المشكله اني مسافر برة وفيه فرصه وظيفه حكوميه بس بالعقد ، وطبعا انتم عارفين ان الرواتب في مصر تعبانه جدا وزوجتي مش عاوزني اسيب السفر واشتغل بمصر لاني العيشه غاليه جدا ، بس انا بفكر ان ممكن فيما بعد اتثبت والسفر ممكن يتعوض لكن الوظيفه لا، اعطيني رايك بامانه وماذا تفعل لو كنت بمكاني
مشاكل العمل
محتار بين الوظيفة الحكومية على عيوبها او السفر الى الخارج
اضيف بتاريخ: Friday, December 10th, 2010 في 05:31
كلمات مشاكل وحلول: الرواتب في مصر, السفر, السفر الى الخارج, الوظيفة الحكومية, مشاكل العمل, مصر
اخي اتفق مع كل ماقاله الاخ -مش محتار-ده هوالراي الصحيح والعقلاني اعمل به ونشاءالله تلاقي الخيروالسعادة والاستقرار في حياتك
أنت لو في صحراء جرداء هيجي رزقك أنت وعيالك لحد عندك مش بس كده لا ولحد فمك كمان ومش أي حاجة والسلام لو عايز لحمة خضار كله وأنت في الصحراء الجرداء ربنا عز وجل مش قال في حديث قدسي في ما معناه (عبدي كتبت لك رزقك فإن رضيت به وشكرت لأزيدنك وإن لم ترضى لتركضن في الدنيا ركض الوحوش لن تنال إلا ماقسمته لك)هتروح امريكاعشان 1000 جنيه زياده لما تقعد ممكن تلاقيهم في الشارع مرميين
على جنب ما قصدته أن رزقك المكتوب لن تأخذ أكثر منه أو أقل مش نصيب لا ده مكتوب عند ربك من وأنت جنين في رحم أمك مكتوب رزقك مقدارة كذا من يوم ما تتولد لحد ما تموت ومن يوم كذا هتعيش ليوم كذا وهتحصلك حادثة كذا وهتخلف كام واد وكام بت أو عقيم كله مكتوب قبل ما تاخد أول نفس أكسجين في الدنيا لما تيجي الشياطين والجن تعرف الكلام ده عنك بيجلهم شهاب يحرقهم من السما لأن كل المكتوب ف اللوح المحفوظ عند ربك في الختام نصيحة أستخر الله أولا ثم أبدأ في أجراءات السفر وفي نفس الوقت أجراءات التعيين أمشي فيها اللي هيتعرقل أدامك منهم يبقى مش مكتوبلك وعز من قائل(وعسى أن تكرهوا شيئا وهو خيرا لكم)صدق الله العظيم راحت منك فرصة السفر والشغل هنا لا تيأس من رحمة الله فرحمته وسعت كل شيء دور على غيرهم تعبت أصبر وربنا مش هيسيبك……
زي ما في فترة تجريبية في العمل الحكومي هنالك فترة تجريبية في العقد
قارن بين الوضعين
هل العقد فيه سكن وتذاكر ومدارس والتعاقد لكم سنة
اذاما عندك اولاد في المدارس ولا يوجد ما يقيدك في مصر وسنك اقل من الاربعين والعقد مغري لا تضيع فرصة الاغتراب … حسن وضعك المادي وارجع سريع
اذا عندك اولاد في المدارس والتزامات والعقد غير مغري … ثبت نفسك وبعدين سافر
وفقك الله
لا خاب من استشار
ولكن افضل من يدلك هو ان تقوم بعمل استخاره ولا يجب ان تسمع لاحد سوى لما سوف ييسرك الله له ولا تعمل الاستخاره مره واحده
يااخي مش فاهمك اكتب بوضوح اكثر وكل التفاصيل حتي يرد عليك كتير
انا بكل صراحه لو مكانك ارجع مصر فوووووووووورا واستلم الوظيفه وبجانب الوظيفه اعمل مشروع تتعايش منو انت واهل بيتك بشرط متكونش عليك ديون اما لو فعلا خالى من الديون ارجع مصر اقسملك فيها خير لا حصر له ومفيش واحد بمصر بيعتمد على الوظيفه وبس حتى لو كان بياخد 5 الالاف الا انو كل موظف وله مجال اخر غير الوظيفه وانت بتعرف ان الوظيفه بمصر ساعات معدوده وبعدها بتمارس حياتك وبيكفى انك هتكون جنب زوجتك وترعى بيتك هذا رايي وشكرا