مشاكل الشباب قبل الزواج

عايز اصارحها علشان اتقدم لها

بسم الله الرحمن الرحيم
انا معجب ببنت في كلية تانية غير اللي انا فيها هيا بنت محترمة جدا من حيث الادب والاخلاق والشكل وكل شيئ كنت بقابلها كتير في المواصلات بس مكنتش بتكلم معاها بعد فتره عرفت هي منين بالظبط واعرف اسمها وحاولت اجمع معلومات عنها وكل اما اجمع معلومه عنها اتعلق بيها اكتر وانا مش من النوع اللي بيحب يعاكس بنات كتيرة او يعلق بنت ويسيبها انا عايز الموضوع جد ويبقي فية ارتباط رسمي وبعد فترة من الوقت كلمت والدي علي البنت دي وقولتله اسمها بالكامل فوالدي عارف عمها وعارف والدها فقالي هما ناس محترمين جدا وانا هخطبهالك فقولت لوالدي انا عايز اكلمها الاول واعرف رايها قبل ما اتقدم فقال لي مفيش مشكله شوف رايها الاول فرحت وفضلت اشوف فرصة علشان اكلمها بيها بس للاسف مكنشي فية فرصة ان انا اقابلها او اكلمها والدي بعت شخص الي اهل البنت علشان يخطبهالي وقالهم علي كل شيئ ان انا بدرس وشغال في نفس الوقت وشقتي جاهزه وكل شيئ فوالد البنت قال انا اتمني ان اناسبهم مع العلم اهل البنت ميعرفونيش يعرفوا اهلي بس والبنت كمان متعرفنيش لان انا عمري ما اتكلمت معاها فقال والد البنت هنرد عليكم فية ناس قالتلي ان البنت دي اتقدم ليها ناس كتير بس هيا مش موافقة علي حد لان هيا عايزه تكمل تعليم وبالفعل الرد جه ان هيا هتكمل تعليمها فانا لما والدي قالي كدا فقولت لازم اقابل البنت دي واقول لها علي كل شيئ وانا مش عندي مانع ان انتي تكملي لا ن انا بحب التعليم وهخليكي تكملي وهساعدك وهقف معاكي وممكن استناكي فقولت لنفسي اعمل اللي عليا والباقي علي ربنا ولو فيه نصيب ربنا كتبهولي في البنت دي هشوفة ولو مفيش نصيب يبقي كل شيئ قسمة ونصيب والبنات بتحب الجراءه وانا قصدى شريف كمان بس خفت اوى , مش حابب حد يقلل مني بأنها تمشى وتسبنى وانا بكلمها او تفتكرنى اهبل ومجنون فياريت حد يقولى اعمل ايه بس كلمونى على اساس اننا اخوات بلاش الأراء اللى بتخلى الواحد يضايق ويندم انه نزل مشكلته