السلام عليكم__انا شاب 23 سنه احنا كلنا أنا واخواتى وابويا وامى عيله واحده وعايشين فى بيت واحد واخويا الكبير والوحيد متزوج وعايش معانا فى البيت هو قاعد فى الدور التانى من البيت لكن كلنا عيله واحده مع بعض فى بيت واحد ومشكلتى انى مش عارف اتعامل مع زوجة اخويا ازاى_ هى بنت خالتى وفى نفس الوقت اصبحت من ضمن افراد البيت لكن المشكله انها منذ ان تزوجها اخى ودخلت البيت من حوالى 8شهور وانا ماليش اى علاقة بيها يعنى ما بكلمهاش ولا بوجهلها اى كلام خالص كانى واحد غريب او كانى مش موجود__انا مش معقد ولا حاجه دانا بحب الهزار والفرفشه وكمان مصاحب اخواتى وابويا وامى وبتكلم معاهم وبضحك وبهزر معاهم وكمان اصحابى وكل قرايبى كويس اوى معاهم لكن اشمعنه زوجة اخويا اللى ما بكلمهاش مش عارف؟هو يادوب بقولها سلام عليكم لما اكون بره ورجعت البيت غير كده مفيش__وامى لاحظت الموضوع ده وقالتلى كده غلط لازم تتكلم معاها باى حاجه زى ما بتكلم اخواتك كده _وكمان هى قالت لاخواتى البنات انى ما بكلمهاش_ وعلى فكره هى كمان ما بتكلمنيش واللى مخلينى ما عنديش استعداد اكلمها انها دايمآ فى حالها وما بتكلمش اى حد الا اذا وجهلها كلام_انا مش عارف اتكلم معاها ازاى واقولها ايه؟وكيف تكون علاقتى بيها وعلى فكره اخويا حاليآ مسافر وهو كلمنى قبل كده وقاللى لازم تسلم عليها وتكلمها دى بنت خالتك قبل ما تكون زوجة اخوك__وانا حاولت كتير اوجهلها كلام بس مش عارف ليه مش قادر اكلمها بحس ان فيه حاجه منعانى__وعلى فكره ما كنش فيه اى علاقات ولا اى كلام معاها خالص قبل ما تتجوز هو يادوب السلام فقط لما اكون عندهم او اشوفها فى طريق وكمان ما ليش كلام مع اى بنت سواء كانت قريبتى او غيرو__هى بنت واحده اللى بكلمها اللى هيه خطيبتى وبس
اتمنى ان تنصحونى وتقولولى اعمل ايه؟والمفروض علاقتى بيها تبقى ازاى؟واكلمها اقولها ايه؟لان الجماعه فى البيت زعلانين من كده وكمان هى قالت لامها انى ما بكلمهاش طب أنا اعمل ايه؟ أنا مفيش حاجه مضايقانى منها ولا حاجه دى ممكن تكون طبيعه فيا انى ما كلمتش بنات قبل كده خالص الا خطيبتى وبس
ياريت تفيدونى بما هو اصلح لى__ وجزاكم الله كل خير
اخي الشاب اولا -اهنيك على قوة ايمانك وسمو اخلاقك الكريمة وتربيتك الفاضلة ورجاحة عقلك ثانيا-دي زوجة اخوك وبنت خالتك يعنى مثل اختك عاملها كماتعامل اخواتك البنات تكلم معها ولاتنفرمن الحديث معها او القي عليها السلام عند ما تراها واسالها عن احوالها ولاتكثر من النظرات لها او الهزار معها هي انسانة لها مشاعرواحسايس ومن العيب ان تتجاهل مشاعرها كافرد من افراد الاسرة او لاتهتم لشانها اولاتبالي بماتقول لا عاملها زي واحدة من اخواتك البنات وخاف عليها واحرص على سمعتها وكرامتها ولانك بعد فترة هتصير عم لاولادها وهي ليست غربية عنكم قبل ماتكن زوجة اخوك بنت خالتك ومن محارمك وراعي الله فيها عندما تريد الدخول استاذن وراعي حرمة مسكنها ولا تخلو بها فابتعدعن مواقع الفتنة واحذرمن الشيطان الرجيم والله يحفظك ويصلح حالك ويسترعليكم جميعا
اخي العزيز السلام عليكم ورحمةالله وبركاته بارك الله فيك من شاب ملتزم تخشى الله ولاتعصيه ماتفعله هوعين الصح واستمر عليه عشان ربنايرضى عليك ويوفقك لكل الخير مايمنع من قول السلام عليكم لزوجةاخيك بدون ماتلمسها ولاتكثر النظرلهالان النظرمن سهام ابليس الرجيم واحفظ اخاك في شرفه وعرضه سواكان موجود اوغايب ولاتسمع كلام اللي يقلك اجلس معهاوحادثهااونحوه عاملهازي اختك واياك والخلوة معهااوالسفر معهالانك لست بمحرم لها واسال الله ان يحفظك ويبارك فيك ويسعدك في حياتك
سلام عليكم
حبيت آخذ رأيكم بمشكلتي طبعا مشكلة سلايف بس أنا ليس لي أي خبرة عن غيرة السلايف المهم رأيت من الكذب والإفتراءات وتحويل إحترام حماي الذي كان يحترمني لمدة عشرة سنوات بعد زواجة ذهب الإحترام أصبحنا ألد الأعداء والعلاقات طبعا مقطوعة حوالي ثلاث سنوات طبعا تحملت الكثير من الأخطاء من الجانب الآخر فصراحة طفح الكيل وزوجها زاد الغيرة لديها بعد ما وضع الكثير المقارنات بيني وبينها وكأن يريدها هي الأحسن طبعا من حقه يريد زوجته الأحسن حتى من زوجة أخية بس هذا عرضني للكثير من الأذى والكره مرات أريد أرضي الله وخوفي من الله من القطيعة مع العلم خلال هذي القطيعة هي لديها طفلان ليس لهم علاقة بزوجي الذي هو عمهم حتي لو عبر الطفل الأكبر لا يعرف هذا عمه فأشعر بالحزن على زوجي برغم لي علاقة طيبة مع أخي و زوجته وطفلة وأختي وزوجها ونحن على خلاف الآن معهم حاولت أوسط ناس لكني أتراجع دائما لا أستطيع أخاف كرامتي تجرح بعد ما جرحوني وأفتروا علي وبين زوجي والخوف من الله ولا أريد المشاكل تعود والمقارنات والتنافس أريد أعيش في سلام أنا وزوجي وأطفالي
اما بالنسبه الى الاخت الفاضله ساندى فمشكلتك يا اختى متشابكه شويه وانا اقدر الموقف الصعب الذى تمرين به مع سلفتك كما يسمونها عندنا فى مصر ولكن احاول ان اهون عليكى ولو بعض الشئ تصورى يا اختى ان سلفتك هذه عاشت فى بيت هذه العائله قبلك كم من الوقت وزوجها مسافر وقد وجدت بعض العطف او الاهتمام من زوجك لها طوال هذه الفتر التى قبل ان تاتى انتى الى هذا المنزل وفى نفس الوقت فعله هذا انه يفسحها او يعطيها قدر من الاهتمام فسد خانه ماقد ينقصها من زوجها لكم سفره وفجأه ظهرتى انتى واخذتى هذا الاهتمام منها تماما وفى نفس الوقت زوجها غير متواجد حتى تتجه اليه ليعطيها هذا الاهتمام فهنا بدئت الغيره وهنا تسمى غيره السلفه من سلفتها وانا اوئكد لكى انها غيره طبيعيه وليس تقصد بها انك اخذتى لا سمح الله عشيقها منها او خلاف ذلك فحطى بطيخه صيفى فى بطنك ولا تغارى منها هى رده فعل طبيعيه فهى تحاول ان تستفزك مقابل انتى حرمتيها من الاشياء السالف ذكره ومع مرور الوقت هى سوف ترضى بالواقع ويا حبذا لو زوجها رجع من السفر سوف تلتهى به وتترككى انتى وزوجك فى حالكم اتمنى لكى التوفيق والصبر حتى تتخطى هذه الازمه ان شاء الله ولا تنسنى من صالح الدعاء بارك الله فيكى ولاتاخذى هذا الكلام محمل الجد على قلبك حتى لاتسببى زعل بداخلك وهذا يوثر بطبيعه الحال على الحمل او على لبن الرضاعه
السلام عليكم ورحمه الله وبركاته بالنسبخ الى الاخ صاخب المشكله فانت لست مخطئ بالعكس ولو عملت خلاف ذلك فهذا هو الخطأ ولكن كن بعض الشئ لطيف حتى هى لاتحس انك مش مرتاح لها وده ممكن يتعب نفسيتها واقصد هنا بالطف مثلا عندما تكون الاسره مجتمعه حاول تشركها معكم فى الكلام او تأخذ رأيها مثلا فى بعض الشئ لان هذا يعطيها طبع انك مش متجاهلها ويرفع من معنوياتها كزوجه اخ وبنت الخاله طالما انت تقول انك طبيعتك مع الاهل خلاف ذلك يعنى بتهزر وتتكلم معاهم فلا تنسى يا اخى انها ايضا انسانه لها احاسيس ومشاعر زى اختك وامك وخطيبتك فلا يصح منك ان تتجاهلها تماما على الاقل عاملها مثل ماتعامل اختك لانها فى مكانه اختك كن معتدل وليس متزمت حتى لاتشغل بال الاخرين وانا من طبيعتى قبل ان افعل شئ احاول ان اضع نفسى مكان الشخص الاخر يعنى تصور لو هى مثلا هزرت وضخكت مع كل الاسره وعندك انت تجاهلتك ماتفكيرك فى هذه اللحظه وانا اتركك مع نفسك تقرر فانت يجب عليك ان تعامل بمثل ماتحب ان تعامل به وبذلك ياتى عليك الليل وسوف تنام مرتاح ولاتحس بانك قد ظلمت مخلوق بهذه الطريقه واستفتى قلبك لو افتوك الناس وانا اعتقد ان قلبك يقول شئ اخر واكبر دليل على ذلك انك مش راضى على فعلك هذا وجئت هنا لتكتب المشكله تحياتى لك ولاسرتك الكريمه يا اخى الفاضل
السلام عليكم ورحمه الله وبركاته
يااخى انت كويس كده انك بتعامل ربنا وتسلم عليها فقط علشان ممكن العمليه تطور وتنجذب اليه وتخلق مشكلهعلى فكره انا اصلا عندى مشكله شبيه لمشكلتك من ساعه زواجى من زوجى ولحد دلوقتى بعانى من المشكله ديه ومش عارفه ايه الحل بجد نفس فى حل علشان انا نفسيتى تعبت من المشكله ممكن اقولها وتعرضوا على الحل علشان حاسه كل اهل زوجى ضده بسبب المشكله ديه
المشكله انى زوجه اخو زوجى اخوه هو الكبير طبعا وزوجى الوسطانى قبل ما اتزوج منه زوجى كان بيعالها كانها اختو بلظبط اما هى انجذبت اليه علشان هو حنين وبيحب الفسح مالمشى والخروج هى فالاصل من الاريف لدرجه قالت مرة انا زوجى هو احسن من زوجها علشان زوجها بطبيعيه شغله بيجى تعبان وهى مش عطيه حتى الفرصه له انه يتغير ده اللى لاحظته هى عايزة حد يحبها ويفسحه مش مهم اى حاجه المهم قبل مااتزوج زوجى كنت بحاول اتأقلم معهم حسيت فى الاول انها اختى ونبقى اصحاب ولكن ظهر عكس كده خالص بعد الزواج على حسب احساسى هى مفكرة الموضوع حيتفركش علشان حصل شويه مشاكل مع الاهل انا وزوجى اخدنا بعض بقصه حب مش حد يتخليها علشان كده خلقت مشكله بالنسبه لها زوجى كان بيدلعنى وبيفسحنى عايشين حياتنا بمعنى اصح ولكن هى مش عاشت كدة
من تانى يوم الصبيحه ابتدت المشكله هى نفسيتها تعبت وقالت لينا انى الحاجات اللى بنعملها زى الفسح بديقها اخدتها فى حضنى وصعبت على واحنا جينا على نفسينا ومردانشا نقضى اسبوع العشل مش شهر انا راضيه بقليه جات كويسه من عند مامتها شوزيه شوزيه لقيت حاجات تظهر متجاهلنى خالص لما تطلب طلب تطلبه من زوجى كانى مش فى سكت وكتمت فى قلبى لدرجه كنت حامل وسقطت من زعلى لما كانت راحيه معايا عند الدكتور مع زوجى بتقولى جوزك لما انا مرضت شالنى وراح بيا الدكتور بالله عليكم انا اعمل ايه لما تقولى كدةوانا ساقطه كل دة وفى حاجات تانيه كتيرةكل ده علشان زوجى كانت بتصعب عليه وكان بيفسحها ويخرجها وكان بيسرف عليها حتى مرة قالت لىانى خطفته منهم ديه مامته مش قالته هى اللى قالتها زوجى اقتصر عنها خالص علشان لاحظ الاهتمام بيه زاد ومش عايز يخرب البي بيكلم اخوة فقط اما هى عايزة ياكل من ايديها ويرجع زى زمان ويفسحه دا انا لما ازعل ومش بكلمها بطنشن اما هو تعمله اهتمام وتروح تشتكى حتى فى عز السقطه التانيه مش طلعت وسئلت عنى ولما هو مرض جرت علشان تسال عليه تسموه ايه وابتدى اخواته يقولله يكلمها زى الاول وهو مش عايز علشان حيحصل خرابنان بيوت السلام فقط لا غير ولو عايزة حاجه بيعملها فى صمت هى مش عايزة كدةواخر مرة لما تعبت اقعد جنبها علشان اعرف مالها مش قالت لما زوجى كلمها ردت عليه على طول وكانت مش عايزة تاكل فضلت اتحيل عليها كتير مش ردت لما جوزى طلب منها تاكل كلت على طول ده تسموه ايه حتى لدرجه قولتها انا لما دخلت البيت حصل خرابنان بسبى سكتت اعمل ايه بجد عايزة الحلبجد احنا عايشان فى مرار وانا حامل وبتعب كتير ونفسيتى بتتعب بجد كنت مش متوقعه كدة خال حتى زوها بيقول لزوجى انها زعلانه علشان زوجى مش زى الاول ومش مهتم بيها اعمل ايه معنديش غير اقول يارب وبس
الموضوع بسيط مش انت خاطب خلاص خلي خطيبتك تقرب منها وكده واتكلم معاهم لما تبقى خطيبتك معاكم انتوا التلاته عادي حتى عشان هي تحس انها مش لوحدها وانت بتكرهها ولا حاجه وبالمره هتكسب ان خطيبتك هتدخل قلبهم وتبقى من البيت ان شاء الله وربنا معاك
الموضوع سهل وبسيط ومفهوش مشاكل انت تخليلك على طبيعتك زي ما بتعامل اخواتك البنات تعاملها بالضبط لانك لوفضلت انك متكلمهاش وتعاملها بالأسلوب ده هتولد الشك من حوليك وكله هيقول ليه هي بالذات بيعامها كده اكيد في حاجه وهتسبب مشاكل كبيره وكل واحد في البيت او من أهلها هيختلق سبب بمزاجه وتعمل مشاكل واصلا مفيش اي مشكله .. فخليلك طبيعي يا ابن الناس عاملها زي اخواتك البنات بالضبط والله الموفق
السلام عليكم ورحمة الله وبركاته
ليجوز شرعآ ان تمزح معها اوتسلم عليها بالايدى لان رسولنا نهانا عن هذا وهو الحمو اى زوج الاخ والسلام
يابنى انت عامل مشكلة ليه هما كلمتين والله اللى فيهم الخير زى ما بتتكلم مع اخواتك اتكلم معاها لانها الوقت فعلا زى اختك ومتعقدش الامور وهات خطيبتك تقعد معاكوا وتكلموا كلكوا مع بعض وافتح معاها حوار وخطيبتك موجودة عشان متبقاش محرج يعنى ومتنفرش منها وكلمها عادى عشان لا قدر الله ممكن كدة تتعلق بيك من غير ما هى تحس وهقولك تانى عاملها زى اختك بالظبط معادا الهزار الزيادة واحييك على اخلاقك
من من خلال التعليقات السابقة الجميع اكد انك شخص طيب وعلى خلق ان شاء الله , ونرى ارى وصديقى ان انسب من يفيدك فى هذا الموضوع هو خطيبتك وحاول ان تدخل غالبا فى معظم العلاقة بينكم واعتبرها اختــــــــــــك بنفس المعاملة .
اقولك حاجه بما يرضى الله
خليك على طبيعتك لانك صح وما تخليش الموضوع يشغلك خالص لان المفروض كل البشر يكونو كده مش معنى ان الامور بقت سلطه اننا نمشى ورا الناس فى كل شئ
اللى يكلمك قولو ان دى طبيعتى ومش هعرف اغيرها وان ده اللى يرضى ربنا وعكسه حرام
وربنا يوفقك
انت بتعمل الصح على فكرة
لانها زوجة اخوك.. مينفعش انك تهزر وتضحك معاها لان دا ممنكن يتطور مش شرط من نحيتك لانك خاطب
لكن من نحيتها هى خصوصا ان زوجها مسافر
انت فعلا بتعمل الصح .. المفروض اللى بينكم يكون سلام مش أكتر
حتى لو اخوك موجود وكلمتها بهزار او حاجه هو اكيد هيغير
حى لو مبينش دا بس هيكون اكيد دا احساسه
ودى مش مشكلة عندك ولا حاجه
وربنا يخليلك خطيبتك ويتم زواجكم على خير.
اقولك على حاجه خلك على طبيعتك وده افضل شي انت فعلا بتعمل الصح وطالما انت بتلقى عليها السلام فده بيكفى متسمعش كلام حد لانو الى بتعملو عين العقل وكمان دى طبيعتك ازاى هتغير من طبيعتك علشان تسعد الاخرين ؟ واحمد ربنا انو ملكش علاقات ومتخليش الموضوع ده محل نقاش فى الاسره وشكرا
انت عامل مشكلة ليه؟؟؟؟؟
انت كده تماااااااااااام اوى
وليه يبقى فيه كلام اصلا غير السلام ولو محتاجة حاجة
كده احسن كتيييير صدقنى خليك على كده
“الحمو الموت”
على فكره الحاله ديت كانت معايا انا ايضا اخويا مسافر ومتزوج وسايب زوجته هنا وانا كنت مبكلمهاش بس مع الوقت بديت اقول لها سلام عليكو وبعد شويه اقولها ممكن اانا جعان انا عايز اكل ومع الوقت هتعوجد على كده والسلام عليكم
سم الله قبل الدخول واستأذن قبل الدخـول وراعي حرمة مسكنها .
ابتسم فى وجهها فهي قريبة إليك.
غض بصرك عن مفاتنها.
راعى حدود السؤال عليها حتى لاتقع فى المحظور أو انها تتعلق بشخصيتك .
والله انت لو فعلا كده مكلمتش حد غير خطيبتكك ده انت تبقى معجزه فى الزمن ده عمتنا حاول تتعمل معاها على انها اختك وفعلا هى من المحارم ليك وبتهيقلى يعنى لازم تكون على طبيعتك