لو سمحتوا أنا مشكلتي ممكن تكون طويله بس بجد انا محتاجه رأي حد يفيدني أنا بنت عندي 13سنه امي متوفيه وأبي متزوج من واحده أنا بحبها جدا وكنت يعتبرها امي واكتر وانا مقيمه عند جدتي وبروحلهم هي مخلفه 5بنات من أيام البنت الرابعه وهي بتعاملني يوم حلو ويوم وحش وحش يعني متسمعش مشاكلي تفضل حد عليا الفتره دى أنا محتاجة اشتري هدوم وكنا متفقين لما بابا يجي من السفر نشتري هدوم بابا جه واحنا قاعدين بنتكلم قالتلي فين هدومك قولتلها شحتها و سبت شويه لخواتي ال ينفعهم قالتلي والباقي مينفعهمش ليه قولتلها كبير عليهم قالتلي اهو ده ال عندنا ومش هجيب هدوم قولتلها هاخد فلوس من بابا واشتري مع خالتي قالتلي مفيش فلوس وانا ال بقول اه أو لأ قومت قايمه وأعدت مضايقه بابي جه وسلمت عليه بهدوء وقعدت معاها كانت عمتي موجوده أنا اخواتي مبيخرجوش فجيبالهم بجامات كتير وهما اصلا عندهم هدوم كتير قومت قايمه وقولت انا هروح مردتش قومت ماشيه ومن يوميها وانا مبروحلهمش بقالي أربع أيام وبعيط كل يوم بسبب فراق ماما وكمان مبكلمهاش وانا محتاجه هدوم داخليه وخايفه اقولها لحسن تحرجني ياريت كل ال يشوف المشكلة يقولي أي حاجه أنا مش عارفه اعمل ايه وكمان مبعرفش اقول لجدو وتيتا لحسن يكرهوها وهما مش ناقصين كفايه فراق ماما عليهم ياريت أي حد يعتبرني بنته ويجاوب وشكرا لأي حد هيجاوب
رحم الله والدتك وأسكنها فسيح جناته .
أختي الغالية , من وجهة نظري أن تتجهي مباشرةً لأبيكِ وتتحدثي معه على إنفراد دون معرفة من زوجة أبيكِ أو من أخوتكِ وأخبرية بأنكِ أصبحت كبيرة ولكِ متطلبات خاصة قد تحرجي إن طلبتها من زوجة أبيكِ أو من أخوتكِ أو من جدك وجدتك , وحاولي إقناعه بأن يجعل لك مصروف شهري ثابت من يده ليدكِ أنت فقط دون أن يعلم به شخص آخر , ولا يهم كم مقدار هذا المصروف الشهري بقدر أن يكفيكي لشراء حاجاتك الأساسية , وعاملي زوجة أبيكِ معاملة حسنة مهما حدث لعل الله يحدثُ بعد ذلك أمرا .
وفقكِ الله .