مشاكل الشباب مع البنات

محترم بس بتاع بنات ومش عايز اعمل حاجة غلط

بسم الله الرحمن الرحيم

ارجو النصيحه البنأه فقط

انا الحمد لله على قدر من الوسامه وجسمى متناسق ومش عارف دى مشكله ولا حاجه كويسه المهم انا عرفت بنات كتبر بسبب انى بضعف قدام كلمه حلوه بنت تقولهالى ممكن تكون البنت مش حلوه بس مش بعرف اصدها وارتبط ببنات كتيير وكان عندى نيه للزواج بس انا شخصيتى جامده جدا واحب اللى هاتجوزها تكون عارفه ربنا وتلبس لبس فضفاف وتصلى تخاف على نفسها قبل مااخاف عليها بس كان بيضايق بنات كتير لانى كده بقيدهم وانا اصلا مش مقتنع بيها فبتالى بكبر دماغى منهم ده مش مشكلتى انا عارف انى طولت عليكم المشكله انى وانا عارف اى بنت ببقى محترم مع نفسى جدا لانها بتبقى شغلانى مع انى مش بعمل معاها حاجه غلط غير الخروج معاها وايدى فى ايدها وطول مانا مش مرتبط ببقى فاضى فاضطر اتجه للنت وطبعا غصب عنى اتجه للافلام الاباحيه وابقى مستمتع بيها جدا وده مش بيحصل خالص وانا مرتبط ومش عارف اعمل ايه ابطل بنات ولا ابطل افلام بس انا مش عايز اعمل حاجه غلط وحالتى مش ميسره حاليا للزواج

ياترى فى حل

مشاكل وحلول ذات صلة

اضيف بتاريخ: Thursday, December 9th, 2010 في 11:43

كلمات مشاكل وحلول: , , , , , ,

8 رد to “محترم بس بتاع بنات ومش عايز اعمل حاجة غلط”

  1. ابواميرة
    11/02/2014 at 23:12

    من قال انك محترم يااستاد الاحترام مش مجرد لفظ اوصفة نطلقهاعلى كل انسان لااانت غلطان مليون مرة المحترم اللي يستحق الاحترام الحقيقي هوالانسان الذي يحترم نفسه اولا ويعرف حدودالله ويتقيه وصاحب الاخلاق الحسنة بين الناس قولا وفعلا وماتفعله انت من معاكسات للبنات والبصبصةلهن ده حرام شرعاولايجوز هل ترضى لاختك اومراتك ان احدا يبص لها اويتكلم معها ابدا لاترضها كذلك الناس المحترمين مايرضوش ان احديبص لمحارهم اويتكلم معهم فانصحك يااخي بالتوبةلله وكثرةالاستغفارمن الذنوب والمعاصي اللي تعملها واترك مشاهدةالافلام الاباحية والنظر للبنات والاختلاط بهن تلاقي الله راضي عنك وموفقك لكل الخير في حياتك وافحظ الله يحفظك اينماكنت وعليك بالزواج كي تحصن نفسك من الوقوع في المحرمات والمعاصي وربي يهديك

  2. ابواميرة
    09/12/2012 at 11:53

    انت كلك غلط في غلط وحياتك سوداءقاتمة لواستمريت على هذا ارجع الى الله وتوب من كثر المعاصي اللي تقسي القلب وبطل الحرام اللي تسويه مكالمات بنات ومشاهدةافلام اباحية ماتخاف الله ان يقبض روحك وانت على معصية تاكدان الله يمهل ولايهمل ابدا وان الله يراك ويعلم بكل شي ولايخفى عليه شي هداك الله واصلح حالك

  3. tota
    03/02/2012 at 23:05

    يارايت ممتفراجش على الافلام دى دة مش كوايس على شانك

  4. ا/نهله طلعت
    12/12/2010 at 11:22

    اوكى انا معاك ينفع تاخد فاتح للشهيه وانت معندكش اكل طب ليه تعمل كده ياما تمشى مع بنات ياما تشوف افلام طب مينفعش تبطل الاتنين وتتجاه الى الله وتدعى لله انه يوافقك وتشتغل وتبنى نفسك وتتجوز انا هقولك حاجه استغفر ربنا على كل شئ وارفع ايدك اليه وقول يارب انا توبت اليك ومش عايز اعمل حاجه غلط تانى اوقف بجانبى وابعد عنى الشيطان نفسى وارزقنى لكى اتزوج وربنا ان شاء الله هيواقف جانبك بس اهم حاجه تكون التوبه من قلبك وربنا يهدينا جميعا (نهله طلعت)

  5. علاء
    11/12/2010 at 04:08

    شكرا على ردك يا نانا بس انتى شايفه الموضوع من جهه البنت علشان حاسس انك منفعله فى الكلام بس على فكره عمرى ما ظلمت وحده وخصوصا لو حبتنى بس الاساليب و التربيه بتتغير وصعب ان وحده عاشت على اسلوب طول 20 سنه هاتتغير بسهوله “الطبع غلب التطبع” وعمرى ما باخد فكره وحشه عن اى بنت عرفتها بالعكس بفتكرها دائما بذكرى حلوه لانى مش وحش من جوايا

  6. nana
    10/12/2010 at 20:24

    اول حاجة عايزة اقولها على موضوع الافلام الايباحيه لازم يكون عندك ايرادة عشان تبطلها واستغفر وتوب لربنا تانى حاجة عايزة اعلق على كلام استاذ شبح مش كل بنت خرجت معاها ممكن تكون وحششه ومش كويسه ليه واخدة بالاعتبار دة يمكن واحدة منهم حبتك بجد ووثقت على نفسها معاك دة يبقي جزائها يعنى كمان لو حضرت يا صاحب المشكله لو مش نوع ال بيحيب وييرتبط ويجوز ومن نوع بيمشي مع البنات بس يبقي ياريت تمنع نفسك باى طريقه ومتعملش كدة عشان داين تدان وممكن لو ليك اخت تعمل او يتعمل فيها كدة وال متردوش لاختك مترضهوش لحد ولو حبيت واحدة كلمها وفهمها وقولها انا عايز ارتبط بيكى بس ظروف ال تمنعنى وانا احاول احسنها واجى اتقدملك وهى لو بتحبك بجد وشايفاك مناسب ليها هتستناك طول عمرها واسفه انى طولت

  7. علاء
    10/12/2010 at 03:49

    اولا شكرا على ردك يا شبح
    ثانيا كلامك كلو حلو ماعدا كلمه خليك تقيل ده لانى عمرى ما جريت ورا وحده مهما كانت ولا عمرى اتعلقت بوحده

  8. elshabah
    09/12/2010 at 16:29

    بص يا حبى انت زيى بالظبط بس الاختلاف فى الافام بطلها لانها ادمان ونصيحة منى اوعى تاخد بنت من اللى انت مشيت معاها او لو عجبتك واحدة روح واسال عليها جايز تطلع كويسة وربنا يوفئك معاها بس مش اى بنت تقولك كلمة حلوة تضعف خليك تقيل وسيبك من الافلام دى لانها بجد بتاثر عليك بعد كدة

اترك رداً أو حلاً لهذه المشكلة