السلام عليكم ورحمة الله وبركاتة ………انا عندي مشكله نفسي تحولها معايا ؟؟!!:-) وعشمي في ربنا ثم فيكم كبير ………..انا عندي ١٦سنة ف اولي ثانوي (ثانوي عام) من مصر…..انا حكايتي ان في واحد فاتح محل في شارعنا المهم الولد ده شفني وانا بتكلم مع واحده صحبتي هي اصغر مني بس هي تعرفه كويس وانا كنت بشوفه وكده لكن معرفهوش المهم كنت ماشيه من قدام المحل بتاعه وهي كانت بتتكلم معاه انا مكنتش اعرف انا بتكلمه انا فكرها بتشتري حاجه المهم بسلم عليها لقيت بيبتسم اووووي وبيبصلي حطين وشي في الارض واتكسفت ومشيت المهم مرة تاني كنت بشوف فلوس فكه رحت اسال عنده لقيته خد الفلوس وراح هو يشوفلي الفكه وفكلي وجاب الفلوس المهم محطتش ده كله في دماغي لقيت صاحبتي ديه قبلتني وبتقولي عايزة رقمك بقولها ليه ؟؟قالتلي الصراحه في واحد عايزه المهم هو جيه في بالي قولتلها انا عارفه مين هو ؟؟قلتلي مين قولتلها الولد صاحب المحل ده قالتلي ( ***) قولتلها معرفش اسمه ايه ؟؟قامت قالتلي اه هو !المهم زعقت معاها ازاي تطلب مني طلب زي ده المهم لما زعقتلها قالتلي ان وهو بيقولها انها قالتله ان انا مش بتاعت الكلام ده مش بحب موضوع التليفونات ده المهم هو قالها ومين قالك انا عايزها في الكلام ده انا عايز اكلمها مكالمه واحده اتعرف عليها اكتر وعن شخصيتها وبعدين هروح اخطبها وقت ما هي عايزة المهم انا برده موفقتش بعد الكلام ده وقوللها انا عمر ما تليفوني يترفع علي ولد غريب هي قالتلي ديه مكالمه واحده خلاص ابقي كلميه من عندي مره المهم موفقتش برده المهم هي قالتلي انه قالها تقولي انوه بيصلي يصوم ومش بيشرب سجاير لكن هو بيشرب ولما موفقتش كل ما يشوفني يولع سجاير ممكن بعد ما امشي يطفيها بس هو عند وخلاص المهم البنت ديه جت تكلمني في الموضوع تاني قولتلها مش هنعرف بعض خالص تاني وهقول لبابا ماشي المهم هي قالتلي ماشي وراحت قالتله الكلام ده وقلتله انا مليش دعوه بلحوار ده تاني المهم انا قولت المووضوع كده خلص شافني تاني في الشارع والشارع كان فاضي لقيته بيقولي يا بنتي انتي ليه بتعملي كده وربنا بحبك خفت اوي وخت بعضي ومشيت زي ما بكون بجري المهم انا دلوقتي بفكر اوافق عليه بس مش ان اكلمه اننا نتخطكب بس المشكله ان هو معاه دبلوم تجاره والمحل بتاعه محل فراخ وجمدات ولحوم كده وغير كده ماما عرفت وكده وقالتلي فكري في دراستك وبس وشكلها مش هتوافق عليه وانا اصلا من عيله كبيره واختي عريسها ظابط بس المشكله شغله انا بفكر بس ازاي مش عارفه وساعات اقعد اقول يعني اختي مخطوبه لظابط وانا هتخطب لبتاع فراخ وساات قول وايه يعني وساعات اقول لسه بدري انا لسه هشوف اشكال والووان لماا ادخل الجامعه وارجع اقول انا بحبه وعايزاه ولما بسمع حد بيتكلم عنه بتجننن وبغير اوي وبكون عايزه اشوفه كل شوية انا طولت عليكم اوي انا فكرت في صلاة الاستخاره بس عايزه حد يقولي ازاي بتتصلي وعايزاكم تقلولي اعمل ايه انا شايفه ان شاب جدع اوي لان وقف مع واحده صحبتي في موقف كده هو كمان عاقل عنده ٢٣سنه يعني مش صغير ارجوكم سعدوني في اسرع وقت
شوفي يابنتي الشغل مش عيب والراجل بدينه وخلاقه وليس بشكله ومظهره طالما انو الشاب كويس ومحترم ويرغب في الحلال وصادق في نواياه من الارتباط بك فليه ترفضيه عاوزك تسمع لقصة بنت واحد من اقاربنا كانت بنت شابة وجميلة ومن عيلة كويسة تقدم لها شاب كويس ومحترم جدا وعلى دين وخلاق وسمعته كويسة بين الناس لكنها اعترضت على شغله حيث ان الشاب يعمل مكيانيكي سيارات في احدى الورش واهلها حاولوا قتاعها بالموافقة على الشاب لكنها رفضته تماما وجاها عريس اخر شاب مهندس وجميل اوي وافقت عليه ولكنها بعد الزواج ندمت على زواجها منه لانو كان بتاع بنات ويسهر مع اصحابه خارج البيت لساعات متاخرة وينصب على كثيرا من الناس حتى تورط وادخل السجن وحكم عليه بفترة في السجن وطلبت الطلاق منه وندمت جدا على زواجها منه وكانت تتمنى انها وافقت على الشاب الاول المكانيكي اللي تقدم لها وخصوصا انها تسمع اخباره من اهل الحارة وانه تزوج واموره كويسة وصار عنده محلات ورش خاصة به واصبح من الاثرياء فالله هو الرزاق الوهاب وهوعلى كل شئ قدير اتمنى انك استفدت من هذة القصة واخذت منها العبر والعظة في حياتك وربنا الموفق