فى البداية كدة انا اكتر من انى عايز اعرض المصيبة اللى انا فيها واخد رايكم انا عايز اضحك 🙂 ناس كتير هتستعجب من اللى هتقرأة وناس مش هتصدق ومش هطلب من حد انة يصدق لان انا نفسى مش مصدق اللى حصل :/
بصوا انا شاب عمرى 28 سنة من طبقة متوسطة بعمل فى مجال مرموق ومنصب كويس جداً لشاب فى السن دة ويمكن شغلى دة هو اللى دخلنى فى وسط مش بتاعى او طبقة أعلى منى بكتير فيهم اهمال كبير وعدم تحمل التصرفات و الافعال النتجة عن أشخص كتير منهم .
حد يعرف فيلم (هى فوضى ) فى الفيلم دة شوفنا ان الحب ممكن يوصل انة يضر صاحبه والاخص الجزء بتاع خالد صالح لما يأس من أن منة شليى تحبه فأغتصبها علشان يجبرها انها ترتبط بى
تصرف مريض من شاب مريض أستغل بنت لمجرد انه حبها .
هبدأ من هنا أقول المشكلة وأسف للاطالة .
انا فى مجال شغلى اتعرفت على بنت 25 سنة من أكبر العائلات فى البلد جميلة ورشيقة ويتمنها أى شاب بس للاسف انا بحكم شغلى العملى يمكن بفكر أكتر بعقلى أكتر من قلبى وبالاضافة لفرق المستوى بنا وفرق العادات والتربية عمرى ما كنت أفكر انى احبها او أرتبط بيها .
هى للاسف حبتنى وفى أقل من 9 شهور عرضت عليا الارتباط أكتر من 13 مرة وانا فى كل مرة برفض وكل مرة بحاول أشرحلها سبب رفضى .
وهى للاسف مش عندها أستعداد تقتنع أو تفكر فى كلامى يمكن علشان أتعودت ديماً ان اللى تطلبة تخدة .
مش هطول عليكم أكتر من كدة بس فى يوم البنت دى أتصلت بى وطلبت ان احنا نتقابل فى كافية ديماً كنا بنتقابل فى كلنا علشان عايزة تتكلم معايا شوية وانا وقتها كنت فى الاسكندرية أصرت ان احنا نتقابل أول ما اوصل على طول قبل ما أروح .
اتقبلنا وبعدين طلبت قهوة كالعادة رفضت وطلبتلى انا وهى عصير بحجة انى لسة منمتش وراجع من مشوار وكلام فاضى كدة وفعلا جه العصير وشربته ……….
صحيت من النوم لقيت نفسى انا وهى فى سرير من غير اى هدوم .
مش هقدار اوصفلكم حالتى ساعتها ، وأد اية مكنتش فى شعورى ورفضى اى قصة تحاول تحكيها مع العلم ان كل جملة كانت بتقولها ملهاش علاقة بالجملة اللى قبلها . خايبة كمان فى تكملة اللعبة الحقيرة اللى ورطتنى فيها.
الانسة المحترمة بتورطنى فى الارتباط بيها غصب عنى لمجرد انها عايزة كدة .
انا مش قادر افتكر أى حاجة من الفترة اللى خدرتنى فيها دى وعملت اللعبة الزبالة الفاشلة اللى عمرها ما هيكون ليها اى نتيجة اجابية، انا بوصل اوقات كتير فى التفكير أنى أرفض الجواز منها او الارتباط بيها مقابل اى شىء يحصل حتى لو مستقبلى اللى مهما كنت ممكن أحلم بى فى خيالى يضيع .
أسف للأطالة بس بجد أنا فى مصيبة مش عارف اتصرف أزاى ومش عارف افكر لوحدى عقلى متوقف عن التفكير الاشخاص اللى ممكن أحكلهم أو أخد رأيهم مش معايا حاليا .
اًصًدق انها بسببى فقدت عزريتها ( وانا مش متأكد ان دة حصل فعلاً) ولا أقولها اخبطى دماغك فى أكبر حيط ولا أعمل اية مع شيطان زى دة انا بجد مخنوق ومش مصدق ان ممكن دة يحصل أعمل أية معاها ؟
يعني عاوز تبري نفسك من تهمة اغتصاب البنت دي والزنا معها وفاكر كل الناس هتصدق الكلام الفارغ بتاعك ده خليك راجل واعترف بعملتك واستر على البنت دي وتزوجها واذا تركتها فربنا عزوجل سوف ينتقم منك وكماتدين تدان سوف يفعل اخرون في اخواتك والجزاء من جنس العمل عندي احساس انك كداب وماتقولش الحقيقة والظاهر الافلام التي تشوفها ماثره فيك وخلتك تقع في الحرام مع البنت دي
زي ماقلت تخبط دماغها في اكبر حيط،،الانسانة الي اتعودت تاخذ اي حاجة تريدها والي توصل بها الجراءة للحد ده عمرها ماحتكون أمينة عليك وعلى بيتك وتربية اولادك،،ابعد عنها والا انت نفسك حتسقط في مستنقع،،ابعد ولو حكمت تسيب الشغل