مشاكل الشباب مع البنات

هل اقبل الزواج منها واصدق قصة اغتصابها

قصتى باختصار انى حبيت  بل عشقت زميلتى فى الجامعه لمدة 3 سنوات بكل صدق وعندما قررت الزواج منها اعترفتلى بانها قد اغمى عليها بعد خروجها من المدرسة وعندما فاقت لقت نفسها مع شخص فى بيت قد اغتصبها وبتقسم ان الكلام ده هو الصدق وانا للاسف بحبها بجنون فهل اقبل الزواج منها ..أفيدونى

مشاكل وحلول ذات صلة

اضيف بتاريخ: Friday, December 3rd, 2010 في 06:49

كلمات مشاكل وحلول: , , , , ,

18 رد to “هل اقبل الزواج منها واصدق قصة اغتصابها”

  1. الحب الصامت
    26/04/2011 at 14:07

    بصراحة الحكاية مو كتير مزبوطة ,, انا عم بشك بصدق البنت بس الله اعلم
    بس انت اذا كنت بجد بتحبها ما بتتخلى عنهاابداااااااااااااا شو ما صار
    واكيد هي لانها بتحبك خافت انها اضيعك اذا اعترفتلك من الاول
    كتير في ناس عشان ما تخسر حدا بتحبوا بتخبي عنو شغلات ,, اكيد مو منيح انها خبت عليك من البداية بس ما بصير تتخلى عنها وتتركها

  2. ا/نهله طلعت
    07/12/2010 at 12:35

    اخى فى الله احب اقول لك لو كانت البنت دى عملت حاجه غلط كانت عملت عمليه واهى دلوقتى مش غاليه والموضوع بقى سهل لكن هى حبت تقول لك وتصرحك من البدايه قبل الزوج ويمكن الاعتراف كان متاخر لانها كنت مكسوفه فعليك يا اخى تصلى صلاه استخاره لى ربنا وهو هيبينلك الخير ان شاء الله شكرا ليك (نهله طلعت)

  3. احمد غالي
    06/12/2010 at 13:44

    لو بتحبك بجد كانت قالتلك من اول يوم
    بس علشان منظلمهاش ليها حل
    اللي بتغتصب بتعمل محضر يثبت كده هنفترض انها خافت من الفضيحه او اعرض عليها انك تعرضها علي طبيب لانه هيكتشف هل كانت مغتصبه ام موافقه
    وبصراحه القصه مش طبيعيه ولماذا لم تعترف لك الا قبل القدوم علي الزواج وكيف اغمي عليها خارج المدرسه فوجدت نفسها في منزل
    اعطيتك الحل ولكن الحل الاكبر هو صلاه الاستخاره وان الله سيكشف لك الحقيقه

  4. قلب كبير
    05/12/2010 at 12:48

    ارجوك لا
    لان مكا خفى كان اعظم
    ابحث عن مكان وناس جديده واكيد هتلاقى الحب اتلحقيقى
    هى الان بتحبك باصطناع وبعد ما تتجوز هترجع لماضيها المشرف تانى
    بس وربنا معاك

  5. قلب كبير
    05/12/2010 at 12:46

    عزيزى ارجوك ابدا حياتك صح وبلاش تتجوزها
    لانك كدا هتعيش مع الوسواس
    وهتلاقى خبايا كتيير بعد كده وهتكرها موت
    نصيحتى ابعد وغير مكانك وشوف ناس جديده هتلاقى العمليه بسيطه
    ارجوك…لان عنوان الموضوع مايطمنش

  6. Eng.Mohamed
    05/12/2010 at 12:20

    بجد والله انا محتار ااقولك ايه او اجاوب بأيه لأنه شيء صعب ولكن انا هجيب لك من الاخر ممكن تأخذ بكلام الاخ عايش الواقع لأنه فعلا احسن كلام وركز جدا فيه لأنه هو الاصح بين كل الاخوة مع كامل احترامي لهم وشكر والله ولي التوفيق

  7. مصري بالخارج
    05/12/2010 at 06:35

    طب هي كانت ممكن تركب غشاء بكارة صيني والموضوع يمشي او في الدخله تفهم حضرتيك ان نوع الغشاء مطاط وحضرتيك بتقول ان انتي بتحب حب جنون يعني حتصدق بس مفكرتش في الخداع وده يمكن دليل علي احترامها وانها مش مشيت غلط ولا بتعالج غلط بغلط لو حتقدار تنسي الموضع ده تنسي نهائي توكل علي الله ان شايف الحكاية دي انتشرت كتير اوى والارجح في هذا الزمن انه تكون صداقه(يا رب استر عرض جميع المسلمين)

  8. mohammed
    04/12/2010 at 21:26

    لا اله الا الله هى ممكن تقولك مين اللى عل فيها كده اكيد لا وهى مكن تقولك انها اغمى عليها بس ده ممكن ميكونش حصل انا هقولك على حل ابعد عنها فترة وشوف هى هتعمل ايه وانت هيكون احساسك اتجاها ايه ووعلى فكرة مش شرط البنت اللى الانسان هيتجوزها تكون مانمتش مع حد تانى

  9. حمزه
    04/12/2010 at 18:03

    اتوكل علي بركة الله بس لو كنت انت من الناس التي تشك نسبة 1% بلاش وارجع عن هذا لان ذلك سيتسب في شرخ كبير في حياتك الزوجية .
    وبعدين ديت مش اول واحدة ولا اخر واحدة خلقا الله عز وجل .
    دايما تاخد اللي تحبك مش اللي انت تحبها عشان تعيش مرتاح.
    وربنا يسعدك امين .

  10. النمر المصري
    04/12/2010 at 15:51

    اخي الفاضل الحب يروح و يجي بس عذاب الشك لو دخل انسي انه يطلع

    استفتي قلبك وان افتوك انت ميش صحابي جليل اكيد مثل بشر هذا الزمان و اكيد عرفت بنات وسمعت قصص كتير خذ هذه القاعدة وافهمها و طبقها ( لكل ظواهر متشابها نتائج متشابها )

  11. adham
    04/12/2010 at 13:13

    سيدى إن كان عليك الإختيار صعب فعليك بالإستخارة وإن كان حبك قوى فسوف يهجيك للحل الصحيح
    وإن البنت لا تفشى بهذا السر لأى مخلوق إلا لوكانت تحبه أكثر من نفسها ولو عرفتها حقا لكنت على يقين من ذلك لذلك فإنى أشجعك على أن تتم ما كنت نويه قبل معرفتك بهذه الحادثة وإتمام الزواج ولك عند الله أجران سترتها – وحفظ كرامتها وسيكون طائعة لك مدى الدهر والله ولى التوفيق

  12. توتا
    03/12/2010 at 22:38

    من ستر مؤمنا ستراه الله يوم القيامة . لوهي بنت مش محترمة كانت عملت عملية ترقيع وله حتي ركبت واحد صيني وكان عمرك ما هتعرف حاجة لكن هي صرحتك وأحساسك هايدلك علي الصواب

  13. tota
    03/12/2010 at 14:47

    بص انا هقولك علي حاجه بسيطه صدقها وثق بها تماما لانها لو مش بتحبك مكنتش هتقولك كده
    وكانت ممكن تعمل عمليه وانت متعرفش اي حاجه
    لكن هي مخدعتكش وقالتلك ده اكيد عشان بتحبك

  14. عايش الواقع
    03/12/2010 at 13:15

    بص يا اخى انا حصل معايا نفس اللى حصل معاك وقبلت بس ده كان من خطيبها الاولانى وصدقتها لانه كان بردوا اغمى عليها وحصل اللى حصل يعنى اقنعتنى انه مش بمزاجها وانا اقتنعت وقبلت
    على اساس انى بحبها فوق ما تتخيل ولو حقولك انا لما كنت معاها كنت بحس بأيه حكتبلك كتب ومجلدات وفى نفس الوقت عايز استر عليها
    بس بعدكدة اكتشفت بلاوى ربنا بعافينا ويعافيك بس مش معنى كدة ان اللى معاك مش كويسة ممكن تكون متربية احسن تربية لابعد الحدود وانسانة محترمة بس هى اللى ظروفها سيئة بس انا حسألك سؤال لو جاوبت عليه ب أه يبقى استخير ربنا فى الاول ولو حسيت براحة فى صدرك
    اتوكل على الله واتجوزها وربنا يباركلك فيها ولو لاء يبقى تنسى الموضوع خالص مع تحمل التوابع لانك حتتعب جدا نفسيا وحيحصلك زى الله حصل معايا وياريت محدش يعلق على كلامى لان ده واقع احنا عايشينه
    هل بعد ما تتجوزها حتقدر كرجل شرقى انك تنسى فى يوم من الايام بعد ما تتجوزها ان واحد نام معاها غيرك واخد حاجة من حقك انت بغض النظر بمزاجها ولا غصب عنها ولا الموضوع ده حيفضل يعملك هاجس فى دماغك ويخلى نفسيتك زفت ويخليك تعاير وتبهدل بنت الناس بعد كدة مع اقرب مشكلة تحصل؟؟؟؟
    انا مستنى ردك ليا وفكر كويس الاول

  15. soso
    03/12/2010 at 11:53

    اخي الكيرم منعا للظلم حاول ان تتقرب منها وتحس بقلبك انه جاده في كلامها ومش بتضحك عليك ولازم طبعا تسأل عنها وتسأل اهلها وانت في الاول والاخر ليك القرار النهائي انت ال بتتعامل معاها وعارفاهاه ان كانت صادقه ومحترمة ولا لأ لو فعلا هي كويسه بغض النظر عن ال حصلها ياريت تتجوزها وده هيكون ليك اجر كبير عند ربنا مش كويسه ساعدها واسترها وماتكملش معاها القرار قرارك وربنا يهيدك للطريق السليم ………….

  16. gamila
    03/12/2010 at 10:32

    السلام عليكم ورحمة الله وبركاته
    رأي الاخ محمد ناصح امين
    صحيح 100%
    والله يسترنا جميعا

  17. حل
    03/12/2010 at 10:04

    تحقق من الامر وادرسه جيدا
    قيم حالة خطيبتك الحالية
    الغياب عن الوعي عزر مقبول
    هل ممكن تنسي الامر وتعيش وتعتبرها كانها كانت متزوجة
    اذا سترتها هل تحفظ لك هذا الجميل ولا هي متفرعنة ( صوتها عالي وغير مهذبة)
    المهم هي صارحتك اقصي انواع المصارحة ووثقت فيك
    علي الاقل بادل ثقتها بعدم افشاء سرهاومساعدتها في معالجة الامر اذا قررتم الانفصال
    وفقكم الله

  18. محمد ناصح امين
    03/12/2010 at 09:13

    دور في سلوكها لو قيتها متدينه وتعرف ربنا توكل علي الله ولو لقيت منها اللوع والكذب يبقي اتركها فورا وممكن تطلب منها تفاصيل وعنوان الشقه دي عشان تتاكد انها صادقه وصلي استخاره قبل ماتنوي تعمل اي حاجه وان شاء الله ربنا هيهديك للصواب

اترك رداً أو حلاً لهذه المشكلة