انا طالب عندى 21 سنه وهاتخرج كمان سنه ، فى الأول حبيت واحده من سنتين ونص وكان عندها لما عرفتها 16 سنه وانا كنت 19 تقريبا ، عرفتها من النت و كانت بتحكيلى دايما على مشاكلها وبنتكلم طول اليوم كتابه فقط ، وخلاله عرفت رقمى واتصلت بيا بعد شهر بتحكيلى مشكله وكانت بتعيط وقعدت اكلمها شويه واهديها وبعدين فضلنا نتكلم وفجأه لقيتها بتقولى بحبك ، طبعا قولتلك بحبك وانا متضر لأنى مقدرتش اقولها لأ ساعتها علشان ما اجرحهاش لكن مع الوقت حسيت انى بجد بحبها لكن طبعا اتبهدلت كتير فى الأول لأنى كنت باكدب لما بتقولى بحبك او اى حاجه لأنى مكنتش لسه حاسس بكدا بس قولت أضحى واحاول معاها يمكن احبها ولأنى كان صعب عليا أوى أقولها حقيقه انى مش بحبها وفعلا مع الوقت بدأت احبها وشويه شويه بدأنا نتكلم على الموبايل بالساعات والعلاقة كانت ماشيه تاته تاته ، تقرياب قولتلها بحبك صوت بعد شهور. كانت فى الأول ساعات بتخبط راسها فى الحيط لما تزعل وكانت بتأذى نفسها وكدا المهم اجبرتها تبطل ده وقولتلها أوعى تعمليه وطبعا خليتها تبطل تكلام ولاد (كانت بتكلمهم كلام عادى وطلع عينى علشان اخليها تبطل لأانى كنت بغير عليها) وانا أقسم بالله ما كلمت بنت واحده طول معرفتى بيها فى السنه والنص ولا حتى نت ، مع انى واد أمور ههههههههه وكان فى بنات تيجى تحاول تكلمنى فى الكلية.
المهم بعد سنه وشويه بدأ كلامنا يتجه للجنس ، والصراحه انا اللى بدأت وهى سايرتنى لكن كان كتابه برضه مش تليفون ولا حاجه ، بعد اللى حصل ده بكام يوم قولتلها أن اللى بنعمله ده غلط وقولنا خلاص مش هنعمله ولكن رجعنا تانى وهى سايرتنى برضه ، كلمتها تانى وقولتلها لازم نبطله وفى نص الكلام قولتلها مفيش حد يرضى يتجوز واحده بتعمل كده لكن كان قصدى علشان اخليها توقف الكلام ده لأن دى تانى مره انبهها علشان تمنعنى ، انا ولد وكان صعب اوقف لازم هى كمان تصدنى وحبيت اكون قاسى فى كلامى لأنى كان نفسى ارتبط فيها واحنا مش بنغلط . المهم خدت الكلمه دى وفضلت عاينهالى ولما نتخانق تقولى روح اتجوز واحده تانيه تتشرف تتجوزها ، اتاسفت مليون مره ولكن فضلت حاطه الموضوع فى دماغها لحد ما قالتلى نسيت بعض !! الكلام ده بعد سنه ونص من معرفتنا ببعض ، يمين شمال مفيش فايده لازم نسيب بعد وسبنا بعض وماشوفتش ماسج واحد منها ولا أى حاجه كلمتها بعد شهر علشان اصالحها مفيش فايده ومصره اسيبها ، وهزقتنى علشان امشى ، مشيت ورجعت بعدها بكام شهر احاول معاها لأخر مرة وكان كلامها صعب قوى وبدأت تقولى انت اتغيرت عن الأول وانا مرتاحه كدا دلوقتى وبقدر اكلم ولاد براحتى !!! قولتلها افضلى كلميهم بس نرجع لبعض ، حرام نضيع حبنا ..إلخ لكن قالتلى لا ، قولتلى بطلتى تحبينى ما ترضاش تدينى جوب وتقولى مش عارفه ، احا ، ازاى يعنى؟ المهم قالتلى بص انا مش بحبك لو عندك كرامه ابعد بقى وسيبنى قولتلها طظ فى كرامتى المهم انتى ، انا عارف انك عنديه لو فى حاجه اقدر اعملها علشان اصلح علاقتنا قوليلى ، شويه ترجع تقولى مش عارف انا بحبك ولا لأ ، برضه مفيش فايده رحت قولتلها انتى كنت وحيده وعاوزه حد يملى حياتك ويسليكى وانتى عمرك ما حبتينى رغم كل التضحيات اللى قدمتهالك وانتى عمرك ماهان عليكى تضحى ومش قادره تبطلى كلام مع ولاد لأنى عاوزه تتسلى وبس. وبطلى تلعبى بمشاعر الناس وتقولى انا مش عارف بحبك ولا لأ لأنك عمرك ما حبتينى.
سبتها وماكلمتش واحده بعد كده واتعقدت من كل الحريم ، انا اللى كنت السبب بسبب كلم الجنس اللى انا بدأته، ومعدتش عاوز اكلم بنت علشان ما ابوظهاش واخليها تتكلم فى حاجات غلط. الغريب انى مش باركعها اصلا ممكن تقول من سنييييييييييين ومع ذلك مش راضى اكلم واحده رغم انى فى ناس بتحاول معايا فى كليتى وفى الشارع وفى النت. يمكن عندى امل انى اتجوز فى يوم وربنا ممكن يردهالى فى مراتى.
المهم حاولت انساها وشيلتها من دماغى وحرقت كل حاجه بعتتهالى فى يوم (اه كنا اتقابلنا مرتين تلاته وكان عادى مفيش أى لمسه ولا بتاع). وبدأت اعيش حياتى تانى، دلوقتى فات سنه تقريبا من الأنفصال عن الأخت اللى فاتت دى.
نيجى بقى للأخت التانيه ، ايوه فى اخت تانيه عندها 16 سنه ، اجنبيه من دولة إسلامية وبنتكلم انجليزى مع بعض ، كلمتنى على الفيس لطلب معين عملته وبعدها ماكلمتهاش تانى ، المهم جت من اسبوعين تكلمنى ، بدأت اتكلم عادى لكن كنت عاوز اقلبها ومش عاوز اتكلم معاها لأنى مش عاوز اتكلم مع بنات زى ما حكيت من شويه ، المهم الشيطان ابن ال**** لعب فى دماغى وكلمتها اسبوع لقيتها بتقولى بحبك – اح*ه 1 – قولت لأ مش هكرر غلطى ، قولتلها وانا مش بحبك انا بعتبرك اخت فقط ، ودلوقتى لازم نسيب بعض ومانكلمش بعض تانى قالتلى طب نبقى اصحاب قولتلها بعد اللى قوتليه مينفعش نبقى اصحاب قالتلى خلاص امسحنى من عندك (فكرانى هخاف) رحت ماسحها وعملها بلوك … وقولت اوف كنت خلاص هاقع ، بعد ساعه لقيتها بتكلمنى من اكونت تانى وبتسترجانى اشيل البلوك – اح*ه 2 -. كنت اجى اكلمها بنفضلها وتقعد تبعت ميه كلمه علشان ارد وشويه تقول انا ماشيه وبعد دقيقه تكتب تانى ، انت لسه ما جتش؟ انت فين ، رد عليا علشان خاطرى طب انا انا ماشيه ، وترجع تانى ، يعنى تصرفات عيالى .
قعدت تعيط وبتاع ، برضه الشيطان ابن ال**** خلانى ارجعا تانى بعد ما وعدتنى هنفضل اصحاب ، المهم مفيش فايده رجعت تانى تتكلم وبعدين بدأت تكلمنى صوت ، المهم حاولت اكون بارد معاها وفضلت ارخم لقيتها بتقولى مش عاوز اتكلم معاك وهى تعيط وقفلت المكالمه فى وشى ، الصراحه قلبى وجعنى وحسيت انى كنت قاسى جدا معاها ، لقيتها جايه تانى يوم تتاسفلى !! ، وتسترجانى اكلمها تانى ، المهم بدأت اكلمها فيديو لقيتها بتعملى رسمه قلب بأيديها – اح*ه 3 – رحت عاملها زيها وبعدين قالتلى فجأه بحبك – اح*ه 4 – قولتلها وانا كمان ، بس فى الحقيهق كانت عجبانى ساعتها، البت حلوة أوى الصراحه ، وغلبانه وبتسمع الكلام عكس اللى فاتت كانت قمة العناد ، وانا عنادى فمينفعش احنا اللأتنين يعنى ، المهم قولت فى بالى انها مشروع جواز كويس وهتريحنى وانا مش هموت على الجواز من حب خالص يعنى ، وحطيت فى دماغى مهما جت قدامى فرصه أحسن من البنت دى انا هاكمل معاها لأنها عجبتنى لكن برضه انا ماحبتهاش ، المهم بدأت احس اليومين اللى فاتوا كلامنا شكله هيخش شمال زى البنت اللى فاتت وهى عبيطه وانا شيطان وبقدر فى لحظه أخلى اللى قدامى يعمل اللى انا عاوزه لدرجه كنت هخليها تقوم ترقص على الكام ، فى بعض الناس هتقولى دى سافله وبتاع لكن انا متأكد انها خام ومش فاهمه حاجه.
المشكله علشان عينيكم ، الله يكون فى عونكم الصراحه ، البنت اللى قدامى دى خام وانا بتجيلى لحظات مش بمسك نفسى ، وبالمنظر ده هيتكرر نفس اللى حصل مع البنت اللى فاتت ، وانا مش عاوز كدا نهائيااا ، ومش عاوز استغلها لأنى قولت قبل كدا بخاف تتردلى فى حد ده غير من جوايا انا ما أرضاش اعمل كدا فأعمل اهيه دلوقتى؟ اسيبها وخلاص؟ لأنى بقيت حاسس انى غير صالح للكلام مع أى بنت ؟ لأنى متأكد مش هقدر امسك نفسى وهاغلط معاها وهى غلبانه ومش فاهمه حاجه. هل فى طريقه اخلى تبقى واعيه شويه واعقلها؟ علشان هى تعرف تمنعنى؟
ابوس ايدك يا عم الناشر لو كلامى فى كلمه كدا ولا كدا امسها وابعت البوست ، المهم بس تبعته وما تعاقبنيش وترمى الرساله دى لأن ايدى ورمت ، ويارب كل عيلتك تحج وانت معاهم.
اولا فيك بذرة خير لذلك أول حاجة حافظ على الصلاة وربنا حيحفظك،،قوم دلوقت صل ركعتين وعاهد ربنا انك تحافظ على الصلاة وانه يردك له ردا جميلا،،وشوف حياتك بتتغير كيف،،وصدقني أول ماحتصلي مشكلتك حتتحل،،وحتلاقي نفسك تدريجيا كبحت جماح نفسك وشيطانك،،ولو البنت دي على خلق ودين اتقدم لها فورا وبطل تتكلم معاها كام ،، بدون صلاة مش حتقدر تكبح شر نفسك وشر الشيطان وحتفضل في دوامة
اخي العزيز مابنى على غلط فهو غلط واي علاقة بين شاب وفتاة من خلال التعارف عبر النت علاقة محرمة وغير اخلاقية كلها كذب وخداع وتضليل من كلا الطرفان سوا الشب او الفتاة اجيبها لك من الاخر انت بتضيع وقتك مع البنات وقاعد بتتسلى بيهم وصدقني اللي تعمله مع بنات الناس سوف يرد لك ويتعمل في اخواتك البنات وكماتدين تدان وربنا مش راضي عنك ولاعن تصرفاتك الغير اخلاقية ولا هيوفقك طالما انك منغمس في المحرمات والمعاصي والذنوب وتتكلم مع هولاء البنات الساقطات الرخيصات مافيش بنت محترمة ولامتربية وترضى انها تكلم الشاب سوا في الموبايل او النت لازم تعرف ذلك واحذرك من التمادي في علاقاتك المحرمة مع هولاء البنات وانك سوف تجلب على نفسك الفضائح والمشاكل التي لانهاية لها وسوف تكره الساعة اللي عرفتهم فيها الحل انك ترجع الى الله عزوجل وتتوب اليه توبة صادقة وتقلع عن التكلم وتعارف على البنات في النت وتتقي الله في نفسك وفي دينك وفي كرامتك وسمعة اهلك وتاكد ان الله عزوجل سوف يحاسبك على وقتك فيما قضيته يوم القيامة بادر الى اصلاح حالك وتدراك نفسك قبل فوات الاوان فلااحد يدري متى يجيه الموت اترضى انك تموت وانت على معصية وتكلم هولاء الفاجرات الساقطات اعوذبالله من سوء الخاتمة انصحك لوجه الله الكريم ان تتوب الى الله وتستغفره وتقلع عن هذي التصرفات المحرمة والللاخلاقية نهاية وللابد وتتقرب من الله عزوجل وتحرص على ارضاءه من الحفاظ على اداء الصلاة في اوقاتها وقراءة القران وكثرة الصوم والاستغفار لله عزوجل ومن الصلاة على النبي والبر بالوالدين وصلة الارحام والصدقة للفقراء والمساكين وغض النظر عن المحرمات واختيار الرفقاء الصالحين والتخلق باخلاق المسلم الحق فهذي طريق السعادة في الدارين والفوز بجنات النعيم التي اعدها الله لعباده المؤمنين الاتقياء وان شاء الله تكون منهم وربي يصلح حالك ويهديك ويلهمك الصواب والرشاد ويعصمك من كيد الشيطان ورجسه ويجعلك من خيرة عباده اللهم امين