مشاكل عائلية

أختي تعبتني عمري ماشفت منها يوم حلو

السلام عليكم ورحمة الله وبركاته .. مشكلتي مدايقاني جدا ونفسي ألاقي الحل معاكم وده العشم فيكم 🙁

أختي أكبر مني بسنتين ومعنديش اخوات بنات غيرها بس عمري في حياتي من واحنا صغيرين اوي لحد ماكبرنا ماشفت معاها يوم او ذكرى حلوا !!
والله ما ببالغ أبدا .. كنا صغيرين وكانت لما يجولنا بنات تلمهم حواليها ومش تخليني العب معاهم وتفضل تتريق عليا عشان تدحكهم عليا
وافضل انا لوحدي اعيط وهيا ولا تسأل فيا .. كبرنا بئا وعمري ماقعدت اسبوع كامل على بعضو اتكلم معاها وعلاقتنا تمام !! بمجرد مرور يومين تعملي مشكله من لا شيء !! بتسرق حاجاتي واي حاجه غلط تشوفها عليا مش بتقولي عليها لا بتروح علطول تفضحني في العيله وتكرههم فيا !!
بتفضل تتجسس عليا وانا مع صحابي عشان نفسها تمسك عليا حاجه وبتغير مني جدا وبتدعي عليا لدرجة انها بتتمنى لي الموت 🙁
فرقت بيني وبين أعز أصحابي و أعز احبابي مش بتدي فرصه لحد انو يحبني علطول بتطفشهم وتفضل تتريق وتطلع عيوبي لكل الناس !!
الأول انا قلت انها بتغير وقربت منها وبقيت زي صاحبتها بالضبط بس هيا بتفهم كل حاجه مني مصلحه او اني عايزه منها حاجه او اني بتعامل من تحت لتحت مع اني وبنا شاهد بحبها اوي ودايما براضيها وبجيب لها هدايا وبتكلم معاها بس هيا فيه حاجه مش مضبوطه جواها بتخليها تشوفني دايما غلط وهيا دايما صح !! عمرها ماقالتلي كلمه حلوه ولا عمرها حسستني اننا اخوات انا زهقت بجد احنا بئالنا 3 شهور دلوقتي متخاصمين ومش بنكلم بعض خالص وانا مش عارفه اعمل ايه افضل متجاهلاها كدا ولا اعمل ايه ولو رجعت وعملتلي مشكله تانيه يبئا ايه اخرتها بئا ؟ ساعدوني 🙁

مشاكل وحلول ذات صلة

اضيف بتاريخ: Monday, September 18th, 2017 في 03:38

كلمات مشاكل وحلول: , ,

2 رد to “أختي تعبتني عمري ماشفت منها يوم حلو”

  1. روان
    26/09/2017 at 18:39

    حبيبتي طنشيها حريقه تحرقها كرامتك اولى لاتكلميها ولاشيئ شكلها ياانها تغار منك اويمكن مواختك من ابوك وانتي ماتدرين اويمكن اللي انتي عايشه معاهم مواهلك يمكن مربينك ومخبين عليك الحقيقه اوشكلها خايفه انك تتزوجين قبلها

  2. ابوالبتول
    19/09/2017 at 00:49

    اختي العزيزة لم تخبرينا عن اهلك الاب والام هل هما موجودان معكم ام لا وماذا عن دورهما معكما لااظن انهما راضيان بكل مايحدث بينكما من خصام وقطيعة وتشاجر دايم عاوزكي تسمعين كلامي للاخر هي اختكي الكبيرة ولها حق عليكي مهما كانت الظروف لايمكن ان تستمر تلك القطيعة والخلاف بينكما انتما اخوات من اب وام وعمر الدم مايصير ميه وحرام تظلوا متخاصمتان ومتقاطعتان ابدي انت بانهاء تلك القطيعة وبادري بالذهاب ليها والسلام عليها وبوسي راسها فهي تظل اختك الكبرى وعفاالله عماسلف واعتذري منها حتى لوكنت عارفه انك مااخطيت في حقها ولاتزعلي من اي كلام تقوله لك او يبدر منها شي كوني احسن منها واكرم منها وصدقينى ان الله عزوجل سوف يبارك فيك لانك انت من بديت بالتصالح ونيتك صادقة في انهاء ذلك الخلاف والقطيعة مع اختكي وربي بيوفقك وبترجعوا اخوات احسن من الاول والله لايحرمكما من بعض ويهدي النفوس ويصلح احوالكم ويسترعليكم ويخليكم لبعضكم

اترك رداً أو حلاً لهذه المشكلة