مشاكل حب المراهقة

مرعوبة يتركني حبيبي

السلام عليكم يا جماعة انا بنت داخلة في ال 17 سنة دلوقتي .. انا كنت بنت وحشة بكل معنى الكلمة و متستغربوش لأني صغيرة و باقول وحشة بس انا فعلاااااا السنة اللي فاتت و انا داخلة على ال 16 كنت طايشة جدا , بدايتي مع الطيش دا كنت صغيرة اوووي طفلة داخلة على 14 سنة و كنت بحب ولد و ارتبطت بيه لحد ما بقيت داخلة على ال 15 يعني سنة بالظبط و كان كلامنا كله رسايل مكنتش برضى باكتر من كدة و كنا ناضجين مش عيال كنا عارفين بنقول ايه بالظبط ……. المهم حصل مشاكل و سبنا بعض و في السنة اللي بعدها ( اقل من سنة ) .. انا خرجت كمية انحراف عمري ما اتخيلها .. صاحبت ولد و اتنين و تلاتة بس طبعا دول مايتقارنوش بالولد الاول .. دا حاجة و دول كلهم حاجة .. في الاول مكنتش باوافق موبايل و خروج بس دول وافقت عادي موبايل و واحد منهم وافقت معاه خروج …….. و كل دا في اقل من سنة .. متخيلين ..؟ بعدين فقت من اللي انا فيه بعد ما لقيت هدى اللي كانت اوائل و بياخدوها قدوة بقت بالمنظر دا ؟! تبت و ندمت و عيطت كتير و حلفت ما هاكرر دا تاني .. مستوايا الدراسي اتحول من القمة للقاع ف مقدرتش الم كله بس الى حد ما بقيت كويسة و بعد فترة رجعت زي الاول بالظبط التزام و كل حاجة .. بعدين في واحد زميلي من زمان اوي بعتلي رسالة في عيد ميلادي ( و دا كان اول كلام بينا ) انا كنت عاملة اني هارد و كفاية و مش عايزة نتكلم اكتر من كدة بس هو كان دايما يسأل عني و يهتم بي و كل ما اقفل الكلام يرجع يفتحه رغم ان الولد دا معروف بتناكته ! ف لما لقيته مهتم كدة بقيت كمان بسأل عنه و بهتم بيه ومش عارفة امتى و فين لقيتني متعلقة بيه لدرجة قوية .. المهم ان بعد فترة امه ماتت الله يرحمها و وقتها انا ظهر مني تصرفات عمري ما كنت اتخيلها ! جماعة انا بقيت ام بدون ما اولد ! يا سبحانك نزل علي حنية معرفش منين ! و خلال فترة اقل من شهر على موت امه قاللي بحبك و محتاجك و عايزك و لقيتني بقوله نفس الكلام ! احنا بقالنا 5 شهور مع بعض و مفيش بيننا اي مشاكل ! حاسة بجد اني اول مرة احب .. حاسة اني عمري ما هاحب كدة ! كل اللي عندي باديهوله ! باخرج عصبيتي على الجميع علشان معاه اكون رايقة و هادية و نفسي اعوضه عن كل الم حس بيه عند فقدان امه خاصة ان هو بدون أب بردو يعني يتيم ام و اب , المهم من كل دا ! احنا تمام جدا مع بعض و لما بنزعل من بعض بنبقى زي الاطفال و شوية و بنتصالح بيحتاجني و باحتاجه و مش بنقدر .. بس الموضوع انه مايعرفش غير بحبي الاول ,, و ميعرفش اني صاحبت 3 ولاد غير اني حبيت واحد .. هو مسألنيش عن اي حاجة تخص الماضي ابدا و مش بيسألني بس هو عارف الموضوع الاول دا من نفسه .. لو عرف عمره ما هايسامحني انا نفسي اقوله و خايفة يسيبني و في نفس الوقت خايفة يسمع كلام من بره ! و لو جه سألني انا مش هاكدب و مش هانكر و هاقوله ايوة صح و بردو خايفة يسيبني ! انا مجرد ما اتخيل اني عايشة و هو مش موجود باقعد اعيط ! انا عمري ما كنت كدة واقسم بربي انا باتخيل نفسي بابوس ايده و رجله بس مايبعدش عني .. اعمل ايه ارجوكو انصحووووني

مشاكل وحلول ذات صلة

اضيف بتاريخ: Wednesday, October 4th, 2017 في 04:05

كلمات مشاكل وحلول: , , , ,

2 رد to “مرعوبة يتركني حبيبي”

  1. ميادة
    14/10/2017 at 04:11

    انتى بتقولى انو بيحبك وانتى بتحبيه طيب وانتى عندك 17سنه يعنى سن تعارف الام ان بنتها مرتبطة قوليلو يكلم مامتك فى الفون ويقولها انو بيحبك وشوفى الرد وافق كملى موافقش متكمليش لانو مش هيبقا بيحبك هيبقا بيتسلا

  2. ابوالبتول
    04/10/2017 at 20:54

    يابنتي كل تصرفاتك دي غلط في غلط وهي تصرفات فتاة مراهقة طيش وتهوروانفلات مستغرب من اهلك اينهم عنك طوال تلك الفترة الخطيرة التي تمر بها كل بنت في حياتها لقد اساءتي التصرف ولم تصون الثقة اللي عطوك اياها اهلك وجريت وراء نزواتك الشيطانية من التعرف ومصاحبة الاولادالشباب والخروج معهم والتكلم عبر الموبايل او النت ودي تصرفات محرمة وغير اخلاقية ولافيش بنت محترمة اومتربية تعمل كدا ابدا عاوزكي تقطع علاقتك بالشاب ده اوغيره من الشبان وتتقي الله عزوجل وتحافظ على شرفكي وكرامة اهلكي وسمعتهم وترجعي للاهتمام بدراستك ومستقبلك ولا تفكري في شي غيرها ولسه العمر قدامك انت بسن 17سنة وهيجيك النصيب لما تكبري شوية وربنا بيكرمك بابن الحلال الصالح اللي يستاهلك ويرضا عنه اهلك وتلاقي معه الخير والسعادة وراحةالبال والامان والاستقرار طوال عمرك ومسالة انو الولد الشاب ده يتيم الابوين وانت متمسكة بيه عشان كدا وصعبان عليك فقولك ربنا بيتولاه بواسع رعايته وماتحمليش هم كل انسان في هذة الدنيا ربنا متكفل به وبرزقه من يوم ماتولد لاخر يوم في عمره مابقولش انك لاتعطفي عليه اوتساعديه لالالا ابدا انما عامليه بالرفق والاحسان وساعديه قدر الاستطاعة وشجعيه على المذاكرة لدروسه والاجتهاد فيها وتمنى له الخير والتوفيق في حياته واياك والتمادي معه في الكلام وكثرة الجلوس او اللقاء به كلهذي امور لاتجوز بين الفتاة والشاب وربنا يصلح حالك ويسترعليك ويوفقك ويكرمك بابن الحلال اللي يستاهلك ويسعدك في حياتك

اترك رداً أو حلاً لهذه المشكلة