا كمان والله اتعلقت بيها اكتر  طبعا انا 20 وهيا 21.5 اكبر منى يعنى وطلبتها من اخوها وكان موافق طبعا بس لما فاتحت اهلى فى الموضوع رفضم نهائيا لدرجه انى دخلت فى مشاكل مع اهلى ودخلت فى دائره العلاج النفسى وهيا بتقلى انى انا بعتها واتخليت عنها وهيا متقدملها اكتر من 8 اشخاص  وطبعا والدها وافق لى واحد منهم واخوها قالى انا حاولت انى اعطل الموضوع على قد ما قدرت بس النصيب  والكلام دا وهيا كمان قالت لوالدها انها موافقه عليا وانها مش عايزه منى اى حاجه ولا شبكه ولا اى شى لحد ما اخلص تعليمى وبعد ما اخلص تعليم مش عايزة حاجة برضه بتقلى مش عايزه غير دبله طبعا اهلى مش موافقين لانها مطلقة ولانها اكبر منى ولانها مستواها التعليمى اقل منى بس انا بحبها بجد وهيا مش يبان عليها انها اكبر منى بالعكس دى جميله وجميله جدا كمان  اتمنى اسمع اراءكم لانى بجد تعبان من غيرها وانا بحبها من وانا صغير وسمعت انها هيا كمان تعبانه بسب الحكاية دى لانى طبعا بسال عليها من تحت لتحت كدا علشان اطم عليها لاننا مش  بنكلم بعض من ساعه ما والدها وافق على الى اتقدملها دا سمعت انها تعبانه ومش بتخرج وملازمه الفراش تقريبا

مشاكل وحلول ذات صلة

• خدعتني باسم الحب وبحجة الجنس
• نفسي حد يقولي خطيبتي بتفكر فى ايه؟
• سلوك اخواتها هيخلونى اسيبها
• الزواج من زميلة أكبر مني بشهرين
• نويت اتزوج واتركها بسبب اهلها كريهين مفتريين
• اخى المدمن اعتدى على
• احس ان زوجي عنده احساس بالنقص