مشاكل الشباب مع البنات

حبيتها ولما كلمتني مقدرتش اعترفلها

كل مشكلتي انى اهتميت بزميلة ليا لقيت نفسي بفكر فيها كتير حتي وقت المذاكرة جه يوم قررت اني اعترف باللي فى قلبي ليها روحت بدري الكلاس زي العادي وصحابي سبحان الله مكنوش لازقين فى اليوم ده مكنش فيه غير واحد صحبي ونزل يشتري حاجة ولقيتها جت على غير عادة وكانت الدنيا بتمطر ولقيت نفسي انا وهي لوحدينا فى الكلاس وانا قاعد بلعب فى الموبايل ومش عارف انا بهبب ايه اصلا فيه مبقتش عارف اتصرف ازاى ولا ابدا ازاى وحسيت اني اخرس مش عارف افتح معاها كلام والصدفة غريبة جدا معقول..! مكنتش مصدق فجت عليا وقالتلي لو سمحت ممكن منديل طبعا قلبي وقع فى رجلي بس تمالكت نفسي وعملت نفسي تقيل وبدل ما ارد عليها بطريقة لطيفة من اللخمة بتاعتي قلتلها “ماشي” ^-^ طبعا لو الفراش بتاع المدرسة كنت هقله تحت امرك يا جميل هههههههه بس معاها مكنتش عارف اتصرف ازاى وابتسمتلي كده فادتلها المنديل من غير اتفضلي حتي وطبعا ده من لخمتي بس واني مكنتش اتوقع حاجة زي دي وبعدها راحت قعدت مكانها وبرده زي منا مش قادر اتصرف وجت واحدة صاحبتها حكتلها علي اللى حصل وقعدوا يضحكوا عليا بينهم وبين بعض انا عرفت انهم بيتكلموا عليا لما لقيتهم بيبصولي وبيضحكوا وبعدين فضلنا ييجي شهرين ابصلها تنزل عنيها اعمل نفسي منتبه مع الاستاذ وابص القيها مركزة فيا واول ما تشوف عيني جت عليها تعمل نفسها مش مهتمية لما احترت فى أمري وعايش من يوميها ايام كلها ملل ونفسنة وحزن وحاسس بفراغ فظيع وفى الاخر عرفت انى وقعت فى حبها ومحدش سمي عليا ,المشكلة بقي الكبيرة اني مش عارف ايه شعورها من نحيتي والمعضلة الاكبر اني معدش بقدر اقابلها لوحدها فى اى مكان لما اتخنقت وبحاول انسي مش بقدر حاسس بقلق ملوش داعي وتوتر من غير اى مبرر كاني مستني نتيجة الامتحان ومعدش عارف اعمل اى حاجة غير اني افكر فيها وبس ياريت تساعدوني وتقلولي اعمل ايه وهل هيا بتبادليني نفس الشعور وتقلانة او مستنية اني افتح انا الموضوع ,طب لو هيا بتبادلني نفس الشعور ليه هيا مش بتحاول تخلق فرصة بينا عشان اعترف باللى جوايا …..!!!! مستني ردودكم وشكرا.

مشاكل وحلول ذات صلة

اضيف بتاريخ: Sunday, December 2nd, 2018 في 02:36

كلمات مشاكل وحلول: , , ,

اترك رداً أو حلاً لهذه المشكلة