مشاكل الشذوذ الجنسي

هموم الدنيا عندي انا

هوا انا الصراحة مش عارف ابتدى منين ومتعودتش ان احكي مشاكلي لحد قبل كدا ايا كانت صعوبتها وبدعي ان ربنا يحلها بس بجد فاض بيا وتعبت نفسيا

انا من صغر سني من وانا عندي 9 سنين عندي مشاكل نفسية اولا انا والدي ووالدتي متجوزين صغيرين في السن هي 20 سنة وهوا 25 سنة وفي صلة

قرابة بينهم بيقوولو انهم كانو متجوزين عن حب بس دة مش ظاهرلي خالص من اول ماوعيت عالدنيا وهما في خناقات ونكد لحد ما بقا عندي 16 سنة

يعني بقالهوم 17 سنة متجوزين وبيتخانقو ويعدو بقا بالشهور متخانقين ومدايقين من بعض وتملي كنت انا الي بشيل الهم ابويا يعتبر بعيد عني فا بالتالي انا قريب من والدتي جدا جدا وبحبها جدا ودايما شايف ان هيا الي صح وان السبب في الخناقة
او الغلطان والدي وطبعا والدي بيغير وبينكد عليا انا كمان وكل شويا انا وهوا خناقات وكل ما اكبر تزيد الخناقات معاة المهم اول ما بقا عندي 12 سنة وصلت لسن البلوغ ولقيت نفسي عندي ميول للشواذ من النوع المفعول بة بس انا مش متقبل الامر ونفسيتي كانت مدمرة رغم صغر سني ومش متخيل نفسي اني اعمل حاجا زي كدا بس محاولتش اني اقول لحد لأنو مش هينفع حياتي هتدمر زيادة المهم حاولت الاقي حل علي الانترنت الي هوا ملجئي الوحيد لأايت ناس كتييير اوي زيي كدا ومش انا لوحدي بس الغريب في دة اني لقيت الناس دة متقبلة نفسها كدا وحاسا انها مش بتعمل حاجا غلط وعاملين زي الحيوانات في ممارسة الجنس اصراحا اتصدمت وقولت معقولة انا هكون في يوم من الايام كدا وبالمنظر دة دة انا والله حتا الي نفسي في بس انا عارف ان في ناس هتقرف مني بس انا نفسي في واحد احبو ويحبني دة عندي بالدنيا حد يديني حنان من اكتر والله مش عاوز حاجا تانيا ولا حتا ممارسة مقرفة زي دي لاكن شوفت المجتمع وظلمو للشواذ جنسيا ورئي الناس فينا عالنت وفي المنتديات والمودنات اكنك انسان درجة تانيا!!! علي اساس ان دة كان بمزاجي انا الحمد لله محصليش اي تحرش او اعتداء جنسي قبل كدا المهم قولت احاول اني ابعد عن الموضوع دة بس مقدرتش وبقيت بتفرج علي افلام اباحية ودخلت جروبات للشواذ جنسيا واتعرفت علي ناس كتير بس تملي كنت بتعرف عليهم شويا وفي نص المدة اهرب منهم لما حد يقولي نتقابل او حاجا زي كدا بفتكر ربنا وبخاف منو وبخاف من الفضيحة ومش عاوز اخيب ظن امي فيا عشن متقولش حتا ابني كمان حظي فية وحش طيب دلوقتي اعمل اي ببص لمستقبلي شايفو كدا كدا ضايع انا مبحبش الستات خالص
يعني مش هعرف اتجوز ولا هجيب عيال يعني هبقا محروم من اني ابقا انسان طبيعي ومحروم من اني ابقا اب ومحروم من اني اعيش محترم وكمان نهايتي عند ربنا الناااااار وملعون في الدنيا وحياتي في بيتي مع اسرتي مدمرة ومستوايا في التعليم مش كويس يعني كل حاجا في حياتي وحشا من وانا لسا صغير طيب ياترا يكون لية ربنا غضبان عليا كدا انا عملت اية ؟؟؟؟؟؟؟؟

مشاكل وحلول ذات صلة

اضيف بتاريخ: Sunday, October 8th, 2017 في 01:39

كلمات مشاكل وحلول: , , , ,

2 رد to “هموم الدنيا عندي انا”

  1. Dr-aaa
    08/10/2017 at 18:30

    ابني العزيز انت ضميرك صاحي وفيك بذرة خير وخوف من ربنا،،إوعى ياابني ثم إوعى تخلي شيطانك والنفس الضعيفة تهزمك،،الي بتفكر فيه ده عمل قوم لوط وعقابه من أشنع العقوبات في الدنيا والآخرة،،شوف النعم الي اداهالك ربنا من سمع وبصر وصحة وغيره وغيرك محروم منها ومع ذلك مافكرش يعصي ربنا بكبيرة من كبائر الذنوب زي دي،،مشكلتك انك تحطم نفسك بكلامك انك ضايع ،،لا شجع نفسك قرب من ربنا كثير،،حافظ على صلاة الجماعة بمافيها الفجر،،وأكثر من الدعاء اللهم يامقلب القلوب والأبصار ثبت قلبي على دينك،،واكثر من الاستغفار لأنه ما زاحمت طاعة معصية الا غلبتها، واتخذ صحبة صالحة من المسجد واقرأ القرآن،وشجع نفسك قل لها أنا لا يمكن أعصي ربنا لأن لو جاني الموت على معصية حاكون حطب جهنم ،،قل لنفسك أنا رجل وسأكون سند لأمي وناصح رفيق بأبي فمهما كان هو ابوك،،كن رجل البيت،،واجتهد في دراستك،،وتذكر قول رسول الله صلى الله عليه وسلم عن الله عز وحل ( أنا عند ظن عبدي بي إن خيرا فخير،،وإن شرا فشر) فإذا انت ظنيت بربنا خير وقلت أنا رجل وسأرفع رأس والداي ولن أرتكب المعاصي وسأكبر وسأتزوج وسأنحب ذرية صالحة وسأجتهد سيعطيك الله ماظننت،،لكن إن ظننت العكس بماذكرت في رسالتك من الشر فستهوي إلى الجحيم،،وتذكر أن السمعة والشرف إذا تلوثت فلن يغسلهما بحار الأرض فلا تغضب الله ولا تجعل رأس والديك في التراب،،حفظك الله من شر نفسك ومن شر الشيطان وشركه وشر رفقاء السوء

  2. ابوالبتول
    08/10/2017 at 09:56

    شوف ياابني الحبيب كل بيت فيه الكثيرمن المشاكل والخلافات بين الابوين ولايخلو بيت منها عاوزك تهتم بنفسك وبدراستك والتركيز فيها وتضع لك طموح لاجل الوصول له وتحقيقيه في هذة الحياة لاتجعل الشيطان يدمر حياتك ومستقبلك بافكاره الخبيثة اقلع فورا عن مشاهدة الافلام الاباحية فهي حرام وتغضب الخالق عزوجل وتجلب التعاسة والخسران لصاحبها وابعد عن مواقع النت ولعلاقات المحرمة واشغل اوقاتك بطاعة الله من اداء الصلاة في المسجد وقراءة القران والصوم وبر الوالدين وكثرة الاستغفار والدعاءلله عزوجل بان يصلح حالك ويوفقك ويبعد الخصام والتشاجر بين ابويك ويجعلكم اسرة سعيدة وحياتكم مستقرة وربي يصلح لك الحال ويبارك فيك ويعصمك من كيد الشيطان ورجسه ويحفظك لااهله ان شاءالله

اترك رداً أو حلاً لهذه المشكلة