أنا شاب صيدلي عمري 27 عام، أحببت جدا فتاة من معهد تمريض من على النت من خلال صورتها وحديثي معاها بالتليفون وبالشات.
واتكلمنا مع بعض كتير جدا اتعودت عليها وحبيتها جدا اتعلقت بيها جدا جدا، ولما صارحتها بحبي قالتلي انها بتحب شخص تاني وان حبي لها هو حب من طرف واحد، وأني مجرد صديق أو معرفة علي حد تعبيرها.
حزنت واتصدمت ولكن لم ينقطع أملي، ظللت معها أتمنى أن يتحول الحب الى حب من طرفين.
وبمرور الأيام ومازلنا نتحدث بشكل يومي تقريبا ولخوفها من حبيبها أن يعرف شئ عني وان علاقتنا أنا وهي تتطور قالتلي لازم نبعد وبالفعل بعدنا حوالي شهر، وبعد كده رجعنا وأنا طبعا اللي بدأت.
رجعت تاني أطلب منها الزواج والحب أنا بحبها فعلا مش قادر أعيش من غيرها مش قادر أشوف غيرها .. حتى خطيبتي سيبتها عشانها، مفيش أي بنت عالنت أو في الواقع بتغنيني عنها.
طلبت الزواج وألحيت بالحب وان غرضي شريف، عاوز أقابلها وأشوفها وأطلبها، ورغم بعد المسافات والمناصب بينا كل واحد من محافظة، إلا اني برضه مصر عليها مش قادر أعيش من غيرها والله بحبها فعلا.
في الأخر وافقت.. فرحت جدا جدا جدا جدا.. كان أسعد يوم في حياتي وقولتلها دا وعد منك انك مش هاتسيبيني، قالتلي أه وعد، قولتلها وأنا كمان وفرحت قوي.
لكن غيرتي عليها من الصبيان اللي عندها على النت كانت مسببة ليا دايما مشاكل معاها، خوفي من انها ترجع لحبيبها الأول كان مسببلي قلق وخوف.
وفي يوم … فضلت أرن عليها يوم بحاله ماردتش لا عالفيس ولا على الموبايل وأبعت في رسايل ماتردش، وجه اليوم التاني برضه مطنشه مع اني كنت منبه عليها تطمني لو في حاجه، لكن ماطمنتنيش ودايما باستمرار كنت بكلمها على النت ساعه عشان تشوف رسايلي وترد عليا، أعصابي فارت وفقدت أعصابي خالص، روحت شاتمها وقايلها ياخاينه ياغداره ياكذابه، وبصراحة ربنا دايما كنت بشكك فيها وهيا تقولي انتا مش واثق فيا وبتخوني دايما، وأنا هقول لصاحبتك فلانه دي بس عشان كنت تخليها ترد عليا بس .. لكن ماقولتش لحد دا كان مجرد كلام، ردت عليا وهيا زعلانه وبتقولي انتا بتهددني بالفضيحه وانتا عارف ظروفي!! مع اني منبه عليها تطمني انشالله بكلمه بس ودايما تسيبني وماتردش عليا.
المهم ان بعد دا كله ماحصل قعدت أتأسفلها أيام كده وأنا بتأسف وبقولها معلش غصب عني والله أعصابي باظت فقدت توازني غصب عني طلع مني كلام مش مقصود، أنا أسف عمري ماهكرره تاني … قالتلي أنا أحس بالأمان تاني معاك ازاي بص أنا خلاص مش قادره أحبك ومسامحاك ومش هبعد عنك، لكن انسي اني أقرب تاني خالص لا خطوبة ولا جواز ولا أي خطوه تجاهي، سافر انتا ربنا يوفقك أنا لسا قدامي بدري ومش هرتبط دلوأتي، قولتلها سامحيني أرجوكي أنا بحبك والله بحبك وغرضي شريف، وسألتها اذا كانت لسا عايزاني كزوج قالتلي لأ. احنا عكس بعض في كل حاجه انتا عصبي ولسانك طويل وعايز تمتلكني وتتحكم فيا وأنا مابحبش كده وكمان أنا عصبية .. فأنا جوابي لأ ….. قولتلها طاب والوعد اللي بينا .. قالتلي أنا وعدتك قبل كده لان كان الاسلوب غير كده انما دلوقتي خلاص.
أنا زعلان جدا جدا ومش عارف أعمل ايه عشان ترجعلي تاني وأكسب ثقتها، وندمان، أنا هموت من الزعل عاوز نرجع لبعض تاني ونتقابل ونتجوز .. ترجع توافق عليا تاني وتحبني فعلا.
أنا بحبها ومش عاوز غيرها ومش هقدر أشوف غيرها أنا مابفكرش غير فيها.
أعمل ايه دلوني (بس ياريت يكون حل ايجابي يعني يقربني منها .. أما حتة انسى والكلام ده فانا جربت وماعرفتش) ؟؟؟؟؟
حقيقة الله يكون بعونك انت نفس معاناتي ونفس مشكلتي بالضبط بخلاف الحجج واسباب الرفض
انا اقولك حاول مرة اخرى عسى ان تجد مايريح قلبك وان كانت هذه البنت صراحة لاتستحق شخص مثلك نهائيا فهي لا تحبك ولكن المشكلة فيك انت لاتستطيع ان تنساه فجرب وحاول وصلي وادعي ربنا عسى ان ييسر ويسهل امرك وتوسل لله بنبينا وال بيته الاطهار فهم باب توسلنا لله تعالى
وان كانت هذا البنت من نصيبك فلاتحزن ستكون لك وان لم يقسمها الله لك لو تحاول الف مرة لن تكون لك
المهم اخي ان تكون ممن يرضى بقسمة الله وقدره فهو لايحرمنا من شيء الا لانه في صالح لنا
فرج الله عنا وعنكم ويسر امورنا وريح قلوبنا
اخي اطلعت على حكايتك وانت طلبت ان يكون الرد ايجابي لكن الواقع يقول عكس هذا فلا تجري وراء السراب
في البداية اريدك ان تهتم الى امر البنت لم تحبك ولن تحبك وحتى لو تزوجت معها فلن تنعم بحياة سعيدة معها
والبنت ليس لها اي حبيب وعندما ذكرت هذا حتى تبعدك بشكل نهائي عنها هل تعرف حبيبها هلى كلمتك عنه هل قارنتك به في احدى المرات
اخي من الاخر البنات كثر واعتبر هذه التجربة درسا لك وانسى امرها هذه الفتاة لاتناسبك وهي اصلا لا تستحق كل هذا
الحب اخي احساس نبيل ومن حقنا ان نحب لكن ليس على حساب سعادتنا ليس على حساب كرماتنا
انظر انت الان اخي تتعذب وتتالم لوحد لو احبتك اخي كانت هي من تحس بالمك كانت ستحس بهمومك
اما الان فانت لاتمثل لها اي شيئ
النسيان اخي سهل جدا لكن اهم شيئ ابداء في ذكر مساوئها في نفسك احذف حسابك وعش سعيدا لاتجلس وحدك ولا تضع راسك على الوسادة حتى بعد ان تشعر بالنعاس الشديد مارس رياضة غير نمط حياتك ستشعر بعدها بالراحة
والله يااخي عندما تجد بنت تتبدلان نفس المشاعر ستدرك مامعنى الحب الحقيقي