انا شاب عندي 24 سنه حبيت بنت من منطقتنا واعجبت بيها اوي هيا اصغر مني ب4 سنين شوفتها مره وهيا ماشيه في مكان وقفتها وكلمتها وصرحتلها باعجابي بيها وباخلاقها وبحبي ليها قالتلي لو عايز ارتباط كلم اهلي وسابتني ومشيت روحت فعلا فاتحت اهلي وحكيتلهم وهما رحبو بالموضوع لان اهلها جيراننا واخلاقهم وسمعتهم كويسه والبنت كمان اخلاقها وسمعتها كويسه وفعلا قرينا الفاتحه واتفقنا علي معاد للخطوبه وبعديها علي طول كتب الكتاب والدخله المهم في فتره قرياه الفاتحه كان اهلها محددين لينا يوم واحد بس نخرج فيه مع بعض كل اسبوع ولوقت محدد لغايه مره في يوم كنت بكلمها عن ماضيا وطلبت منها انها تحكيلي ماضيها في الاول قالتلي مفيش اي ماضي ولا كانت معجبه حتا بحد وبعد الحاحي الشديد عليها اعترفتلي انها كانت بتحب واحد زميلها في الكليه وهوا كمان كان بيحبها بس محصلش بينهم اي حاجه انا برضه اصريت وضغط عليها اكتر علشان تحكيلي ايه اللي كان بيحصل بينهم لاني بصراحه شكيت ان اكيد حصل بينهم حاجه لانها قالتلي فتره الحب بينهم دي كانت سننه كامله وبعد كده عرفت عنه انه بتاع بنات فا قطعت علاقتها بيه تماما هيا دلوقتي رافضه تماما انها تحكيلي اي حاجه عن الماضي بينها وبين الشاب ده او ايه الكلام اللي كان بيحصل بينهم او لمسها ولا لا ولما اضغط عليها تتعصب اوي وتعيط وبعد ما اغير الموضوع ترجع تاني تبقا كويسه كررت الحكايه دي كذا مره ووعدتها فعلا والله اني هسامحها مهما يكون حصل منها معاه بس انا عايز اعرف علشان محسش انها خبت عليا حاجه حصلت في حياتها وانا معرفهاش وانا حكيتلها كل ماضيا علشان افتح معاها صفحه جديده بس هيا كل مره اكلمها تصر علي الرفض انها تحكيلي اي حاجه ياريت اعرف رائيكم ايه لان الموضوع ده شاغل بالي لاقصي درجه وشكرا ليكم واسف اني طولت عليكم
مشاكل الشباب مع البنات
بحب بنت وناوي اخطبها بس طلع ليها ماضي
اضيف بتاريخ: Saturday, May 4th, 2013 في 17:30
كلمات مشاكل وحلول: بنت, شاب, مشاكل الخطوبة
يا ريتها مكانت قاليتلك علي حاجه يا بني والله الصح انك متعرفش حاجه اسال مجرب اوعي تسالها علي اي حاجه تاني وانسي ان هي كان ليها ماضي علشان متحسش بخنقه طول عمرك
بص عشان منبقاش بنضحك على بعض قليل اوى ويتعدو على صوابع الايد اللى تكون مرتبطتش ف حياتها المهم واللى لازم تكون واثق منه هو اخلاقها والاهم هى معاك متحاسبهاش على الماضى لانه عدا وفات انت ليك الحاضر واللى جى وطالما خليتها شريكة حياتك يبقى لازم تق فيها وتصدقها وصدقنى الشك والكلام فالماضى بيخرب بيوت مش بيعمرها حتى لوكان الماضى مفهوش حاجة غلط
اهم حاجه هي معاك ولا بتعمل حاجات من وراك مثلن بتكذاب عليك او بتحس انها بتكلم غيرك كده يعني
فكك من الماضى بقى وخليك فى انهاردة ولو لقيتها فى تعاملها معاك مش كويسة يبقى سيبك منها لاكن لو كملت معاك محترمة يبقى خلاص على بركة الله
كل واحد في حايته في حاجات بتحصل غصب عنه احنا مش ملائكة لازم تسامح و تنسى الموضوع و المفروض ان او الموضوع ده دايقها كدة مكنتش تفتحه تاني ممكن ماتكنش غلطت ممكن يكون غلطها الوحيد انها حبت الشخص ده اصلا و بتعيط و متدايقة من كدة متخليش دايما دماغك تروح لبعيد و مش اي بنت ممكن تكون غلطت تبقى وحشه ممكن يكون غصب عنها متفكرش في الماضي و طمنها دايما انك هتفضل جنبها و معاها و انسى اي حاجة و عيشوا مستقبلكو مش هيفيدك بحاجة لما تعرف الماضي…ربنا يهديكوا لبعض
بص اخى انا من وجهة نظرى كل انسان فى الدنيا مر بمراحل واخطاء فى حياتة واحنا كشسباب فى فترات معينة بتغلط فالافضل انك تحاسب البنت ابتدأ من اول ما ارتبطت بيك كل انسان لية ماضية السىء والجيد المهم المستقبل هو ناوى يكون كويس وللافضل ولا لاء هى دية الاهم
شوف مفيش شجرة مهزهاش ريح ……. و اكيد هي لما سألتها مش هتؤلك الصح عشان هي مش عاوزة تخسرك …… انت لازم متحاسبهاش على الماضي حاسبها على دلوقتي و هي معاك و ربي يكملك اللي فيه الخير