انا شاب عندي 18 سنة بحب بنت وهي زميلتي في الكلية هي اكبر مني بكم شهر بس مش بعتبر دي مشكلة اعجبت بيها اول ماشفتها ومع الوقت بقيت بفكر فيها علطول ودايما عنيا عليها واتوقع ان هي حست بكده لأن انا بلاحظ احيانا ان هي كمان عنيها بتبقى علي
المشكلة اني مش عارف اصارحها بحبي ليها مش عارف هل الاحسن اني اصارحها علطول ولا اسيب الايام هي اللي تعرفها
بص انته لو هتقدر تبقي راجل معاها وتوفي بوعدك وتكون فعلا ناوي خير مش ناوي نيه اللي هيه بتاعت امشي مع اي مززه وخلاص والاسم انك مرتبط قدام الناس لا اما لو فعلا هترتبط بيها وتخطبها وتتجوزها روح اقف قدامها بس تكون لوحدها مش مع اصحابها وتقلها انا معجب بكي وبعد ماترتبطو تبتدي تصارحها لان البنات مش بتحب الف والدوران ولا اللي يلعب بيها ف مش تخاف من رد فعلها طول ما انته نيتك خير وصادق في كلامك
بص يا كابتن انا سيف مراد من مصر انصحك بتكلم بالعنين بصلها فى عنيها وقله كل انت عاوزة بس فى سرك متخلهاش تسمع حاجه قلها كل حاجه نفسك فيها ومتخفش بس فى سرك اوك ولو مش هتعرف طريقه المواجهه احسن كلمها فى وشها فى حته هى متتحرجش تقف معاك فيها اوك اتمنى ليك احسن واحلى حب باى
لو مستواك كويس وعندك القدرة على الخطوبة بعد الكلية توكل على الله وحاول تقولها بطريقة غير مباشرة يعنى تهتم بيها اوى والبنات بيلحظو الاعجاب من اى ولد ولو رد فعلها كويس اتمشو فى يوم وقولها انى انا عايز ارتبط بيكى واخطبك وهسيبك تفكرى ولو ظروفك متسمحش بالخطوبة نصيحة تكبر دماغك لانى ههتعب ولو ليك نصيب فيها هتتجوزها ربنا يوفقك
لازم تصارحها لكن عن تجربة بنسبة 99 % صعب في الزمن ده تكملوا
لان البنات بتتخطب وهي بتدرس وصعب تلاقي واحدة تستناك بعد الكلية كمان 4 او 5 سنين عشان تشتغل وتجيب شقة عشان هي كمان اكبر منك او حتي لو كانت في سنك
متزعلش مني بس ده الواقع
صارحها وتوكل على الله بس احسبها كويس من جميع الزوايه (نهله طلعت)
ماتعلقش نفسك بحاجه ماتعرفش نتيجتها ياما تروح تصارحها وتقولها انك بتحبها بس ماتستنظرش الرد منها في الحال ولو هي ردت عليك سواء بالقبول او الرفض في الحال ماتاخدش ردها بعين الاعتبار وقولها خدي وقتك وفكري وايا كان ردها عليك بعد كده اقبله بالاحترام وبينلها احترامك ليها.ياما تشيلها من دماغك وكمل حياتك عادي بس انا عارفه ان ده قرار صعب عليك.بس انت برده ماتعملش زي المثل اللي بيقول وقف علي السلم لاطال يطلع ولاعرف ينزل.انا بنت زيها واكيد لما حد يحبني اكيد هاحس بيه والبنت مننا بتحب الصراحه وهي اكيد حسه بيك.فما تضيعش وقت في التفكير وروح قوللها قبل ماتضيع من ايدك وحد تاني ياخدها منك وساعتها ممكن تفتكر انك كنت بتشاغلها وخلاص .وانا بتمنالك انها توافق ان شاء الله وتكملوا مع بعض حياتكم.
لاسيب الايام تعرفها
قبل ما تصارحها فكر فى نهاية حبك ليها هل هتقدر انك ترتبط بيها وخصوصا انك ادها وخصوصا ان سنك صغير على الارتباط فكر مليون مرة لان جرح الحب صعب جدالو حاسس انك هتقدر ترتبط بيها وهى هتستناك صارحها لاكن لو مش هينفع انك ترتبط بيها يبقة متقولهاش ودا هيبقى الاحسن ليك وليها قبل ما تتعلق بيها اكتر
صارحها لو كان فيه نية للزواج