جارتي اصغر مني بسنتين و بعتتلي رسالة على الموبايل بتقول فيها انها بتحبني بس بعتتها من رقم انا معرفوش و انا اتأكدت ان هي
و لحد دلوقتي هي متعرفش ان انا عرفت ان هي اللي بعتت الرسالة
هي بنت كويسة و انا كمان معجب بيها
بس انا مش عايز اظلمها معايا انا لسة في بداية حياتي و كمان معنديش شقة و لسة مشتغلتش شغل كويس يعني من رابع المستحيلات اني اتجوز قريب
يعني اعتقد مش اقل من 5 سنين علشان افكر اتجوز
رأيكوا افضل مطنش كدة و خلاص و معرفهاش حتى ان انا عرفت ان هي اللي بعتت الرسالة
و لا اقولها على الوضع اللي انا فيه؟؟؟
مع العلم اني مش عايز ارتبط بيها و احبها و بعد كدة اسيبها يعني من الاخر مش عايز اعرف بنت و اكلمها غير البنت اللي هتجوزها 100 %
انا بجد مش عارف اعمل اية و صعبانة عليا بصراحة لو كانت بتحبني بجد و انا مطنشها كدة
شوف يابن الناس من الافضل انك ماتردش عليها ولاتهتم بالرسالة التي بعثتها لك يعني بصريح العباراة طنشها تماما طالما انك ماتفكرش في الارتباط في الوقت الحالي للظروف الصعبة التي انت فيها وانت شاب كويس ومحترم احسن من غيرك من الشباب اللي مايصدقوا على الله ان اي بنت تتكلم معاهم او تبعث لهم رسالة ويروحوا يجروا وراءها ويتسلوا بها او يخدعوها لاجل مارب دنيئة في نفوسهم ربنا يبارك فيك ويكرمك ويسهل امورك ويؤفقك في حياتك ان شاء الله