اتعرفت على بنت اصغر منى ب ٤ سنين كان ليها زميل فى الدراسة فى مجموعة واحدة ياعنى كانوا بيذاكرو مع بعض و بيتكلمو فى التلفون،، لما اضفتها فى احد برامج الدردشة لقيتتو من احد اصدقائها فى البرنامج بصراحة انا اتضايقت جدا خصوصا ان هو الولد الوحيد اللى كان من اصدقائها و الباقى كلهم بنات و لانى انسان غيور جدا لمحت ليها انها تمسحه لكن محصلش و تانى و تالت ممسحتهوش,, و لما امرتها ان تمسحه قالت لى حاضر بس هافكر اقوله ايه ،وقتها زعلت منها جدا و شكيت ان كان فيه حاجة بينهم خاصه ان هما الاتنين كانو مغتربين فى محافظة تانية و كان بيركب معاها القطار و هما رايحين، وحصل انى كلمته من غير مايعرف شخصيتى و قلت ان انا صديقة فلانة فرد عليا ازاى تكونى صديقتها و ماقالتليش عليكى خالص و قال انها كانت أكتر من اخته و كانو مع بعض عاى طول ، ولما واجهتها قالتلى ان ماكانش فى حاجة بينهم خالص و ده كان مجرد زميل و كانت كل مكالماتهم عن الدراسه و المحاضرات ، انا لسه شاكك فيها خاصة ان لما دخلت البريد الخاص بيها لقيت واحد ولد شكله زميل دراسة بيكلمها عالطول ،، و انها كانت مغتربة ياعنى الرقابة كانت ضعيفة عليها و ممكن تخرج مع اى حد من غير ماحد يكلمها او تتكلم فى التلفون او اى حاجة تانية تغضب ربنا،،،، انا عمرى مامشيت مع بنت و لا كلمت زمبلة فى التلفون لانى مش مضطر اعمل كده و اكلم زميله دراسة بحجة الدراسة لمجرد انى اكلمها ، انا مش معقد والله لكن مش عايز ابقى مخدوع و ارتبط ببنت كانت متساهلة فى موضوع الاختلاط و كانت عايشة قصة حب الله اعلم ايه ممكن يكون جرى فيها خاصة انها بتحبنى جدا و بتقولى ياحبيبى من غير مايكون فيه ارتباط رسمى بيننا و خايف لاتكون قالت كده لكذا واحد قبلى،،،، انا محتار جدا و مش عارف اعمل ايه
مشاكل الشباب مع البنات
اشك فى حبيبتى بسبب علاقتها مع زميل الدراسة
اضيف بتاريخ: Friday, January 21st, 2011 في 04:14
كلمات مشاكل وحلول: البنات, الدراسة, زميلة, مشاكل الشباب
ياخي الكريم اسمح ليا اقولك اولا كون صادق مع نفسك واعرف ايش تريد بالضبط : هل تريد بنت من القرية وغير متعلمة ومغلق عليها ولا تعرف اي حاجة في الدنيا . راح تلقي هذي النوعية اكيد في بلدكم .واكيد حتعيش معها مستقر ومن غير شكوك ولا وجع راس ومن غير لذة الحب. او تريد بنت متعلمة ومثقفة وتكون ماقد عمرك كلمتها وتخطبها من بيت اهلها على طول من غير علاقة مسبقة . اكيد حتلاقي . او تريد تتزوج بعد علاقة حب ساخنة وتحب حبيبتك الذي اعطتك هذة الفرصة انك تحب وتحس بمعني الحب عشان تعيشوا مرتاحين لكن مع الاسف الذي بحب بيحتوي حبيبة وحتي لو ماعرفوا اهلها يربوها انت ربي فيها الاخلاق الذي انت عاوزه راح تسمع لك لانهابتحبك حتى لو عانت شوية في النهاية حتسمع منك. لازم تختار بين الثلاثة دول وارجوك اذا كنت عارف نفسك انك ماراح تعيش معاها مبسوط واجها الان .. احسن ما تتطور العلاقة بينكم وتوقع الفاس في الراس الله يهديك للطريق الكويس ليك
موضوعك دة حصل معايا ايام الجامعة بس انا كنت الزميل مش الخطيب وزميلتى دى كانت قريبة منى ايام الدراسة خصوصا انها صديقة ابنة عمى واتخطبت السنة الاخيرة من زميل اخر لى ولو كان عقلى زى الشباب الايام دى ما كنتش اترددت انى اخطبها لانى عارف امكانياتى
المهم لما اتخطبت كان خطبها متأخر سنة عننا وبالتالى كنا لا نزال مع بعض مع انسحاب تدريجى منى لانى حاسس بخطبها اوى رغم انها كانت مستاءة جدا من انسحابى واننا زى الاخوات ومش ممكن نسيب بعض فجأة كدة والمفروض حتى تبقى فى زيارات عائلية بعد كدة لكن كان قرارى نهائى انى ابعد عنها اكراما لخطيبها وانا لو منك بصراحة اموت الف مرة لو خطيبتى تعرف واحد مجرد زميل
ملحوظة اخيرة انا ما كنتش برتاح لنفسى وبلومها دايما انى اعرف بنت تحت بند انها زميلة
وما تقلقش ممكن تكلم صاحبك دة وتفهمة بأى طريقة مباشرة او غير مباشرة على تحفظك واما بقى لو راح متباكى لخطبتك انك طلبت منه كدة وجت اشتكت ففى الحالة دى احسم موقفك معاها فورااا
على فكرة البنت ديه كويسة اوى ومتحولش تشك فى البنت اللى حبتها
بسم الله الرحمن الرحيم
انا عرفت ليه يا اخ محمود انك بالرغم من انك طبيب وعندك 30 سنه وغنىولكن مطلق ووحيد.وخسرت مراتك وخطيبتك كما تقول عن نفسك لان تفكيرك مش مظبوط ولا أرائك حكيمه ولاسف دكتور
على فكرة حرامك عليك يا اخ محمود بلاش تتكلم فى اعراض الناس انت متعرفهاش عشان تتكلم عليها بالطريقة الوحشة اوى دى اتقى اللة انت كدة بتخوض فى اعراض مش بتحل مشكلة بص يا صاحب المشكلة لو انت شاكك فيها سبها انت شكلك شا كاك اوى وبعدين لو هى بتحبة هترتبط بيك انت لية اتقى اللة ولو مش واثق يبقى ابعد وخلاص عشان متعش فى شك على طول انت اصلا اى واحدة هتعمل معاة كدة دة طبع فيك
تعليقات تنننننننننننقط وربنا !! , ما علينا
اولاً : انت لازم تغيير عليها لأنك لو مش بتغيير يبقى انت معلش ” مش راجل ” واللى بتعمله دا هو الصح
ثانياً : تقدر تقولى يعنى ايه زميل دراسه ؟
يعنى هى البنات خلصت خاااااالص لما عرفالى واحد تانى عليك !!؟
اللى بيحب بنت بيشوف كل البنات فى نظره غفر ومش بيملوا عينه
وهكذا البنت برضوا لو بتحب بجد مش هتحتاج تكلم حد تانى لأن من الأخر المفروض حبيبها دا مالى عينها
هتقولى أصل دا زميل دراسه وكلامهم بيبقى عن المحاضرات وحاجات من دى !
هقلك يعنى هى ملهاش صحاب بنات ؟
نفترض انها ليها بس كلهم فاشلين ! دا مثلاً يعنى
طب ماتروح تكلم اى بنت ملتزمه اخلاقياً ودراسياً وتاخد منها اللى هى عيزاه
وبص من الآخر :
– دى لو كويسه اوى مش هتقبل تكلم ولد سواء كنت انت فى حياتها او لأ
– دى لو كويسه اوى مش هتقبل تكلم حد فى التليفون
ثالثاً : ممكن اعرف دورك انت فين فى حياتها ؟
مهو برضوا مش هقعد اقلك لأ انت الواد المخلص وهى الكوخه !!
معلش يعنى انت من الواضح ملكش اى دور فى حياتها
هتقولى ازاى ؟
هقلك المفروض يعنى تكلمها على طول عشان مش تخليها تحتاج لحد تانى تكلمه
لازم تنصحها بأستمرار وتعرف اخلاقها عامله ايه
لما بنثق فى بنت ممكن نسيبها وسط مليون ولد ومنخفش عليها لأننا واثقين انها مش هتدى حد فرصه
– حاول تظبط الليله دى من تانى
* كلمها على طول
* انصحها
* قولها ان مش ينفع تكلمى حد مهما كان
* حاول تكتشف شخصيتها بقت عامله ازاى دلوقت
* اختبرها اكتر من مره
واستخير ربنا وان شاء الله ربنا يقدملك اللى فيه الخير
فعلا عيب عليك يا اخ محمود ايه اللي انت بتقوله ده وعلى فكره اللي زيك وفاكر نفسه مقطع الدنيا ده هو اول واحد هيتجوز واحده تكون بواقي واحد تاني داين تدان وكله سلف ودين
بالنسبه للاخ صاحب المشكله انت لازم تثق في الانسانه اللي بتحبها اكتر من كده لو انت شايف انها مش جديره بحبك يبقى من الاول بدل ما تعلق بنات الناس بيك
الحقيقة انا كلامى مش لصاحب المشكلة كلامى للاخ محمود يا اخى اياكم وقذف المحصنات لو اختك تقبل حد يتكلم عنها الكلام ده اتق الله . اما صاحب المشكلة انت مش سألت على خطيبتك و أهلها كويس قبل ما تخطبها وخلى بالك البنت اللى عايزة تعمل حاجة وحشة مش شرط تكون مغتربة ممكن تبقى مع اهلها وتعمل اللى هى عايزاه المهم الاخلاق والضمير هو اللى يحكم الانسان وانت اللى تحكم على اخلاق خطيبتك مش احناوالخطوبة فترة عشان تدرسوا اخلاق بعض وتشوفوا مدى توافقكم وما دمت لم تعمل حاجة تغضب ربنا اكيد ربنا هيوفقك لما فيه الخير _الطيبون للطيبات _ انت اكيد بتحبها كتير وعشان كدة غيران عليها زيادة
يعني هو انت يا ريت تفكر كويس وبعدين الجواز دي قسمة ونصيب
بث انا قريت رسالتك وشدتني جملة انك انت طلبت منها تمسح ايميل زميلها وهي حاولت تراوغ في الكلام وتقولك هوقوله ايه دي لو بنت شاريك بجد كانت من غير انت متطلب حاجة كانت قطعت كل علاقتها بأي حد كانت تعرفه قبل الخطوبة دي العادي يعني
واحنا كلنا سواء ولاد أو بنات بنمر بعلاقات ايام الدراسة بث بتنتهي بانتهاء وقتها
وخلاص
فإنا بنصحك انك تختبر حبها ليك لو اثبتت دي فعلا اوكي لاء متبعتش كلامك انصحك انك تسيبها
ومش عيب انك تكون غيور جداً جداً الغيور اليومين دول بقي عمله نادره
انا عن نفسي اللي هرتبط بيها همنعها انها تكلم اي حد سواء قريب ولا بعيد دي هتبقي مراتك
سلاممممممممممممممم
اتقي الله يا رجل ازاى يا اخ محمود تقول كدا على بنات الناس من غير ما تشوف بس الواضح من صاحب المشكله انه شكاك وغيور وبكدا اى واحده هيرتبط بيها هيشك فيها لانه ليس عنه ثقه في اي بنت حتى لو كانت اخته انصحه بالذهاب الى دكتور نفسي ليتعالج من هذا المرض اللعين وهوا الشك الذى سيقتله ةيدمر حياته مع اى انسانه يرتبط بيها
البت دى كويسة وشكلها حبتك فعلا لو كانت عاوزة الولد التانى كانت استنته لكن هى فضلتك انت يبقا بتحبك اكيد وكمان انت تحسبها من اول ما اخذتها
أخي الفاضل : انت ازاي تقبل على نفسك حاجة زي دي؟يعني ايه كانوا أكتر من الإخوات؟طيب هوة شكل العلاقة اللي أكتر من الإخوات بتكون ازاي؟يعني الأخ مثلا ممكن يبوس أخته بوسة أخوية ويحضنها حضن أخوي؛ بالنسبة للأخ ده والأخت دي كانوا أكتر من اخوات ؛ يعني كانوا بيعملوا أكتر من كدة ؛ البنت دي بتقرطسك واياك تقبل انك تشيل شيلة غيرك؛ البنت دي تخصه هوة متخصكش انت ؛ وبعدين لما هما مرتاحين لبعض أوي كدة وأكتر من الإخوات وبتقلله على كل حاجة وبيقلها على كل حاجة ميتجوزها مهي قدامه ولا هوة يعمل معاها كل اللي نفسه فيه ؛ويجيبوا واحد تاني يشيل الليلة ؛ وكمان بعد الجواز يفضل الأولاني أكتر من أخوها ومجرد صديق؟فوق لنفسك ومتقبلش انك تكون ديوث وانسى البنت دي