انا عندي 12 سنه بحب واحد في نفس سني ومعايا في المدرسه وبحبوا من سنه رابعه بس المشكله انوا بيحب واحده تانيه وبعد ما مشيت البنت الي بيحبها انا سالت صحابي هما لسه بيحبوا بعض قالوا لي لا وقالوالي دي فرصتك عشان تتقربي منوا في مره كدا كانت رايحه درس فجاه كدا دخلت البيت عند صحبتي عشان اخد الدرس لقيتوا فجاه اودامي وبيبصلي وقلبي قاعد يدق وهو بيبصلي طول الحصه وكل ماشوفوا في المدرسه او اشوفوا يبصلي ويجي ورايا كتير حتي صحابتي لحظت كدا واستغربت وبعد كدا لقيتوا بيتكلم مع بنات وانا كانت باكل في نفسي من الغير وهو شايفني كمان اني ببصلوا وباكل في نفسي من الغيره ويزود في الكلام معاهم وانا ميته من الغيره عليه وبد كدا مره يبصلي ويضحكلي ومره يبصلي من تحت لفوق وانا تعبت ازاي اخليه يحبني ارجوكم ساعدوني
بنتى حبيبة قلبى ركزى فى شغلك.. اولا ده مش راجل يقدر يشتغل ويصرف عليكى ده عيل مجرد طفل صغير فى ابتدائى .. وانتى لسه صغيرة اصلا لسه بدرى الكلام ده ..
مش حقولك انتي لسه صغيره وركزي ف المدرسه والكلام ده حقولك بس ان ده حب عيال … انتي بتحبي عيل كل يوم حيبقي بشكل مره حيضحكلك ومره حيكلمك ومره كانه مش شايفك وانتي كمان انتي بتحبيه النهارده السنه الجايه حتحبي غيره وهكذا ده يرجع لسنك الصغير وبما انه قدك ف الكلام عليكوا انتوا الاتنين مش تتسرعي وكبري عقلك شويه مش ده الحب اللى بجد اللى يكمل معاكي كلنا حبينا واحنا صغيرين ولما كبرنا مبقناش فكرين اصلا اللى كنا بنحبه ده 😀
طول ما انتى بتجرى وراه مش هيحبك…
حرام عليك يابنت الناس انت لسه صغيرة على الحاجات دي 12سنة وتعملي كلذا فكري في دراستك ومذاكرة دروسك وبلاش جنان وهبل بنات مراهقات ابتعدي عن الواد السافل الواطي ده نهاية واحترمي نفسك وحافظي على شرفك وخلاقك وتربيتك وعلى سمعة اهلك وكرامتهم والله يهديكي ويصلح حالكي ويسترعليكي وكل بنات المسلمين اجمع