مشاكل الشباب مع البنات

اعمل ايه عشان الفت انتباه بنت واخليها تحبني

بسم الله الرحمن الرحيم

ياريت تستحملوني انا اسف لاني حاطول عليكم لاني بجد انا تعباان ومنهار وشبه مكتئب بسبب الحكاية دي انا شاب عندي 18 سنة عيلتنا متقاربة جدا وبنتجمع دايما الحمد لله يعني لينا بيت عيلة وبنتجمع اوقات فيه عندي بنات عم كتير وكلهم بسم الله ماشاء الله كويسين بس انا للاسف ماحبتش غير واحدة بس فيهم وهي سنها متقارب مني جدا انا اكبر منها ب(9شهور) بس !!.. بحبها جدا جدا جدا وانا بطبيعتي اصلا ماليش في اني مثلا كل شوية اتعلق ببنت ومليش اي تجارب سابقة وماحبتش غير بنت واحدة في حياتي هي بنت عمي دي .. ماحبتش ولا حااحب بنت قدها بس للاسف هي بالنسبة لها انا شايف ان هي مش بتبادلني نس الشعور بتاتا ولو بتحبني فاتحبني كأخ او قريب فقط يعني مش حب زي كده .. وهي زي برده ملهاش تجارب ولا كده لكنها اشك انها بتحب ابن عمي الاكبرمني ب3 سنين وللاسف ابن عمي ده هي شكلها بتحبه وهو جاهز وعنده كل حاجة عربية وشقة وجاهز من مجاميعوا وانا مش جاهز من اي حاجة 🙁 لكن الفرق بينه وبيني الاخلاق .. هو اخلاقه معروف انها سيئة جدا وانا برده معروف في العيلة اني يعتبر أكتر واحد علي خلق في عيلتنا الحمد لله انا مش باشكر في نفسي والله ولا حاجة لكن ده من كلام قرايبي وكل اللي يعرفني .. المهم جه يوم واتقدم لها ابن عمي ده اليوم والغريب انه اتوسط بأبي وأمي انهم هما اللي يروحوا يطلبوا ايدها من عمي .. ومااقدرش اوصف لكم انا اليوم ده بكيت قد ايه وكنت منهااار وقعدت أدعي ربنا
وبالفعل عمي شبه رفضه (هو قال له هي لسه صغيرة وماتنفعش خالص دلوقت) لكن ختمت بانه اتعرف للجميع انه اترفض والسبب اخلاقه طبعا
المهم دلوقت انا محتار مش عارف ازاي اخليها تحبيني ومش عارف ازاي اعرفها ان انا باحبها رغم اني جه فترة علينا كنا نقعد ع النت ونتكلم واقعد ابعت لها مقاطع اغاني (حــب) عشان تفهم لكن هي حاسس انها مايجيش في بالها ابدا اني بااحبها لاني تقريبا في نظرها (مش بتاع الكلام ده)
دلوقت انا طالب من حضراتكم انكم بس تنصحوني اعمل ايه عشان الفت انتباها ليا واخليها تحبني زي مابحبها كده انا بجد باقعد افكر فيها 24 ساعة ومش قادر اتخيلها مع حد تاني غيري انا امنية حياتي اني ارتبط بيها لكن انا لو كنت جاهز زيه كده كنت اتقدمت لها علي الفور او حتي اعترفت لها بحبي لكن مش قادر بجد ماعنديش الجرأة اني اعمل كده ومفيش اي حد يعرف اني باحبها غير ربنا سبحانه وتعالي ..
نفسي تدعولي انها تكون من نصيبي
وشكرا واسف جدا جدا ع الاطالة بس قلت افضفض ع اللي في قلبي

مشاكل وحلول ذات صلة

اضيف بتاريخ: Tuesday, December 4th, 2018 في 00:52

كلمات مشاكل وحلول: , , , ,

ردود to “اعمل ايه عشان الفت انتباه بنت واخليها تحبني”

  1. ابوالبتول
    06/12/2018 at 22:03

    لوكنت فعلا تحب بنت عمك كلهذا الحب فصارحها بحقيقة مشاعرك ولا فكرك البنت هتعرف منين انك تحبها وانت محلك سر ولو لقيت منها تجاوب وارتياح فخلي اهلك يخطبوها لك وان لقيت عدم قبول منها او تجاوب فانسحب من حياتها وانساها خالص ولاعاد تفكرفيها تماما وربنا يكتب لك اللي فيه الخير والصالح اذا كان لك نصيب فسوف يجعلها الله من نصيبك كل شئ قسمة ونصيب يابن الناس

اترك رداً أو حلاً لهذه المشكلة