بسم الله الرحمن الرحيم
السلام عليكم ورحمه الله وبركاته اخواني واخواتي
لقد ضاقت بي السبل !! فأستخرت وتوجهت الي الله عز وجل ليساعدني
وانا دلوقتي جاي وبقول مشكلتي وربنا يقدم مافيه الخير ان شاء الله
انا كونت بكلم بنت علي النت واول تعارف بينا تم عادي جدا وبدأنا في الحديث وبقينا صحاب كويسين جدا وشوفت صورتها
وجت في يوم طلبت صورتي
بعتلها صوره واحد صحبي ع اساس صورتي
والسبب في اني بعت صورة واحد صحبي اول حاجه ان مكنش ليا صور عندي ع الجهاز وهيا دايما بتتطلب عايزة تشوف صورتي فوريتها صوره واحد صحبي ع انه انا ع اساس بقي مش فارقه عادي وهيا تعرفني ولا تعرف صاحبي اصلا !! انا وصحبي واحد ياعم فوكك ابعت صورته
تاني حاجه لقيت ف صاحبي ده يعني وسيم وكدا بس طبعا دا كله من غير مااقول لصحبي اني بعت صورته لبنت وكدا !!
والبنت عجبتها اوي صور صحبي لدرجه انها اتعلقت بيها جدا !! اقصدي اتعلقت بصاحبي ع اساس انا !!!
بس المشكله قبل مااكمل اني شوفتها انا كماان وحبيتها !!!!
اتعلقت بيا جدا لدرجه انها كانت بتحكي لصاحبتها المقربه ليها عليا !! وصاحبتها بعتتلي اضافه واتعرفنا
وفي يوم صاحبتها دي جت قالتلي ان البنت دي بتحبني ومعجبه بيا جدا وبتعيط انها مش قادره تقولي انها بتحبني !!
انا اتصدمت !!! صدمه افقدتني صوابي
اذكركم اني حبيتها !!! وندمت ع اللي انا عملتو ف الاول وكونت هروح اقلها ان مش انا اللي حبيتيه !! او بمعني اخر مش انا اللي صوره عندك !!
بس خوفت تضيع مني لاني بجد حبيتها وعشان اكون صريح معاكو انا حبيتها شكلا مش اكتر !!
المهم انا قولت اعتبر نفسي صاحبي ده وخلاص عشان نفسي اسمع منها كلمه بحبك حتي لو مكنتش ليا بس ف نفس الوقت هسمعها انا يعني هعتبرها ليا
قولتلها اني بحبها وعرفت كل حاجه من صاحبتها وطلبت رقم تليفونها كلمتها وفضلنا نتكلم زي الحبايب بالظبط ووعدتها كتير اني هقابلها !!! بس كانت بتقولي ف الاجازة وكدا !! هههههههه بس هقابلها ازاي !!! انا مش انا مش انا اللي حبته !!
المهم خلاص قررنا نقابل بعض ف الاجازة وانا قولت هفضل اسمع بحبك منها لحد ماتقرر تقولي نتقابل !!
واقول لصاحبي ده ع كل حاجه واقوله ييجي يقابلها حتي وانا اكون معاه !! اشوفها بس حتي لو مش انا اللي هكون معاها
المصيبه الاخطر اني عملت شخصيه تانيه علي انها صاحبي وظهرت فعلا ف حياتها بشخصيتي !!! لكن علي اني واحد صحبي وكانت مهتمه بيا جدا لما شافت صورتي الحقيقه ع الفيس
كانت بتسألني هوا دا صاحبك اللي بتحكيلي عنو دايما ماشاء الله زي القمر وكل يوم بتسأل عليا
المهم انا دلوقتي محتاااار فعلالا البنت كل مادا بتتعلق بيا زياده اويي !!!!
ارجوكم لا تسخروا مني واعتبروني فتي طائش !!! مع العلم اني لم احب في حياتي ابدا لانني خجوووول جداااا في حياتي !!!
واعلم ان هذا كله ماهوا الا ضلال !!!
بس اعزروني بجد انا 20 سنه ومش عارف ارتبط او اكلم بنت خالص مع ان شكلي مقبوول جداا
قول حقيقه معظم بنات لا يهمهم الشكل اهم حاجه مشاعر وصفات