انا حاصل على ليسانس اداب وتربية قسم لغة عربية 2003 قمت بتقديم اوراقي عن طريق المسابقة التى كانت عن طريق البريد منذ 4 سنوات وجائنى خطاب باستلام العمل فراش (عامل بوحدة الشئون الاجتماعية بقرية الحجيرات بقنا) وبعد البحث عن حلول نصحنى المسئولين بمديرية الشئون الاجتماعية بقنا بان استلم العمل بهذه الوظيفية وبعد ذلك سوف نبحث عن حل وحتى الان وانا اعمل بوظيفة عامل
فارجوا من معه حل لمشكلتي يقول لي لانى خلاص اتغلبت على امري
وحسبنا الله ونعم الوكيل
هل احنا بنفكر فى الجانب المادى الناتج من العمل ولا الجانب الادبى اللى بيتطلبه العمل
او الجانب النفسى انك تبقى شغال وخلاص شوف نفسك انت فى انهى جانب ووازن الموضوع
انا خريجة اداب علم نفس ومعايا دبلومة عامة ف التربية ملقتش شغل بتخصصى اشتغلت بصور ورق واصلح موبايلات ودلوقتى تلى سيلز عمار يا مصر
يا أستاذ يا محترم إنت أكيد أتقدمت لوظيفة عامل فى الشئون الاجتماعية بالاعدادية او بالثانوية و أكيد مش بالمؤهل العالى لانهم كانو طالبين عمال و جاى الان تلوم نفسك و زعلان… لو مش عاجباك اتركها … و بعدين انت ازاى دفعة 2003 و حتى الان لم تستلم بالتربية و التعليم لان اخر دفعة استلمت كانت 2007 و بعد كده نظام العقودات… انت كنت فين.. يا ريت تعرض مشكلتك بالتفصيل الممل على محامى نواحى ادارية
المشكله انك حتبقى ضيعت كل تعليمك –نصيحتى حاول تتنقل لوظيفه اخرى وطبعا اكيد صعب–او انك تسيب الشغلانه دى خالص واعمل زى كل الناس –عقد مميز-او بالحصه او قدم ورقك فى مكتب سفريات و كون نفسك وابقى اشترى الوظيفه اللى انت عايزها بفلوسك-لازم الواحد مهما كانت الظروف يعمل تقدير لنفسه
شوف يا أخي في الله الشغل مش عيب بس العيب انك تهين نفسك لو الدنيا قافلة معاك خلاص اشتغل الشغلانة دي بس حاول انك تجتهد وتتعلم حاجة تتخصص فيها وتحترفها وتتخذها عمل ليك حتى لو صنعه والأخت اللي بتقول الشغل ده مش عيب لو واحد اتقدملك وقالولك انه محترم وابن ناس وجامعي وشغال فراش هتوافقي ما أعتتقدش اوعى تسيب نفسك وتقول ده نصيبي ربنا يصلح الحال.
الشغل مش عيب العيب انك تعمل حاجه غلط العيب انك تشتغل شغلانه مش شريفه خليك فى وظيفتك الحاليه مع البحث عن عمل اخر حتى يوفقك الله ولا تياس من رحمه الله ولكن لا تترك وظيفتك عصفور فى اليد خير من الف على الشجرة حتى ييسر الله لك الوظيفه المناسبه
انا لله وانا اليه راجعون وعلى العموم لاتحزن فهذا حال كل الشباب
ربنا معاك وفعلا حسبنا الله ونعم الوكيل
خطيبى معاه بكالوريوس زراعة وبيشتغل استورجى
مهزلـــــــــــــــــــة