أنا شاب عمري 19 أحب فتاة من نفس العمر ولكنها من دين مختلف وهي تحبني وأنا أحبها ولكن هل أهرب معها وأنا على علم بأنني لو هربت معها سيأتون أهلها بي ولو بعد عشرين عاماً فماذا أفعل هل أتركها؟ أم أظل معها ؟؟
مشاكل الشباب مع البنات
هل اتركها او اهرب معها
اضيف بتاريخ: Friday, October 8th, 2010 في 21:20
كلمات مشاكل وحلول: حب, شاب, فتاة, مشاكل, مشاكل الشباب, مشاكل الشباب والبنات
لوكانت الفتاةمسيحية فلامانع من الزواج بهابموافقةالاهل ودون اكراه وان كانت غير مسيحية مثلا يهوديةاوبوذيةاومجوسية فلايجوز الزواج منهاباتفاق اهل العلم والدين لعموم قوله تعالى-ولتجدن اقربهم مودةللذين امنواالذين قالوا انانصارى — الاية ومسالة انواهلهامش موافقين على زواجهامنك فلايحق لك زواج منها الابرضاهم ولايحق لك الهرب بها اوتفريق بينهاوبين اهلها لابدان تخليهم يوافقوااوتتركها للابد وربي يعوضك بخيرمنهاويكرمك بالزوجةالمومنةالصالحةاللي تخاف الله فيك وتقدرتسعدك في حياتك
السلام عليكم
إذا جاءكم من ترضون دينه وخلقه فزوجوه، إلا تفعلوا تكن فتنة في الأرض وفساد كبير ).
عليك بتقوا الله
كان رسول الله صلاة الله عليه وسلم كان لا يتزوج من فتاة الا بعد ان تسلم ثم يتزوجها
عليك ان تقنعها بل اسلام ان اقتنعت فتزوجها لاكن وعليك ان تقنع اهلها بل اسلام بعد ذالك اقنعهم بلزواج وتوكل على الله
وان لم تقتنع بل اسلام هي اتركها
ام اذا اقتنعت بل اسلام لاكن اهلها لم يقتنعوا سلم امركم لله وباذنه لح يصير كل خير
الزواج اسم ونصيب
الموضوع ده مش سهل إنت مش عايش في أمريكا فكر في الموضوع ده الأول من كذا ناحيه فكر في نفسك الأول واللي هيحصلك هتموت مقتول ولا أمن الدولة هيعمل فيك أيه ودي أياً كانت ديانتها انتمائها هيبقى لمين ليك ولا لدينها ولأهلها ولا خوفها من أهلها هتقدر تتغلب عليه وتقاومه وأهلك هتظلمهم ليه هتدخل عليهم إزاي وولادك متعرفش هينتموا لأي ديانة كعقيدة مش كمسمى في البطاقة وخلاص اللعبة دي انت مش قدها لو انت اندفاع الشباب مسيطر عليك حاول تحكم عقلك في الموضوع احنا كنا زيك عشنا قصص حب أسطورية وعمرنا متخيلنا الدنيا من غير بعض والأمر انتهى والواحد تعب في الأول بس دلوقتي ولا أي شئ زكريات وعايشيين عليها.
اسلم حل انك تخليها تسلم الاول فى السر وبعد كده لما تحسن احوالك وتخلص دراستك وتبقى كويس ماديا اعقد عليها من غير ماحد يعرف وسافر لوحدك وهى لواحدها واتقابلوا بعيد اوعى تهرب معاها انت قاصر وهى قاصر هاتندم لو عملت اى حاجه دلوقت صدقنى ماتضيعش نفسك وتضيعها لكن برده اوعى تسيبها دى هى اللى هاتدخلك الجنه حتى لو هاتتعب فى النيا ربنا معاكم ويهديكم الطريق الصح
كده ولا كده امن الدولة حيرجعك . خلى بالك الناس هنا مبتهزرش ..كفاية المشاكل اللى فى مصر .
على فكرة مصر دى بلد متخلفة مش نامية ولا حاجة ..خلى بالك
back up .stay away from her
اوووووووووووعى اوعى يا صاحبى تعمل كده ارجوك بكره ربنا يبعتلك نصيبك وتفرح وتفرح اهلك والناس الى بيحبوك حرام تضيع نفسك بالتسرع او التفكير الغلط سبها وبكره ربنا يعوضك ابعد عن المشاكل ودى موش اى مشاكل طبعا انت فاهم كويس
انت لسة صغير علي الموضوع دة بس المشكلة الحقيقية ان الشباب الصغير في السن الان عندة شهامة واخلاص زايدين شوية سواء بنت او ولد وده سبب المشاكل فكر شوية لو بتحبها فعلا حب حقيقي مش
رغبة جنسية وهناك فرق كبير بين الاثنين مش حتقدر تستحمل اي شيء يحصل لها من اذي من اهلها او
من من هم من دينها ستتالم جدا علي اللي حيحصل لها وحتي لو لم يحدث شيء لها عاوزك كدة يابني تفكر اذا افترضنا انك تزوجتها او ارتبطت بها باي صورة مش دة موضوعنا وانجبت منها حتربي ابناءك منهاعلي اي ديانة وعلي اي تعاليم دين مشكلة كبيرة جدا انت مش مدرك منها غير خوفك ان اهلها يعرفوا طريقك ولو بعد عشرين سنة يعني خايف وانت الراجل اللي المفروض انك تحميهاوتاخد بالك منها كويس وترعاها بعد كدة تعالي ايضا لمشكلة في غاية الصعوبة التكاليف
والمصاريف للهرب والزواج وفتح بيت وانت كلك 16 سنة يعني لسة ماكملتش تعليمك ولا اشتغلت ولا كونت نفسك طيب منين ولا ناوي تطلع قدامها صغير ومش قادر تصرف عليها والراج يابني لو مش قادر يصرف علي اللي معاه بيبقي صغير قوي وبيصغر في نظر اللي قدامة ومع الوقت الحب بيجي علي جنب ويظهر الجوع والحاجة للاكل واللبس والنوم وكل دي يعني فلوس ملهاش اي معني تاني غير انك تدفع ثمن الموقف الرجولي اللي انت عاوز تقدم علية حتعرضها لبلاوي وانت كمان حتتعرض لبلاوي لا اقصد ان استفذ نخوتك او رجولتك حتي لا تعند ولكنك انت اللي سالت ارجوا ان تستمع الي النصيحة وان تخاف عليها قبل ان تخاف علي مصلحتك انت وان تغار علي دينك لان يابني لا يمكن ان تامن لمن تغير دينها من اجل رجل وليس من اجل الدين الحق خاف علي نفسك يابني اولا انا لاقول هذا علي اعتبار انك مسلم انت لم تبين قد يكون العكس ايا كانت ديانتك ويانتها فلا تقدم علي تعريضها لمثل هذه الاهوال التي لا تعلم عنها شيء هداك الله يابني ورعاك ايا كنت
تهرب معاها ايه بس يابنى ,تدمر حياتك و حياتها وحتاخدو ايه ,بكرة تتجوزو و تندمو عاليوم اللى شفته فيه بعض
اهلك ثم اهلك ثم اهلك
وبعدين ده مش تصرف رجولى منك انك تخلى البنت تهرب من اهلها
ومين قالك ان زواجك من غير دينك مفتوح على الاطلاق
ان كنت مسلم وهى مسيحية او يهودية فيحل لك الزواج بها اما ان كنت على غير الاسلام وهى مسلمة فى يجوز الزواج بها فان كنت مسلما فعليك التقدم لخطبتها فان رفض اهلها بكل السبل فلا يحل لك اخذها والهرب فليس هذا هو الحل انما ان اغلقت كل الابواب فيفضل تركها حتى لا تسقط فى المعصية ،،،،،،، هذا رايى ,,,,,,,, وانصحك بصلاة الاستخارة وربنا يهديك الى الطريق الصحيح
بلاش تعالج المشكله بمشكله اكبر
اللى انت هتعمله ده مش هتعرف نتيجته الا بعدين وكده هتتعذب فى الدنيا وفى الاخره وهتخسر اهله ويمعتك قدام الناس عشان وحده
فكر كويس وارجع عن اللى فى دماغك حرام عليك دا هروب وديانه مختلفه وفضايح وغيره
طب ليه تحط نفسك فى الموقف ده الحب وحده مش كفايه دا جواز مش لعب عيال وبعدين انتوا لسه صغيرين على التفكير ده يمكن المراهقه هى اللى عامله فيكم كده فكر بعقلك مش بقلبك وفى حاجه كمان انت لوهربت بيها ممكن ربنا يعاقبك بحاجات مش كويسه تلاقيها معاها ولو حصلك حاجه مش هتلاقى اهلك ولا اى حد يقف جمبك وساعتها تندم فى وقت لا ينفع فيه الندم
اسمع كلامى وسيبها بس عشان ما تجرحهاش وضحلها الظروف وان شاء الله طالما عملت الصح ربنا هيرزقك باللى احسن منها وطالما رضيت اهلك ربنا هيرضى عنك سلام