مشاكل عائلية

اود الانتحار لاتخلص من امى و اخى

انا شاب عندى 20 سنة المشكلة بدات معى منذ كان عندى 6 او سبع سنوات ان اخى يضربنى و بقسوة وبسبب و بدون سبب واى غلطة ليا يكبرها ويخليها مشكلة كبيرة وانى اجرمت وينزل فيا ضرب بالاقلام على وشى .والشىء دا سببلى اذى نفسى كبير فصار عندى تبول لا ارادى لمدة 3 اعدادى ولما كلمنا الدكاترة قالوا ان دا شىء نفسى وسالوا اهلى هو حد بيضربة او بيخوفه فى البيت وامى طبع هى و اخى لا احنا مبنضربهوش و لما دخلت الثانوية قررت انى ابعد عن الدنيا كلها و كل حاجة واقعد بس اذاكر وانشغل بمذكرتى عن امى و اخى بس مسبونيش فى حالى قعدوا يرخموا ويبهدلونى قدام الناس من غير سبب
وحاليا انا بقالى 3 ى سنين بعانى من اكتئاب جسيم ومحاولات انتحارية ومش عارف اتعالج وكل اما اعاتب امى تقولى يعنى هو انت مت؟ما كلنا اضربنا من اخوتنا .مع العلم ان ابى متوفى و مش عارف اعمل ايه وانا فى كليه الطب البشرى حاليا.ارجوا مساعدتى

مشاكل وحلول ذات صلة

اضيف بتاريخ: Thursday, March 5th, 2015 في 21:55

كلمات مشاكل وحلول: , ,

7 رد to “اود الانتحار لاتخلص من امى و اخى”

  1. عشان الله حصبر
    17/11/2015 at 18:48

    دا كلام صحيح استشارة لمشكله مشابهه ودا كان الرد
    فإن الله – عزَّ وجل – أعدل مِن أنْ يُوجِب على الأبناء بر آبائهم، ولا يوجب على الآباء الإحسان إِلى أبنائهم وحفظ حقوقهم! ولذلك حين عاتب أعرابيٌّ أباه قال له: “إنَّ عظيم حقكَ عليّ، لا يُذهِب صغير حقي عليك، والذي تمتُّ به إليّ أمتُّ بمثله إليك، ولستُ أزعم أنّا سواء، ولكن لا يحل لك الاعتداء.”
    مِن حقكِ – أختي الكريمة – أن تعيشي حياة ًكريمة، وأنْ تتلقي المعاملة الكريمة التي تسعدكِ وترضيكِ، فإن لم تجدي الإكرام والاحترام في بيئتك وبين أهلك، ولا تمتلكين القدرة على الانفصال عنهم مكانيًّا ففي مقدوركِ الانفصال عنهم عاطفيًّا وفكريًّا، مع المحافظة على الحد الأدنى الذي يحصل به البر، فنحن غير مجبرين على الرضا بالهوان، وتقبُّل التحطيم المعنوي، وتمني الموت باسم البر وصلة الرحم!
    الانفصال العاطفي وإخراج المسيئين والمُسمِّمين لأرواحنا من دائرة تفكيرنا – ولو كانوا آباءنا أو أمهاتنا أو إخواننا – لا يعني عقوقهم؛ لأن العقوق يحمل معنى الإساءة والقطيعة وتضييع الحقوق، بينما الانفصال العاطفي فيه تحصين للنفس المتأذية من المرض والعقد النفسية، ودفاع شرعي عن الحقوق المُضيَّعة، ومنع للظالم عن الظلم والأذى، مع العفو عنهم والصفح الجميل عن إساءاتهم المتكررة؛ فالصفح مهم جدًّا لعافيتنا النفسية وصحتنا الروحية؛ لأن مشاعر الاستياء والغضب والكراهية مدمرة للروح، ومُنهِكة للجسد، ومُبدِّدة لطاقة العقل.

    عارف اذا دهاستشاره لام وبنتها , ازاي اخوك اللي مش ابوك وماله ادنى حق انه يضربك مهما حصل

  2. عشان الله حصبر
    17/11/2015 at 18:40

    اسمع يا ابن الناس , انا تقريبا مريت بشيء مماثل لك و اعرف تماما الألم بعد الضرب المبرح و الكلام الجارح و الاسوء منه الجواب البارد الخالي من الحنان و المبررات لهذه الأفعال الخاليه من الرحمه زي انت يعني مت , عارف الغريب اني دخلت طب بشري عشان ابعد عن البيت و المشاكل دي و افضل في الدوام طول الوقت هربا من حاجات زي كده , أتمنى ما تكون زيي و انك فعلا تحب الطب عموما , بالنسبه ليك ادخل نادي تعليم فنون قتاليه عشان تنفس عن غضبك بشكل صحيح لانه مو كويس يتراكم عليك و كمان عشان معليش مهما مين كان اخوك لما يتعدى الوضع عن حقوقه ووتجبته وتصير إساءة جسديه و نفسيه فابدا مو من حقه و مكانته كاخ لا تعطيه الحق في كده , بالعربي حتتعلم كيف تدافع عن نفسك جسديا و تتصدى ضرباته حمايه ليك , وثانيا احيط نفسك بالناس الكويسين معاك ويحبوك و يحترموك و يبعدوك من السموم النفسيه و الجسديه دي , أصحاب خالات عمات لازم تلاقيلك و حتلاقي اكيد ضهر يسندك و يواسيك ممكن يكون جارك و يعاملك كانك ابنه انت اعلم بالشخص ده مثلا انا لقيت معلمه و صحبات كانوا السند لياو حقيقي انت تحتاج كده لانك لما تلاقي الاحترام والمحبه من ناس كده حتحب الحياه و تبعد فكرة الانتحار و كمان حتقدر تقوى نفسيا وتواجه الاذيه , يعني برايي أولا اتعلم فنون قتاليه حمايه لنفسك , حاول تبتعد عنهم اكتر , احيط نفسك بسند قوي و حتلاقي , روح عند اخصائي مشاكل اجتماعيه و نفسيه و ده شيء عادي وكلنا نحتاجه و حيرشدك اكتر تتعامل معاهم كيف , خد وقتك عشان تستعد لمواجهتهم بشكل سليم وصحي لانك ممكن تنفجر عليهم و يصير ضرب و أفلام (عن تجربه) , عند مواجهتهم اكتب كل مشاعرك و احساسك في ورق لانه الكلام معاهم ممكن يساء فهمه و تتم مقاطعتك خليه كله بالورق او مسج عالموبايل و قول كل احساسك و قول ازاي نفسك يكون تعاملهم معاك و امردحهم شويتين و انكم اهلي وكده عشان ما يزعلوا و يتقبلوا نصيحتك , وقولهم نفتح صفحه جديده واذا زي ما هما خلي الاخصائي الاجتماعي يكلمهم واذا ولا حاجه نفعت , سلام عليكم استخيرربنا واطلع من البيت وعيش مع صاحبك او لحالك و ابعد نفسك من السموم دي ولعلهم وقتها تصحا ضمايرهم ويستوعبوا اللي كانو بيعملوه لانهم خسروك

  3. حبى لربى مالى قلبى
    30/07/2015 at 19:47

    انت دلوقتى كبرت وعديت سن صعب جدا ومن الممكن ان تعيش حياتك وتستقرواذا لقيت نفسيتك غير قادره على تحمل مسؤلية انسانه اخرى لاتتعب بنات الناس معك بس حاول التقرب من الله وادعوه يفك كربك وكرب المسلمين وامة النبى اجمعين واذكر الله واعلم انك انت المجتاج اليه ورافق صديق يمكن يعوضك عن اى شىء وممكن اخوك يكون تعبان نفسيا وده مش عيب بس مش معنى كده انه مجنون بس هو اكيد بيخاف عليك

  4. لا تيأس
    24/06/2015 at 04:42

    اشرب ببسي , و لا تيأس

  5. أمة الله
    29/04/2015 at 21:25

    ادعواالله ان يهدى أخيك لك واستعن بالله واصبر افان الله يوفى اجر الصابرين بغير حساب وليه شايف سلبيات حياتك بس ..تذكر نعم الله عليك وقد رزقك بكلية من كليات القمم ونفسا تستطيع ان ترودها فى سبيل الله وطاعته وجسدا بيدك ان تبليه فى خدمة عبااد الله من خلال مهنتك وتعرف بالطبع فضائل ذلك
    واعتبر ان صبرك على أخيك عبادة ورزق من الله تؤجر عليها واسعى فى ترقية أخلاقك وتزكية نفسك والسعى فى طلب العلم الشرعى وحفظ كتاب الله
    لماذا تريد ان تنتحر هل استكفيت من حلاوة ولذة طاعة الله حتى تنهى حياتك بيدك !!!
    أعلم أن الامر مرير وشىء قاس أن يهينك أحد ويضرب بكرامتك عرض الحائط ولكن أعلم أن لله من ذلك حكمة فاسعى فى طاعته ورضاه حتى يصلح لك ما بينك وبين الناس ومن حولك واستعن بالله حق الاستعانة وادعوه حق الدعاء ولا تمل من دعائة 🙂
    وأسال الله ان يزيح همك ويفك كربك ويشرح صدرك وينجيك من الهم والغم

  6. شيماء
    11/03/2015 at 22:51

    اول شيئ استعن بالله وانا في راي ان اخاك يرى نفسه متحمل مسالة تربيتك ويعوض مكان الاب ولو كان عكس ذلك لكان غير مبالي بك

  7. Soooo
    06/03/2015 at 13:46

    عليك بذكر الله وقراءه القرأن وأستعن بالصبر وأنت كبرت حاول تصادق أخوك هو شايف نفسه مكان والدك وتصرفاته من كتر حسه بالمسئوليه بدء يحس بمكانه الأب

اترك رداً أو حلاً لهذه المشكلة