بحبه بس بيعاملني على ان احنا اخوات

السلام عليكم ورحمة الله وبركاته
انا عندي 15 سنة بحب واحد اخو صاحبتي وكنت كلمته يجي شهر كده بس متقطع علي 3 مرات في كل مرة كان دايما يهين كرامتي ويبهدلني بكلامه وفي الاخر اما سالته قالي بهزر في 2 مرة كلمته فيها كانت معاملته اتغيرت 180 درجة وكنت بدات احس انه بدا يحس بحاجة من ناحيتي بس مش متاكد من مشاعره لسه وانا اللي كنت باقفل الموضوع كل مرة من كتر ماكنت باتخنق من كلامه لاني مكنتش باقوله اني متضايقة وجت واحدة كانت زميلته في المدرسة كلمته وبتحبه وكده فانا روحت كلمتها علي اساس نبقي صحاب في هي مرة واحدة لقيتها بتهزء وتشتم فيا وبدانا خناق استمر لاسبوع تقريبا فا البنت دي راحت قالتله وهو راح قال لمامته
وامهاتنا عرفت المواضيع دي كلها فا بعدتني عن صاحبتي اللي هي اخته نهائيا مشكلتي دلوقتي اني غيرانة من البنت دي وحاسة انه بيحبها وانا لسه بحبه وكمان عشان بعدت عن صاحبتي بس انا مش عارفة هو بيحبها ولا لا بس باين عليه اوي والبنت دي راحت قالت لمامة الولد شوفي عملوا فيا ايه واديتلها الباسوورد بتاعها عشان تشوف الشات وهو عارف اني بحبه بس كان بيعاملني علي ان احنا اخوات واصحاب بس وصاحبتي دي كانت بتدخل علي الاكونت بتاعي كانها انا عشان تدافع عني ضد البنت
دلوقتي صاحبتي مش عايزاني وشكلي وحش جدا قودامه هو ومامته وباباه وكمان مامتي بتشك فيا ارجوكوا ساعدوني

مشاكل وحلول ذات صلة

• الشذوذ الجنسى و انجذابى للفتيات
• انا انعزالي غريب الاطوار تسيطر علي افكار سوداويه
• اهلي رافضين ارتباطنا وانا خايفة يكون بيتسلى
• حياتي اتلخبطت سنتين وانا مش قادر اشيلها من دماغي
• بيحبنى لكن هيضيع مستقبلى
• صديقتي تركتني لسبب مجهول وانا مازلت احبها
• اتصرف ازاي مع بنت بحبها ومش عايز اخدعها ولا اتسلى بيها