انا طالب فى كليه وبشتغل فى اعمال حره خطبت واحده من اسره فقيره هيا عايشه مع والدتها ومتعلقه بيها جدا وابوها غير موجود متزوج من اخرى فى فترة الخطوبه كانت كلها مشاكل بينا عن طريقة اللبس الغيره منها الشديده الاتهامات منها انى بخونها وانا والله عمرى ما خنتها المهم فوجئت بتغيير من نحيتها عدم الاهتمام بيا مع انها فى اول الخطوبه كانت مهتمه جدا جدا بيا تتصل بيا كتير عاوزه تشفنى كتير بس انا كنت مشغول بعملى عشانها المهم فوجئت انها بتكلم واحد صاحب محل وانكرت شكيت لحد ما توقعته وكانت صدمه ليا قابلته وقلى انها مفهماه انها هتسبك بس بعد ماتدينك مبلغ من المال وهو ثمن الشبكه هو كان مستعجل جدا لدرجة انه بعتلى رسايل بتقول انها على اتصال بيه وانها بتحبه وقلى انها بتقول ان انت وهيا زى الاخوات المهم قابلتها وعرفتها انى عرفت فى البدايه انكرت لكن بعد كده قالت على كل حاجه ووالدتها عرفت كل حاجه علشان راح اتقدم لها ووالدتها قالتله انها مخطوبه المهم وقالت البنت لى انى انا السبب من معاملتى القاسيه ليها هو خوفى عليها معامله قاسيه وقالتلى انه هيعيشنى انا وامى مع بعض وده اهم حاجه عندها امها المهم خيرتها بينى وبينه فاخترتنى منعتها من دخول المحل ومعاملتى اتغيرت معاها كل اللى هيا عاوزاها بلبيه علشان بحبها جدا بس حاسس انها لما تعدى على المحل بترمى عنيها من ناحيته حولت اقولها انكرت رغم انى شايفها اعمل ايه مش قادر انسى الى حصل وحاسس انى عاوز اراقبها بس هفضل كده على طول فكرت اسيبها مقدرتش مش عارف اتصرف ازاى ياريت تشوفوا ليا حل
مشاكل الشباب قبل الزواج
الحب المزيف و خداع خطيبتي ليا
اضيف بتاريخ: Monday, July 4th, 2011 في 20:58
كلمات مشاكل وحلول: الخطوبة, الزواج, متزوج, مشاكل الشباب, مشاكل الشباب قبل الزواج
انت شاب كويس ومحترم ولافيك عيبه وكل شي قسمةونصيب وهي اختارت صاحب المحل ممكن هي شايفه انو الزوج المناسب لهاوانويخليهامع امهاتعيش انتهينا بص لحياتك ولاتفكرفيهاخالص انساهاللابد وربك بيعوضك بالزوجةالصالحة اللي تستاهلك وتسعدك
السلام عليكم : بص .. هي غلطت اااه بس البشر خطائين و لازم تسامح لكن انت اذا شايف اوو حاسس انها ميالة للولد داا . اتركها بالمعرووف .. غلطتها مش شنيعة اوووي و اللي بيحب بيعمل تصرفات مجنونة تحس انه مدمن مجنون ..
انما لو لااا فانسى و عادي و البشر خطائين و مصيرك هتغلط و لازم تسامحك .. و انا من رأيي طالما بتحبها كدة : حاول تقرب منها و تعرف الحاجات اللي بتحبها و التصرفاات و كدة و قاوم شغلك عشانها خليك جمبها .. و هتحبك بجنوووووووووووووون
سبها للى زيها
انت ماتستاهلهاش
انت امرك غريب شفتها بتخونك وتأكدت وشاكك فيها وعاوز تراقبها انت مستني ايه؟؟ لما يكون عندكنها عيال وتشك ان العيال دول مش ولادك؟؟؟؟ انت لسه علي البر انت يادوب خاطب اللي فيه ده مش اسمه حب ده اسمه وهم او حب امتلاك نفسك تتملكها…… والله دي نصيحه من اخوك لازم تسيبها فورا وكمان تكون عارف ان ربنا بيحبك يمكن ابوك وامك بيدعولك فربنا حبك تشوف بعينك انها مش كويسه والطريف انك مصر علي استكمال الموضوع … ده اسمه هوي نفس والشيطان راكبك اوعي صدققني تكمل معاها انت لازم تسيبها ودلوقتي حالا
السلام عليكم بس يا كابتن البنت بقولك ديها مش تتسنهلك لانه مش عرفه قمتك والله وهي الخسرانه وانت مش تزعل انا عارفه انك بتحب بس برضه هي هتغرف قمتك قريب بس علي فكره هي مش بتحبه ولا حاجه هي بتبصل علي الفلوس وبس وانت انساء والله محترم جدا وربنا يوفقك بواحده احسن ان شاء الله
بسم الله هقولك اديها فرصه اخيره وعرفها انها فرصه اخيره ولو هي التزمت بكده واحترمته وعامالتك كويس كمل معاهاوربنا يوفقك بس راعي ربنا واوعي تتلكلها ربنا معاك
بص ياابن الناس انا من رايى واكيد دة الصح انك تديلها فرصة تانية عشان متكونش ولا ظلمتها ولا ظلمت نفسك يعنى وربنا غفور رحيم
من خلال كلامك أنا فهمت أنك في خطر كما فهمت أنك بتحبها مش قادر تسبها دا خلاك تتغاضى عن الحقيقة وخلاك تبرر مواقفها وخيانتها ليك
طريقة لبسها واتهامك بالخيانة ما هو إلا وسيلة وحجة لإجبارك على تركها بطريقة تجعلها بريئة أنت المتهم فيها لأنها كانت تريد أن تتركك للتتفرغ حرة مستقلة لصاحب المحل وهذا الذي جعلها تتغير من ناحيتك شعوريا وعاطفيا ولما كشفت أمرها وخيانتها حاولت القاء اللوم عيك بانك قاسي معها وكذلك ليها دافع هأهم هو العيشة وبررت هذا لصاحب المحل حتى لا يتركها أنها بتحبك كأخ ولما وضعتها قدام الأمر الواقع تدخلت أمها لأنها عارفة أنها لو سبتك احتمال كبير ما تلقى مثلك خيرك عليهم كبير وصاحب المحل مش مضمون لذا بررت خيانتها بأن صاحب المحل تقدملها وكان عايز يخطبها وهي مخطوبة ولو كان هذا فعلا لا كانت أخبرتك على الفور لكن هذا كلام فارغ إن كان تقبلها وهي مخطوبة فهذا يدل على أنه كان عارف أنها مخطوبة منك يعني هذا ما حدث معك حقيقة لكن الحب يعميك يا أخي ويضعفك
والحل هو البنت خانتك يا أخي ويجب عليك أن تتقبل هذه الحقيقة ولو لم تكشف أمرها ربما كنت ستظل مخدوعا الى أن تقتلك الصدمة وهي لم ترجع ليك لأنها غلطت في حقك وهي نادمة لأن الذي يغلط على الأقل يعترف بخطاه ويعوض عن ذلك بل رجعت لك لضرورة لتلبي مطالبها ومصالحها هي وولدتها يعني تقدر تقول استغلال بعد خيانة واحتمال كبير تخونك مرة أخرى يا أخي ويجب أن تفهمني أنا عارف معنى الحب والعجز ربما أنت سمحتها وتريد أن تعطيها فرصة أخرى لكن يا أخي احذر يجب أن تجربها بحيلة ما مثلا قل لها أنك مسافر ومن ثم رقبها أو جربها بالهاتف يعنى أنت مجبر على فعل هذا حتى تتخذ قرارا صارما لأن شرفك وكرامتك على المحك والكرامة أغلى من الحب إن كانت تعذبك كل هذا العذاب في فترة الخطوبة فماذا ستفعل لو تزوجتها إن كانت شكوكك في محلها وتأكدت أنها تريد خيانتك مع صاحب المحل فلا تتردد في تركها لأن هنا لا مجال للغيرة والحب هنا خيانة وخداع والله سيعوضك بأفضل منها إنشاء الله بنت صالحة تعرف قيمتك وكرامتك تحبها وتحبك تنسيك في التي لا تستهل الحب والثقة والخير
لازم تكون راجل , والى تبيعك وهيه فالخطوبه يبقى ممكن تبيعك لما تتجوز لو زعلتها شويه ولا قسيت عليها فى الجواز هتكون الدنيا صاعبه مشاكلها كتير وهيه هتبيعك فى اول محطة زى ما بعتك فالخطوبه كدة , ولما تخطب حد ياريت يكون من مستواك ماديا وفكريا وادبيا عشان يكون فيه توافق , وزى مقلتلك وبنصحك لا تبكى على اللبن المسكوب لانها باعتك مرة يبقى ممكن تبيعك تانى وتالت وربنا يهديك يا بنى
بص دى مش اخر واحده ولا حياتك هتقف عليها كمل معاها للاخر وشوف نيتها ايه ولو لقتها زى ماهى او ممكن تخون يبقى لازم تبعد وتنسها وتحفظ كرامتك ومترجعش لها تانى
هاقولك حاجه البنت لما بتلاقى عليها ضغط من ناحية اللبس والخروج بشكل قوى بتخاف اوى ومابتحسش بلامان لكن لما تاخدها واحده واحده بالحب والله من نفسها هاتتغير للاحسن وموضوع انها بتبص على الشاب دا فهى مش عندها وعى كفايه يعنى انت بردو لو فهمتها بالراحه ان هى اختارتك انت وانك بتحبها وانها المفروض تبقى مخلصه ليك فى حبها وان دا حرام حتى لو نظرة وحاول تحسسها دايما بحنيتك وخوفك عليها مش بلاوامر بالحب واوعى تحط فى دماغك الشك ابدا صدقينى هاتتعب اوى حاول معاها وكمان باباها بعيد عنها يعنى حاول تحسسها بلامان وهى معاك وربنا يوفقك ويهديها
الحل انها متناسبكش وانا في مشكلة شبه اللي انتا فيها وانا في كلية عالية جدا وفي شعل اعلي بس حبيت واحدة قربتي وموضوع زي اللي معاك بالظبط, بس انا مضطر اني اسيبها رغم اني والله العظيم بحبها اكتر من نفسي حب مقدرش اوصفه , فمشكلتنا واحدة بس انا قررت ان اسيبها ومبكلمهاش بقالي فترة وشوية اخلص الامتحانات هاقفل الخط ده واجيب رقم اديه للناس اللي انا عايزها بس , وقررت كمان ابعد عن الحب ولو شوية انسي فيهم حاجة اسمها حب واريح دماغي من التليفون…الكلام كتير بس هاكتب ايه وهاسيب ايه.