اولاً وقبل اى شيء ارجوكم محدش يتريق عليا لأني انسان طيب وغلبان وفي معني اخر .. أنسان اهبل عارفيين ليه ؟؟ لأني بحب في زمن مفهوش حب وبدي ثقتي لأي حد بس انا اتعلمت اني مديش ثقتي لأي حد وخصوصاً لو الحد ده اسمو ” بنت ”
لأنهم غداريين اوي بجدد
انا اتعرفت علي بنت عن طريق النت عن طريق واحد صاحبي وكلمنا بعض وكانت بتحكيلي مشاكلها وعن نفسها انا كنت شايف قدامي ملاك بمعني الكلمه انسانه طاهرة محترمه كنت بتمناها او اتمني واحده زيها في حياتي انا كنت ساعتها بحب واحده تانيه بس حب من طرف واحد مصرحتهاش يعني
المهم قاعدنا نكلم بعض علي فترات وهيا بتقرب مني اكتر البنت دي بتاعت النت وانا فرحان لأنها حسستني بحجات كتير حلوة وحسستني انها جمبي في كل الوقت وكانت بتقولي كلام كنت محتاج اسمعه .. ياحبيبي ياعمرى ياحياتي .. كانت بتصبح عليا برساله تصحيني بيها وتمسى عليها برساله
المهم حسيت انها بتحبني من طريقتها فحاولت استدرجها بالكلام ( عامل فيها ناصح ) لحد معرفت انها بتحبني علي حد قولها وانا كنت محتاج لده في الفترة دي .. منكرش انها غيرت فيا حجات كتير وخلتني ابقي انسان تاني المهم كلمنا بعض وكدا وفي ناس اصحابي يعرفوها بردو بس معرفه نت بنات اصحابي بردو
بس قالو لي عليها كلام مش كويس خالص والولد ده الي عرفت البنت من خلاله قلي انها بنت مش محترمه وانها كانت بتكلمو علي الموبيل وبيعملو حجات مش كويسه وبيتكلمو كلام ابيح وان البنت دي مش ( فيرجن ) وعملت حجات وحشه كتير مع شخص معين ويمكن اكتر من شخص
انا واثق ومتأكد من كلامهم لأنهم ناس كويسه وملهمش مصلحه ابداً ابداً ابداً انهم يقولو حاجه كدب او يكدبو عليا في حاجه خطيرة زي دي
انا ناوي انتقم وطيبتي وهبلي ده لازم اموتهم لازم مشكلتي اني رومانسى اوي للاسف وبنخدع بسهوله لأني من النوع الي بيحب بجد من قلبه مش بتاع تسالي
بجد مبقاش عندي ثقه في اى بنت ناس كتير اوي قالو لي ان البنات دلوقتي كلها او معظمها بقت مش كويسه وده بأعتراف بنات ليا مش شباب بس
بجد انا تعبان اوي انا عمرى ما فحياتي عيط علي اى حاجه بس انهارده بس عيط علي نفسي عياط من قلبي
وبحمد ربنا لأني اكتشفت انو بيحبني وعرفني الحقيقه قبل فوات الاوان رغم اني بعصيه وبعمل ذنوب بس الحمد الله رب العالمين
انا طيب و غلبان زيك نفسي في حبي حقيقي بحب بجد و للاسف كله بيظلمني حتي اللى كانت خطيبتي فركشت و كل الكلام بتاعها طلع كدب بص يا باشا انت تسال البت تواجه البنت دي بالكلام ده بس اهم حاجه تبقي هادي و تقولها فى الاخر لو طلع الكلام ده صحيح ربنا يصلح حالك و يحفظك و يبعتلك ابن الحلال لو طلع الكلام حقيقي و يمكن تكون عايزه تتوب لو عايزه تتوب كمل معها و اجرك عند ربنا كبير اوي
شوف يااخي الحمدلله انك عرفت حقيقتها قبل ماتتورط معها او ترتبط بها طالما ان كل اصحابك والبنات اللي يعرفوها قالوا لك انها بنت مش كويسة وانها مصاحبه شباب اخرين وتتكلم معهم فلابد ان تقطع علاقتك بها نهايئا وللابد ومش عاوز ده ياثر عليك او يعقدك في الحياة او يكرهك في البنات – الجنس الناعم- ليسوا كل البنات وحشين مثل صاحبتك دي وليس كل الشباب زيك كدا انت لم تحسن الاختيار للفتاة وده هو السبب اتمنى انك استفدت مما حصل لك وتعلمت منه الشئ الكثير فان كنت فعلا تريد الزواج وترغب في الحلال فيكون اختيارك للعروس بعيدا عن النت تماما وخلي الموضوع ده على الاهل لانهم يعرفوا اكثر منك في المسائل دي وكمان عايزك ماتفكرش في الانتقام منها اومن اي احد سيب الانتقام لربنا عزوجل وفوض امرك لله فيهم واصلح من حالك وتوب لربك من الذنوب والمعاصي واستغفره وتخلق باخلاق الشاب المسلم وترفع عن سفاف الامور والسلوكيات الخاطة والغير اخلاقية وهتلاقي ربنا عزوجل راضي عليك وموفقك لكل الخير وبيكرمك من واسع فضله وكرمه طوال حياتك وتحياتي لك