أولاً السلام عليكم ورحمة الله وبركاته
أنا طالب فى كلية العلوم وربنا أراد ان الدراسة تكون فى ليبيا
مشكلتى ان فيه بنت ليبية كانت معايا فى سنة أولى , وكان فيه نظرات بيننا لدرجة كبيرة جداً
حبتها وقررت إنى أكلمها وفى يوم قولتلها عايز رقمك على انى أكلمها ع التليفون أفضل عشان أقول على كل اللى جوايا فرفضت فقررت أكلهما تانى فرفضت , فقررت أشيل الموضوع من رأسى ومبقتش أنظرلها خالص ولو دخلت مكان وكانت موجودة فيه أسيب المكان وأروح مكان تانى, فجائت واتأسفت وقالتلى مبحبش أكلم حد فى حاجة خارج المنهج. وبقت النظرات فى السنة التانية وحالياً السنة دى بتنظرلى ولكن حصل انى أعجبت بأخت واحد صاحبى فى مصر وقررت انى أخطبها مستقبلاً وقررت إنى عمرى ما أحاول أكلمها الا لو كانت بيننا علاقة رسمية لأن أخوها صاحبى وكلت فى بيتهم عيش وملح وحتى أبوها بيحبنى جداً لدرجة انه كلمنى قبل ما أسافر بيوم على انه يسلم عليا قبل ما أسافر وكان بيستأمنى على أسرار فحبيت الناس دى جداً وقررت إنى أناسبهم
وفعلاً الواحد يختار الناس اللى بيحبوه أكتر من اللى بيحبهم.
فإيه رأيكم فى الموضوعين أرتطبت بمين ولا بمين؟
اخت صاحبك بكلا فخر
اخت صاحبك طبعا على الاقل انت عارف هى على اية واخلاقها اية انما الليبية انت مش عارف هى اية ولا اخلاقها جايز تكون كويسة قدامك ومن وراك وحشة وفية مثل بيقولك( قبل ما تناسب حاسب ) طلما كدة اختار اخت صاحبك
اخى فى الله احب اقول رائى انا افضل اخت صاحبك لان دى اولا بنت بلدك ثانبا انت بتحب الاسره دى يعنى مرتاح نفسيا ليهم وشكلهم بيحبوك وعلشان تاكد لنفسك اكتر فعليك بصلاة الاستخاره وربنا هيبين الخير ان شاء الله (نهله طلعت)
اكيد اخت صحبك لانها من بلدك وانتا اكيد عارف سلوكها وادبها والاهل كمان بيحبوك ومستريح ليهم وحاول تفهم شعور اخت صحبك ايه لحسن تكون هي كمان مشغوله
انت تعرف كل واحده منهم اكثر من اى حد اللى شايفها مناسبه ليكى اتقدم لها ولابد ان يكون قلبك مايل لوحده عن الثانيه مش معقول هتكون بتحب الاثنين ذى بعض ولو محتار قوى صلى صلاه استخارة على كل واحده منهم واعلم ان الزواج نصيب يعنى اللى ربنا كتبها ليكى هى اللى هتتجوزها
اكتب اسم كل وحدى على ورقة وبعدين اختار ورقة يلي بتطلع بتكون هي صاحبة الحظ يعني قرعةوبئى اتئدملها حلو حلوووووو برضو