انا هتكلم معاكم شويه يمكن استريح نفسيا .. بصراحه الدنيا ظلمتنا كتير اوي اوي .. مش عارف ابتدي منيين بس ياريت تتحملوني وتقرئوا كل قصتي لانها والله حقيقيه انا والدي توفي وكان عندي سنتين ومفيش حد خالص وقف جنبنا غير ربنا طبعا سبحانه وتعالي وبعد تعب كتير لوالدتي عملو لينا معاش لن تصدقوه لو ذكرته لكم حيث ان والدي كان غير مثبت في عمل حكومي وقد كنا اربع اولاد وبنت وانا اصغرهم .. ولن استطيع ان احكي لكم تفاصيل حياتنا البائسه ولكن كل مااستطيع ان اقوله هو احساسي بالظلم والقهر لعدم دفع مصاريف المدرسه الحكوميه والذي لايتعدي مبلغ زهيد .. وكم كنت الاقي من مواقف وكلام جارح من مدرسة الفصل او مدير المدرسه بسبب ذلك وانا طبيعتي لا استطيع ان اشتكي او اتكلم وكل مااتذكره بأني مره قلت لناظر المدرسه بأن والدي متوفي .. فقال لي هذه ليست مشكلتي وقال بالنص الواحد اذهب اليه في تربته واحضر اليا المصاريف .. وقام بضربي بعصاه غليظه امام زملائي وكنت لااستطيع ان احكي ذلك في المنزل لوالدتي او لاحد من اخوتي لاني اعلم جيدا ظروفنا … ولم توجد مناسبه معينه وحضر فيها احد من طرفي في المدرسه رغم اني كنت متفوق جدا في الدراسه ولكني كنت خجول فقد كان مدرس الفصل او مدرسة الفصل مايفاجأ بنتائجي في الامتحانات حيث اني كنت لااشارك في الفصل كثيرا لاسباب نفسيه داخلي … حتي معاملة اقاربنا لنا فقد كانت سيئه للغايه فقد ضحكوا علينا في ميراث الوالد ولم نأخذ منه شئ وخافت والدتي علينا ولم تقول لنا الحقيقه من خوفها علينا لافتعال اي مشاكل وكتمت ذلك داخلها .. وصبرت وتحملت .. ولو انه ليس بحرام ان يتم عمل تمثال لها لاركع له كل يوم لفعلت ذلك لدورها البطولي في تعليمنا جميعا تعليما جامعيا وعدم زواجها بعد وفاة والدي رغم انها كانت جميله جدا حسب قول الجيران ومعظم من وقفوا بجانبنا من الجيران وليسوا الاقرباء .. فقد تعلمنا جميعا وتخرجت انا من كلية الهندسه .. وانا الان اعمل خارج مصر وقد حققت كل مااصبو اليه من نجاح في عملي وحققت ايضا مااريد من تحققيه بالنسبه لموضوع الماديات ولكني اشعر بتعاسه والم ومراره لااعرف سببها وعندما اجلس مع نفسي واتذكر بعمق الاحداث افكر في الانتقام من كل من تعامل معنا بسؤ … فهل انا علي خطأ …
مشاكل الشباب قبل الزواج
هل انا طبيعي ام معقد نفسيا
اضيف بتاريخ: Wednesday, January 11th, 2012 في 23:09
كلمات مشاكل وحلول: الحب, الحب قبل الزواج, الزواج
بص انا مش عندى خبرة كبيرة عشان اقدر اقولك تعمل اية بس احسن حاجة انك تقرب من ربنا قوى وتسامح كل حد ظلمك مهما كان وسامحهم بنية انك بتعمل كدة لله ولما تسامحهم انت هترتاح وربنا هيرضا عنك محدش فينا كامل كلنا بنغلط ومهما حصلك تاكد ان دة خير ليك وربنا بيحبك عشان ابتلاك واحمد ربنا على اللى وصلتله وبكرة تنسى كل اللى فات ولما تفتكرة هتضحك من قلبك وتقول الحمد لله
سبحام الله عندما بدات قراءة كلامك وجدت شبها بين قصتك و قصة يوسف عليه السلام حيت ظلمه اخوانه وامراة العزيز وانت قد ظلمك اقرباءك و المدير فافعل مثل يوسف وسامح ولاتعاتب وامضي قدما لان الحياة امس (اجعله ذكرى) واليوم (عشه) وغدا (تطلع اليه) مع تحياتي مريم
بسم الله الرحمن الرحيم
اولا اخى الحبيب انا احييك لما وصلت اليه فى مراحل حياتك التى تكلمت عنها اى لم تتجه الى اى اتجاه خاطئ او الصدقات الفاسدة وانك اكملت حياتك على افضل وجه وانك بحمد الله تعالى وصلت الى ما تصبو اليه نفسك
اما بعد ايها الاخ الحبيب مع احترامى الفائق لكل من نصحوك
اوعى تروح لاى شخى تقوله فين ثروة ابويا واوعى تروح لناظر المدرسة تلومه على ما كان يفعله بك او تنهره
وانا هسئلك سؤلين اجابتهم عنك لوحدك
علشان تعرف انا بقولك كده ليه
1/ ثروة ابيك هتفرق معاك دلوقتى بعد ما حققت كل اللى نفسك فيه؟
2/ ذهابك للناظر هيرجعلك كرامتك اللى كنت بتحس انها بتتهان امام اصدقائك
وانت مش قادر تتكلم؟
بس فاضل سؤال واحد وصدقنى هو ده اللى هيريحك نفسيا
اسئل نفسك ليه ربنا سبحانه وتعالى وضعك فى مثل هذه الظروف؟
واذا كانت الظروف دى احسن من كده كنت هتوصل للوصلتلو دلوقتى؟
وعلى فكرة انظر الى نفسك شوية ولاتستهين بشخصيك القوية الطموحة
انه لشرف لك ان تصل الى ما انت عليه الان بمجهودك الشخصى وبدون مساعدة اقرب الاقربين اليك واما عن الزل والقهر والمهانة التى تشعر بها فانت تذوقتها واتبهدلت وكافحت ووصلت حتى الى ان تصل الى ما انت عليه مش يمكن لو كنت ادلعت ومتبهدلتش كنت ممكن بايدك تبهدل اولادك؟ وممكن يتبهدلو كده من بعدك؟
وممكن تظلم او تهين او تجرح اى شخص من غير ما تقصد؟
احمد الله على ما انت فيه مهما ان يكن واكمل مشوار حياتك واكمل نصف دينك وكن قريب من الله عز وجل ولن يخيب الله ظنك
مع تمنياتى لك و لكل شخص فى العالم بلهدايا الى الطريق الصحيح
والله المستعان
بسم الله الرحمان الرحيم
ان اخي متل حكايتك واحنا اربع اخوات
2 اولاد و 2 بنات ولكن البنات تزوجو
وبقينا نحن مدا افعل قل لي مدا افعل
قد تكون نصحتني كما قال المتل
سقسي المجرب وليس الطبيب
وشكرا اخي الكريم وانشاء الله يفرج على
كل مسلم يمشي في طريق الله ودنيا مكاتيب
انتقم بس بنجاحك اكتر واكتر وانسي الي فات كفايه انه فات ربنا عوضك اشكره واحتسب لله في الي فات وصدقني كل ما تنجح كل ما كل حقود بيموت من غيظه انت كده حتاخد حقك في الدارين
اخى لقد اكرمك اللة واصلح لك امورك ورزقك بأم يتمناها كثيرون فبدل ان تضيع فرحتك بصبرك وجزاء صبر امك فعندما تتذكر ما حدث لك ولها فى الماضى وتتمنى الانتقام فقارن بين حالتكم فيما مضى والان واحمد اللة فقد رد اللة لك حقك وحق امك فأنت جزاؤها وهى نعمتك التى مهما حمدت اللة عليها لن توفيها حقها وعندما تتذكر ما حدث فى الماضى اعتبر ان حقك الذى لك عند من اهانك وحرمك هو مقابل ذنوبك فكر فيها من تلك الناحية وحاول ان تبنى اسرة لتجد لك هدف اسمى واحلى فصدقنى ليس هناك سعادة للآم اكثر من حمل احفادها واللة يرضيك ويرضيها
تذكر طول عمرك ” العفو عند المقدرة ” اوعي في يوم تفكر في رد الشر بالعكس ربنا يصلح حال المسئ اليك وانت دلوقت مش محتاج حد يساعدك في شيئ وربنا سهلك امورك اتجه للزواج حتي تشعر براحة البال وراحة النفس والطمانينة وتزوج بنت الحلال التي تحافظ عليك ولكن لا تنسي الفقراء الفقراء الفقراء وفقك الله لعمل الخير
يا راجل يعني بقيت مهندس ماشاء اللة و ربنا أنعم عليك بكرة تكون أسرة و تحس أن الحنان و العطف اللي اتحرمت منة موجود مكان إحساس الانتقام اللي جواك ساعتها بس حتحس ان الدنيا لسة بخير لما تشوف أولادك حواليك و هم بتاخدوا من حنانك و عطفك انسي اللي فات الحياة أمامك و طريق الكفاح طويل و التديات كبيرة لبناء مستقبل واعد
انا حااقولك انا لو مكانك حااعمل ايه:
اولا الانتقام وحش سيب ربنا ينتقم .. لكن ببساطة فش غلك فقط
اول حاجة :روح للناظر الحيوان دهـ إن كان لسه عايش فهمه وقول له انا ساعتها كنت صغير وانت قلت لي كذا كذا اقسم بالله انك لولا انك راجل قد والدي لكنت عرفت قدرك دلوقت وحرام عليك يامجرم اما تقول لعيل صغير كدهـ وعنفه بالكلام علشان مايعملش كدهـ مع غيرك
تاني حاجة : مينفعش تقول اعمل لامي تمثال واركع لها (حــــــــرام) مينفعش تشبه التشبيه دهـ مهما عملت .. مينفعش تركع غير للي خالقك ماعليك الا الدعاء لها وقراءة الفاتحة باستمرار لها دهـ حايكون جزء من رد الجميل لهذه الست العظيمة وكمان انت حاترتاح نفسيا اما تعمل كدهـ
ثالث حاجة وده : انت الان ربنا ريحك اهو وكل دي كانت ابتلائات من ربنا انسي اللي فات شوية وخليك في الحاضر وانعم بحياتك وإن كانت حياتك كلها كدهـ ماتنساش ان الدنيا زائلة والأهمـ هي الأخرهـ ان شاء الله ربنا يجزيك ويجزينا خير في الدنيا والاخرهـ ان شاء الله
طبعا انت على خطأ.وهتضيع على نفسك متعة العفو والاحساس انك احسن وانضف من الناس الدون اللي خذلوك.لازم ترجع ميراثك وميراث اخواتك وامك .لكن بالحسنى وبالقانون.ولازم تعرف الناس اللي ظلموك انك انضف منهم .وكمان استعيد ثقتك في نفسك لان الظروف الصعبة دي بتضعف ثقة الواحد في نفسه وفي قدراته واسأل مجرب