انا مش عارف ابدأ كلامى ازاى ببساطة انا شاب مراهق عمرى 15 سنة وزى اى شاب فى سنى وقعت فى حب زميلتى فى الدرس هى بنت محترمة و مؤدبة ومحجبة وزى القمر وقررت انى اصارحها بحبى بس قبل الدرس بكام ساعة لقيت نفسى مرعوب ومتوتر وبقيت خايف انها ترفضنى وقولت لنفسى تحبنى ازاى واحنا ما اكلمناش مع بعض الا مرتين وكنا بنكلم عن حاجة فى الدرس وقررت ان احسن حل هو انى اصلى صلاة الأستخارة ودعيت ربنا انه يهدينى للحل الصح ولقيت نفسى بعد شوية قررت انى ما اصارحهاش بحبى بس تانى يوم لقيت نفسى بحلم انى بشوفها وكل يوم بحلم بيها ومش عارف اعمل ايه ولقيت نفسى مدمر نفسيا وقلت لنفسى طالما انا كده كده مدمر نفسيا يبقى ما اخفش من حاجة واقولها انا بحبك واذا رفضتنى يبقى على الأقل كسبت شرف المحاولة واحس ان انا عملت حاجة فى حياتى يا ريت كل اللى يقرا مشكلتى يقولى رأيه او تجربته الشخصية وشكرا جزيلا
ياولدي حرام عليك تفكر في الحاجات دي وانت في هذا العمر وفي سن المراهقة 15سنة ركز واهتم بدراستك ومستقبلك وابعد عن الاشياء دي ربنا يهديك ويصلحك وعامل البنت دي زميلتك في الدراسة بمنتهى الادب والاحترام واعتبرها زي اختك حافظ على خلاقها وسمعتها وشرفها