السلام عليكم ورحمة الله وبركاته
لو سمحتم سؤال صغير …. خطيبتى بقالى حوالى 6 شهور مع بعض وبحبها جدا …. لكن مش بلاقى كلام اقولهولها او موضوع اتكلم معاها فيه مع العلم انها من النوع الخجول اللى برضه مش بتعرف تقول ايه ويادوب بتجاوبنى على اد السؤال او تسأل سؤال صغير … بحس ان انا بايخ بسبب قلة كلامى معاها او ان وانا بتكلم معاها بسكت كتير او ما اطولش … هيا بتحبنى جدا جدا وانا اثبت ده عملى … لكن مع ذلك نفسى انسجم معاها .. ” قلتلها بحبك وغازلتها كتير ” ونفسى اغير ….
يا ريت اللى عنده حل يقوله
مشاكل الشباب مع البنات
خطيبتى خجولة وانا مش بلاقى كلام اقولة
اضيف بتاريخ: Friday, October 20th, 2017 في 18:37
كلمات مشاكل وحلول: الحب, الخطوبة, بنت, شاب
حاول تتكلم معاها في الموضوع ده
وتلمح لها انها تاخذ راحتها شويه في الكلام
وانت اسمع لها افتح لها اي موضوع عادي وخليها تتكلم
واول ما تتكلم اسمع ليها ووصل ليها انك مهتم بحديثها سواء بهمهمه او اممم او ضحكه بسيطه على حسب سياق الكلام
واديها دعم في التواصل بكلمه او بجمله
كتر المكالمات شويه ومش شرط تكون طويله في البدايه
ودايما عندما تنهي المكالمه انهيها بطريقه لطيفه
دايما اسألها عن حالها
وسيبها تحكي ولو جمله
وصل ليها دايما انها وحشاك وبتحب تسمع صوتها
وطلع منها مشاعرها هي كمان
واكيد هتتجاوب هي كمان معاك
وربي يوفقك لما فيه الخير