مشاكل عائلية

اهلي قطعوني بسبب غيرة اخواتي من جوازي

السلام عليكم ورحمة الله وبركاته

انا حكايتى غريبه بالنسبه لناس كتير وبخاف احكى لحد لا يكذبنى ومايصدقنيش لان انا نفسى مش مصدقه اللى بيحصلى
من غير مقدمات انا بنت عندى اربع اخوات بنات واخ كنت عايشه مع والدتى واختين اكبر منى مش متجوزين
ووالدى متوفى من سنين
طول عمرى وانا عايشه فى بيت كله مشاكل بسبب الاختين دول ودايما فى خناق معايا وكنت دايما بعذرهم علشان نفسيتهم بسبب كبر سنهم وتاخرهم عن الزواج حتى امى كانت شخصيتها ضعيفه جدا معاهم وكانت تخلق لهم اعذار مع انها بينها وبين نفسها مش راضيه عنهم
وكانت دايما تقول الجمله دى انها غضبانه عليهم بسبب افعلهم معاها
المهم انا مشكلتى الكبرى بداءت من سنه تقريبا
بمجرد ما اتخطبت ابتدو يعملو اى مشاكل معايا
ولى اى اسباب تافهه يخصمونى ومش يكلمونى خالص والمشكله انهم كانو لما يخصمونى كانو بيمنعو حتى امى تكلمنى خالص
كنت فى بيت اهلى غريبه
فضلت سنه طول فترة خطبتى وهما مش بيكلمونى خالص ولا حتى امى كانت بتكلمنى قصادهم تخيلو كنت لما احتاج امى فى حاجه اوصلهالها من خلال اخواتى المتجوزين ودول الحمدلله علاقتى بيهم كانت كويسه جدا
اما هما كانو دايما بيتخانقو معاهم بردو
تخيلو كنت السنه بطولها كنت بقعد فى شقة اختى المتجوزه لواحدى لان اختى مقيمه فى محافظه تانيه
وللاسف امى كانت عارفه كده وكانت هى اللى بتطلب منى انى مااقعدش فى بيتنا علشان المشاكل وكنت برجع بيتنا على النوم بس
وماكنتش بشتغل لان خطيبى ماكانش حابب شغلى وكان هو متكفل بكل مصاريفى
المهم انا داخلت ناس كتير علشان يصلحونا على بعض والكلام ده بعد 8 شهور من خصام المهم اتصالحنا بعد عذاب وهما جواهم برضو مش حلو من نحيتى بحس كتير اوى انه حقد وغيره بس اقسم لكم بالله انى ماعملت معاهم اى حاجه تستحق كل اللى كانو بيعملو فيا ولا فى حاجه تستاهل الخصام ده كله
المهم فى فترة صلحى دى كان كتب كتابى فضلنا كويسين مع بعض لمدة اسبوع واحد بس
وبعدها بدءو يتغيرو معايا بحس منهم ومن معاملتهم بكرهه شديد كانهم بيكرهونى اوى ومن غير اى سبب اقسم بالله لوحدهم كده ابات كويسه معاهم جدا جدا اصحى الصبح الاقيهم متغيرين وبيكلمونى بالعافيه
انا خطيبى ده كان اصلا مسافر والحمدلله ماكانش فى زيارات خالص الا يوم الخطوبه وبس وبعد كده كلام تليفونات وخلاص
المهم تخيلو راحو قالو لى خطيبى عنى كلام وحش فى حقى او فى حق اى بنت زى اللى كانو بيقولو للناس التانيه اللى هما قريبنا يعنى
قالو انى مش نضيفه خالص ولا بعرف اعمل اى حاجه ولا اعرف حاجه اسمها نظافه لافى البيت ولاحتى فى نفسى بس لولا ان خطيبى عرفنى كويس وشافنى كان صدقهم على موضوع نظافتى فى نفسى لكن بصراحه صدقهم على موضوع النظافه فى البيت وخلافه وكلام تانى كتير يعيب اى بنت حتى اهله مش سابوهم
راحو قالو لحماتى نفس الكلام والمصيبه الناس بتصدق ماهو لازم يصدقو مش اخواتى اللى بيحكو والمفروض انهم اقرب الناس ليا وعارفنى كويس
مع ان حتى لو فيا العبر المفروض انهم مش يعيبو فيا كده
المهم بعد اسبوعين من الصلح رجعو مش بيكلمنى تانى وطبعا امى هى كمان مش بتكلمنى وقررو انهم مش يكلمنى تانى برغم انى والله العظيم ماعملتلهم اى حاجه خالص ولا حتى لامى
والكلام ده كان قبل رمضان بشهرين فضلت فى نفس الحياة تانى اخرج الصبح وارجع البيت بالليل لا اكل ولا شرب فى البيت
ولا حتى امى بتسال فيا وحتى لو قولت هما اللى هما فى ده غيرا طيب امى لازم تمشى وراهم كده
ده اللى حصل بالفعل فضلت طول الفتره دى مش بتكلمنى حتى لما دخل علينا الشهر الكريم فضلو هما مع بعض التلاته وانا لواحدى
بيكونو هما بيفطرو وانا قاعده فى غرفتى لا اكل ولا شرب ولا حد بيسال فيا بصراحه كنت متخيله ان فى شهر رمضان ده الامور هاتختلف وهما بقا يبدءو بى اى صلح لكن للاسف سابونى مع العلم انى فى نفس الايام دى كنت بخلص اجراءات سفرى
وهما كانو عارفين انى هاسافر فى اخر رمضان لجوزى يعنى حتى لو كنت مضايقاكم اوى كده فا خلاص استحملونى الشهر اللى قاعداه معاكم
على الاقل يبقا فى نهايه كويسه لكن ماحصلش وللاسف خطيبى او جوزى بمعنى اصح اضطريت انى احكيله انهم مش بيكلمونى والسبب لانه كان دايما لما بيكلمنى كان بيلاقينى قاعده لواحدى وكان بيطلب يكلمهم او يكلم امى على مدار الاشهر دى وكنت بتهرب منه واخلق فى حجج
لدرجه انه فى مره قالى انه بداء يشك انى مش بكون فى البيت وهو بيكلمنى ودايما فى مكان تانى لانه مش بيسمع صوت اى حد بجوارى
المهم كان لازم احكى على الاقل يعذرنى شويه بنفسيتى اللى كانت دايما تعبانه بسبب الظروف اللى انا فيها
وتخيلو كمان حتى جهازى منعو امى انها تصرف مليم على جهازى على اساس انى ليا شقه فى مصر وكان المفروض انى اجهزها بس ماحدش جهزنى برغم انى ليا حقك مثلى مثل اى اخت من اللى اتجوزو قبلى لكن يوم ماقالت انها هاتجزنى عاملو لها مصيبه كبيره
وجات قالتلى مش معايا اجهزك
قولت ماشى انا كده كده مسافرا ولما ارجع يكون الوضع اختلف المهم جيت فى نصف رمضان ولاقيت ان الوقت خلاص بيجرى واهنا زى مااحنا
حاولت اكلم امى
روحت اترميت فى حضنها وبكيت وقولتلها عايزه اتكلم معاكى راحت زقتنى من حضنها بايديها ودى كانت صدمت عمرى
انها تتعامل معايا بالجفا ده
وقالتلى مش اكلمك طول ماهما مش عايزين يكلموكى وتانى يوم اتصلت على اختى المتجوزه وقالتلها انها خلاص مابقاش عندها بنت اسمها……
وانى مش بنتها طول ما الاتنين مش بيكلمونى
هى امى طول عمرها طول عمرها بتفرق بينا
ودايما كانت مهملانى جدا جدا بس بصراحه كنت بكبر دماغى وبقول عادى مش مهم وكنت بعذرها على اساس خوفها منهم
لكن انها توصل لى انها ماتسالش فيا فى الوقت اللى اى بنت بتحتاج فى امها
ده اللى كان صعب عليا اوى اوى ده حتى لو انا وحشه اوى كده فين قلب الم فين انا تعبانه اوى اوى فوق ماتتخيلو
المهم اتحدد معاد سفرى لجوزى ومالاقيت اى حد معايا
بجهز نفسى بنفسى تخيلو واحده بتتجوز لوحدها حتى ملابسى انا اللى جبتها لنفسى بعت دهبى علشان اجيب شنطة هدمى اللى هسافر بيها
ولا حد سال فيها ولا حد معايا والمفروض انى عروسه وكان نفسى افرح بجوازى زى اى بنت
لكن للاسف حصل العكس يوم جوازى كان اوى يوم سفرى كان يوم كله بكاء لحد ماوصلت لجوزى وارتحت الحمدلله ربنا عوضنى بزوج عوضنى عن كل شئ بحبه وحنيته عليا برغم انه عارف كل حاجه عنى وكنت خايفه لا يخدها ضدى لكن الحمدلله
وانا معاه حاليا من شهرين وامى مافكرتش تسال على بنتها اللى سافرت
انتظرت تكلمنى كتير ماحصلش
ولما كلمناها انا وزوجى ماكانتش بترد عليا حاولت كتير انا وهو نكلمهم ماحدش بيرد
واللى زاود ضيقتى اكتر انى عرفت انها قطعت مع اختى وزوجها اللى وصلونى للمطار علشان مجرد انه وصلونى وغلطوهم وانهم شافوهم انه غلط انهم مش كلمونى هما وعمه ليا بردو اتصلو عليها وشتموها وقلو ادبهم كتير عليها علشان هى كمان وقفت جنبى قطعوها
والمفجاءه انى عرفت انها بتقول انها بكل اللى هى عملتو فيا وانها ماعملتش بكلام ربنا لانى المفروض انى مسئوله منها وتحت رعايتها لحد ماتوصلنى لبيت زوجى فى الاخر اسمع انها بتقول انها غضبانه عليا
بكل الظلم والتفرقه والاهمال وكل حاجه وحشه عملتها معايا وفى الاخر تقول انها غضبانه كمان
ليه ليه مش كفايه شكلى قصاد جوزى ان واحده اهلى لما صدقو خلصو منى ولا حد بيسال فيا خالص خالص حتى الام الام
ولا عبرتنى ولا قامت بواجبتها قولولى ارجوكى
اعمل ايه
نفسى فى حل انها تعبانه اوى من الموضوع ده لانى مظلومه والله العظيم والله العظيم ماعملتلها اى حاجه تخاليها تغضب عليا
هل كده يبقا غضب فعلا اتحاسب عليه قصاد ربنا انا خايفه اوى
ومش بايدى اى حاجه اعملها انا فى بلد وهى فى بلد
وممكن مانشوف بعض تانى لان ماحدش ضامن الحياه من الموت والوصيله الوحيده هى التليفونات ومش بيردو عليا
قولولى اعمل ايه
عارفه انى طولت اوى عليكم بس اعذرونى

مشاكل وحلول ذات صلة

اضيف بتاريخ: Monday, November 7th, 2011 في 16:15

كلمات مشاكل وحلول: , , ,

16 رد to “اهلي قطعوني بسبب غيرة اخواتي من جوازي”

  1. الفهدالاسود
    22/03/2016 at 07:59

    اختي الفاضلة لقد قرات قصتك كاملة وتالمت وتفطر قلبي لهول ماحدث لك من ظلم وقسوة وعذاب مع امك واخواتك دول ريا وسكينة اسمحيلي اصفهم بكدا لانهم مثل ريا وسكينة مع فوارق بسيطة وهي ان اخواتك ماوصلوالى القتل مثلهما لاشك ان الحياة دي مليئة بالعجايب وفيها من البلاءوالمحن ماحد يعلمها الا الله عزوجل لاتجزعي يااختي قديكون هذا ابتلاء لك من الرحمن الرحيم لكي يمتحن ايمانك وصبرك في هذي الدنيا الفانية والمومن دائما في ابتلاء كما اخبرنا بذلك الصادق المصدوق عليه افضل وازكي الصلاة والسلام وتذكري ماحصل له عليه الصلاة والسلام وكيف عاش وهويتيم الابوين وكيف كذبه قومه واذاوه واتهموه بابشع الصفات التي لايمكن للانسان ان يتحملها وضيقوا عليه وحاصروه وارغموه على الهجرة وترك بلده واهله وبيته وبناته الى اخر ارجعي للسيرة النبوية وهتعرفي كامل التفاصيل عن معاناته ومالقيه في سبيل نشردعوة الحق حتى نصره الله عليهم واظهر دينه وعز نبيه وازهق الباطل واهله وكذلك تذكري قصة يوسف عليه السلام مع اخوته وكيف تخلصوا منه ورموه في البئر وهوصغير وزعموا عند اباءهم ان الذئب اكله وهم كاذبون وكيف نجاه الله وحماه وخلصه بان ارسل له ناس تنقذه من غياهب البئر وباعوه لعزيز مصر وكيف صارت حياته بعذذلك حتى ان الله مكنه ونصره وجعله امينا لخزائن ملك مصر وحاكما عليها الى اخر قصته عليه السلام وماذا فعل مع اخوته عندما جاءوا الى مصر لكي يبيعوا له القمح ليعشيوا هم واهليهم ولما عرفهم قابلهم بالاحسان واحسن لهم العطاء رغم كل مافعلوه به في السابق وهوصغير حتى انه سامحهم لماعرفوا انه يوسف وقال لهم اتوني انتم وابيكم اجمعين وعاشوا معه في سعادة ورغدمن العيش وعفا عنهم ونسي كلهذا ابتغاء مرضاة الله عزوجل وماوعده الله عباده المومنين الصابرين ولنا فيهم القدوة الحسنة والمثل الاعلى فمن الواجب علينا الاقتداء بهم والسير على نهجهم عليهم الصلاةوالسلام في هذي الحياة واتني الان متزوجة والله اكرمك بابن الحلال الصالح فطوبى لك وهنيالك بهذالزوج اللي نشاءالله بيعوضك عن كل مالقيتي من اهلك وبيسعدك وبيحن عليك وبيرزقك الله منه الذرية الصالحة التي تسعدي بها في حياتك ولااطلب منك مقاطعة اهلك او معاملتهم بالمثل ابدا كوني اكرم وافضل منهم وعامليهم بمايرضي الله عنك من البروالاحسان لامك والتودد لها والسؤال عنها وزياراتهم واخواتك دول تدعي لهم بالهداية والصلاح وان الله يرزقهن بالازواج الصالحين تمنى لهن الخير من قلبك قال رجل للرسول الكريم يارسول الله لي اهل واقارب اصلهم ويقطعوني واحسن اليهم ويسيون لي فقال الرسول له – ان كنت صادقا فيماتقول فكنما تسفهم المل ولايزال معك من الله ظهيرا عليهم مادمت على ذلك – وقال ايضا – من كان يومن بالله واليوم الاخر فليصل رحمه -ولك نشاءالاجروالثواب العظيم من رب العالمين على صلتهم والاحسان اليهم ومسامحتهم والصفح والتصالح معهم ودول مهما كان اهلك عمر الدم مايبقى ميه ومالك الاهم وهم مالهم الاانتي ووالله يبارك لك في زوجك ويرضى عليك الله عزوجل دام انك مومنة وصابرة ومحتسبة الاجر والثواب عنده فهوارحم الراحمين بك حتى من امك اللي ولدتك وتوكلي عليه وفوضي امرك لله والله يهديهم ويصلح احوالهم وترجعوا اسرة واحدة متحابين في الله تعمكم السعادةوالخيروالاستقرار وتعيشوا في راحةوطمانينة وسلام ولايحرمكم من بعض ويهدي النفوس ويطهر القلوب ويشرح الصدور ولايفرقكم شملكم ابدا

  2. جوري
    04/12/2013 at 23:56

    سلام عليكم.. والله قصتك تشبه بصتي.. بس انتي وضعك اصعب .. ارجو ان الله يفرج همك ويسعدك … انا اصغر من اخواتي الاثنين ولله الحمد انخطبت وكتبنا العقد… واخواتي قلبو علي وصارو يفتعلو المشاكل عشان يسبوني ويهينوني ويغلطو علي ومايكلموني .. ياما تقربت لهم واعطيتهم عشان احسسهم ان الزواج مازادني شي عنهم واني احبهم.. بس كانو يصدو عني ومايكلموني ويقاطعوني… للاسف خطيبي الي هو زوجي كان مسافر وبعيد عني ومن كثر ما تعبت نفسيتي حكيتله … يمكن يكون غلط بس تعبت كل يوم ابكي وابكي… الحمدلله ماما كويسه معايه بس برضو احسهم حزب لحال ويبعدو عني.. نفسي اروح لزوجي وارتاح.. اهلي منفصلين وحاسه بوحده قاتله .. احاول اقنع نفسي انهم مايغارو مني ولا يحسدوني بس مافي سبب مقنع إلا انهم غيرانين وحاقدين وصارو يكرهوني واشوف هالشي فكلامهم وعيونهم…عمري ماتخيلت .اخواتي يسوو فيني كذه.. حسبي الله ونعم الوكيل

  3. ابواميرة
    07/11/2013 at 21:20

    لاحول ولاقوةالابالله العظيم وحسبناالله ونعم الوكيل ماذااقول بعدكل ماسمعت يابنتي لقدطفح الكيل ويلهم من عذاب الله يوم يلقونه هدول مش اهل ولايستحقواان يكونوااهل والعياذبالله دول اناس خلت قلوبهم من الرحمةوالشفقةوالانسانية تماما ماطلبه منك بارك الله فيك ان تتركيهم واعتبريهم انهم اموات وانك مقطوعةمن شجرةوثقي بالله عزوجل وخلي اعتمادك وتوكلك عليه فهونعم المعين ونعم الوكيل بيقتص منهم وسوف يريك فيهم عجايب قدرته اذهبي مع زوجك اينماراح وعيشي حياتك معه وانسيهم للابد ولعادتتذكري ايامهم ومعاملتهم الوحشةلك خلاص الباب اللي يجيك منه الريح سده واستريح وربك لن ينساكي ابداولن يخذلك ولاحرج عليك في مقاطعتهم حتى يحسوا بعظم وفداحةمافعلوه معك ويعرفوا ان لهم بنت ظلومهاواهانوهامن غير ماتعمل لهم شي وتاكدي ان ربك ناصرك عليهم ولايرضى بالظلم لعباده المظلومين ان اجل اواعاجل الحق لازم يرجع لصاحابه وعاقبةالظلم وخيمةوانه يمهل ولايهمل وربي يسترعليك ويحميك من شرورهم وظلمهم ويسعدك مع زوجك ويوفقك في حياتك

  4. ابواميرة
    11/12/2012 at 19:26

    قطعت قلبي يابنتي وتاثرت لمشكلتك واسال الله العلي القدير ان يهدي امك وخواتك ويصلح حالهم وان يحنن قلوبهم عليك وان يبارك فيك ويعطيك على قدرنيتك وان يعوض صبرك خيرفي زوجك ويرزقكما الذرية الصالحةوان يسعدك في الدنياوالاخرة واوصيك بامك وخواتك صليهم لاتقاطعيهم مهماشفت منهم وتاكدي انك بهذا تكوني ارضيت خالقك الله عزوجل وكتبت لك في صحايف اعمالك وانت على حق والخير تلاقيه امامك وفقك الله واسعدايامك

  5. فتاة القلب الجريح
    25/08/2012 at 03:08

    انتي سويتي الى عليك وماقصرتي معهم بس سبحان الله شوفي الى عليك انك تدعي في صلاتك ان ربك يهديهم وحاولي تدقي كل شوي يمكن ترد امك واذا ردت قولي لها كلام مؤثر وقولي لها حرام نقطع صله الرحم وكذا ويارب ربي يفرج همك

  6. انا شيري
    12/04/2012 at 09:38

    والله انتي عملتي اللي عليكي وزيادة انا والله ببكي وامفروض اخواتك دول يكونو فرحنين بجوازك لكن هما مينفعش انهما يضيقو ومامتك دي امفروض بردك تسال عليكي ربنا معاكي

  7. sama
    31/03/2012 at 22:20

    ربنا يصبرك يا حبيبتي وان شاء الله ربنا يهديهم عليكي وبالنسبة لغضب والدتك معتقدش انك هتتسئلي قدام ربنا عشان انتي مئسئتيش ليها وبعدين طالما جوزك الحمد لله كويس معاكي يبقي كل حاجة تهون والحمد لله ان ربنا عوضي بزوج صالح متقي ربنا فيكي

  8. صلوا على نبينا محمد (مسلمه
    31/12/2011 at 02:14

    والله يا اختى ما فى عيله خاليه من المشاكل والمفروض ان كل شخص يتكيف مع مشكلته بصراحه انا مش مستغربه من موقف اخواتك لان ده بيحصل فى كثير من الاسر خصوصا لما البنت الصغيرة بتتجوز قبل الكبيرة بيحل بعض الغيرة بس طبعا دى مش قاعده ومش مع كل الناس لكن شفناها وسمعناها كثير لكن انا مستغربه من موقف امك المبرر الوحيد لها انها ممكن تكون متاطفه معاهم بشكل كبير على اساس انها خلاص اتطمنت عليكى لكن هما لسه وصعبانين عليها بس اكيد تصرفها غلط لكن كل واحد بيحسب ان عقله احسن عقل على العموم الحمد لله انك حتبقى زوجه وتن شاء الله ام وصدقينى النفوس مع الايام هتهدى لكن اهم شىء انك تحاول توديهم وتتصلى بيهم وتراعى نفسيتهم واضح ان موضوع عدم زواجهم مسبب ليهم حاله نفسيه رهيبه لدرجه الجنون معلش استحملى واعرفى ان اجرك عند الله وانتظرى الاجر منم الله ربنا يوفقك وبسعدك ويهديلك العاصى

  9. kota
    30/11/2011 at 23:27

    اوعى تقطعى الاتصال بيهم مهما كان الى حصل ومهما كنتى مشغوله اطمنى عليهم حتى لو من بعيد باى شكل

  10. صاحبة المشكله
    16/11/2011 at 06:03

    متشكره جدا لكل من رد عليا والله كلامكم ده هو اللى بيصبرنى وبيريحنى كتير بس ليا سؤال واحد ومهم هل كده يكون غضب بجد يعنى بكل اللى امى عملتو فيا ده هى واخواتى لها حق تغضب عليا والغضب ده ربنا يعاقبنى عليه يعنى على حق انا من وجهة نظرى ان ده على باطل وانا سالت شيخ فى دار الافتى وقال ان ده مااتسالش عليه قصاد ربنا لكن اللى اتسال عليه هو صلة الرحم وانا حاولت اصل كتير على مدار الشهرين دول وبرضو مافيش فايده وبالعكس القسوة بتذيد

  11. يارب هون علينا
    14/11/2011 at 23:00

    ربنا يارب يصبرك انا حاسه بيكى اوى والله كل ما اقرء اى كلام كتباه دموعى تنزل منى ربنا يهون عليكى والحمد الله انك سافرتى وبعدتى عنهم قولى الحمدالله ربنا عوضك بانسان كويس وبكره لما ربنا يديكى اولاد هتنسى كل ده وهتدى لاولادكم كل اللى اتحرمتى منه وهما هيكون اغلى حاجه عندك بس قولى يارب واقربى من ربنا وادعى وزوجك طعيه ولبيله كل طلباته وحفظى عليه ومتنقصهوش شئ وربنا والله هيعوضك والله خلى عندك امل فربنا وعمر ماربنا هيخزلك خالص …ربنا يصلحلك الحال والاحوال

  12. قاضى الغرام
    12/11/2011 at 01:46

    افول لصاحبة المشكله الفريده من نوعها ان مجمل مشكلتك تكمن فى عدم اهتمام والدتك الى المفروض انها تكون الام الحنونه الى مستحيل تفرق بين ابن وابن او بنت وبنت — وكل ما يعنيكى هو ان تتوددى من والدتك لاكن قبل مقول على الحل ملتقيتش فى رسالتك لا عم ولا خال بيسئل عنكو ولما كنتى تزعلى كنتى تروحى بيت اختك الى فى محافظه تانيه وتقعدى فيه لوحدك وفى رمضان بلا اكل ولا شرب — ياربى ده لو قطه واقفه وقت الفطار بيرمولها حاجه تتقوت بيها فما بال انسان — وفين الام الى ممكن يجيلها نفس للاكل وضناها جنبها بلا طعام ولا شراب — طيب مش هطول فى التحليل لاكن هقولك انتى صح فى ودادك لمامتك لاكن بدل متتصلى عليها ابعتيلها رسايل لانو احياننا الواحد نفسو يبكى لاكن عيون الناس تمنع هذا البكاء يمكن قلب مامتك يرق لما تقرا رسايلك او حد يقرالها الرسايل دى لانو واضح ان مامتك مش متعلمه — ولو خايفه اخواتك يحذفو الرسايل ابعتيها عن طريق اختك الثانيه الى مراحتش معك للمطار او ششوفى طريقه توصللها رسايلك اختها مثلا بنت اختها اى حد من العيله مره فى مره قلبها هيرق وان شاء الله هتسمعى خير بالنسبه لاخواتك بكره ربنا هيكرمهم ويتجوزو واحوالهم تتغير ويعرفو انهم اخطاو فى حقك كتير وهيكونو كويسين ان شاء الله لما يتجوزو — اما بالنسبه لزوجك فده عطاء من الله احرصى على طاعتو احرصى على راحتو احرسى على تمسكك بيه وياريت متدخليش نت كتير لان الانسان بطبعو غيور خصوصا لما يكون متزوج واخيرا سر سعاده الزوجه فى بيتها ومملكتها ومع زوجها لان البنت فى بيت اهلها تظل ضيفه حتى ياتى لها النصيب والاستقرار فى مملكتها وتذهب لتنشا بيتا سعيدا — واظن انتى دلوقتى عندك اكبر مثال عن الجفا حاولى تجعلى بيتك عكس ما كنتى تجديه فى منزل والدتك باتمنالك التوفيق وشكرا

  13. محمد صلاح
    09/11/2011 at 14:55

    السلام عليكم
    بصراحه انتى انسانه كويسه جدا وعملتى اللى عليكى واكتر بكتير كمان
    لانك سألتى عليهم واتصلتى بيهم كتير بس هما مش عايزين يكلموكى وعلى فكره مصير اخواتك ده هيكون وحش اوى ومش هيتجوزو على ما اظن ولو اتجوزو هيبقى عيشتهم كلها قرف ف قرف
    وانا لو مكانك عمرى ما هسأل عليهم ولا على امى لانها قست عليا مش بسببهم
    نفترض انها لو عاملتك كويس وكلمتك قدام اخواتك كانو هيعملولها ايه يعنى هيعلقوها المشنقه المفروض دماغ مامتك اكبر من كده والمفروض انها متسمحش بمعاملتهم ليكى لكن هى هتتسأل عن ده قدام ربنا ومش هتعرف ترد
    متستغربيش فى امهات اقسى من امك بكتير اوى انتى خلاص اتجوزتى يعنى كل اللى تهتمى بيه جوزك وبيتك ومتفكريش فى اى حد من اللى باعك وكويس ان جوزك عارف باللى كان بيحصل وفهم الموقف
    كل اللى عليكى تخليكى مع نفسك حتى لو حصل خلاف بينك وبين جوزك لازم تصلحيه لوحدك من غير تدخل من حد خالص وحافظى على جوزك كويس وهو اكيد هيحافظ عليكى جدا لانه سمع كلام وحش عنك من اخواتك ورغم ده اختارك ومبعدش عنك يعنى بيحبك وربنا سهل الطريق بينك وبينه عشان عارف انك مظلومه
    ربنا يكمل حياتك على خير ويسعدك بالذريه الصالحه

  14. طريق النجاة
    09/11/2011 at 12:11

    بسم الله الرحمن الرحيم

    كل التحية والتقدير للابنة الفاضلة صاحبة هذه المشكلة يسعدني في البداية تهنئتك بمناسبة عيدالاضحى المبارك اعاده الله عليك وعلى زوجك واهلك بكل الخير والمحبة والسلام ..

    كما يشرفني ابنتي المصونة ان اشاركك بالرأي في مضمون هذه المشكلة التي تفضلتي بعرضها علينا وقد المني كثيراً هذا العداء الذي تتعرضين اليه من اقرب الناس اليك وهم امك واخواتك وكنت كلما اقرأ سطر جديد من سطور قصتك كنت اتمنى وانا افتش بين هذه الكلمات ان اجد بصيص من الامل في انهاء هذه المشاكل العائلية .. ولكني سرعان ما اسدل الستار على قصتك دونما وجودك لحل ينهي هذه المشاكل وهذا ما جعلني اسرع بالرد عليها وكلي رجاء من الله ان احاول ان اصل بكلماتي الى عقلك الكبير وقلبك الرحيم باذن الله .

    ابنتي ..

    لقد ابعدك الله ( رحمة منه ) عن اسرتك بالسفر والعيش في بلد اخر غير بلدك لتعلمي ان الله هو وحده الرحيم والرفيق الذي يعلو سبحانه وتعالي عن كل المخلوقات التي يمكن ان نصفها بالرحيمة والرفيقة .. وقد كتب الله لك ( طريق النجاة ) بالبعد عنهم خلال هذه الفترة املاُ في ان يعود اهلك لصوابهم واعترافهم بظلمك وقهرك .. وان الله يمهل عباده الكثير من الفرص للعودة والتوبة اليه وقد جعل الله لك من خلقه من يحاول ان يكون رحيم بك بعد الله سبحانه وتعالي وهو زوجك المصون وادعوا الله ان يحفظك انت وزوجك من كل سوء ومكروه .. ولا تحزني يا ابنتي على هذا العداء الذي تكنه اسرتك لك لسبب او لاخر .. فان الله قادر ان يبدله الى فرح في اللقاء وسرور في الفراق وهناك من العبر الايمانية الكثير من الدروس التي اذا لجأ العبد الى ربه وجد فيها الكثير والكثير من طرق النجاة ففي قصة سيدنا يوسف عليه السلام فقد كتب الله على سيدنا يوسف بالبعد عن اهله وهو صغير في صباه ولحكمة من الله عز وجل في غرث الالم والندم والحزن على اخوة يوسف الذين كادو له الكيد في فراقه عن ابيهم سيدنا يعقوب عليه السلام .. الى ان جاء امر الله الذي جعل اخوة يوسف يبكون ويندمون على فراقه وعلى ما اقترفته ايديهم في ظلمهم وقسوتهم عليه .

    فاعلمي يا ابنتي المصونة ان كل ما يحدث لك ما هو الا ابتلاء من الله سبحانه وتعالي لك من جهة ولاهلك من جهة اخرى وعليك باللجوء الى الله دائماً فكلما تقربتي الى الله كان الله اقرب منك اليك وادعوا الله لاهلك بالهداية ولزوجك بالرحمة ولك بالصبر والمفغرة ..

  15. فى حد كده
    08/11/2011 at 19:59

    الله يكون فى عونك ويصبرك على مابالاكى اعملى اللى عليكى من باب رضا ربنا فقط وصلة الارحام كل فتره كده اتصلى حد رد ماشى محدش رد خلاص انت عملتى اللى عليكى وربنا يبارك ليكى فى زوجك ويعوضك عن كل ده وربنا يرزقك بزوريه صالحه ويعوضوكى هما وجوزك عن اخواتك وامك وهما اللى هيدمولك ان شاء الله واتقربى من اختك اللى وصلتك المطار واعتبرى ان دا بلا من ربنا واختبار واصبرى واهو الحمد لله ربنا مسبكيش بعتلك اختك المتزوجه توقف جنبك ورزقك بزوج كويس بس الام مهما كانت شخصيتها ضعيفه وهما اقوى منها يخلوها تعاملك كده على فكره حاولى لو جات اى فرصه ماتعمليهمش زى مابيعملوكى وادعيلهم ربنا يهديهم ويكون فى عون اللى هياخد واحده فيهم ولو اتزوجة واحده فيهم او هما الاثنين ربنا كرمهم واتزوجو قربى من مامتك شويه يمكن يكونو فعلا ماثرين فيها وبعد ما يمشو من عند امك يمكن امك ربنا يهديها عليكى وربنا يباركلك فى زوجك ان شاء الله

  16. x المواطن
    08/11/2011 at 12:36

    بسم الله اختى العزيزه ان شايف من كلامك ده انك انتى مالكيشى ذنب فى كل اللى بيحصل ده انا عارف ان البنات بتغار من بعضها خاصه فى موضوع الحطوبه والجواز وكده بس مش للدرجه دى بس هنعمل ايه اهو ده اللى حصل واكيد هما بغيرتهم وحقدهم عليكى هما اللى سسببو الجفاء اللى جالك عن طريق امك ده فجاءه واكيد ملو دماغها بكلام عليكى حتى لو صدرت منك حاجه تافهه خلوها كبيره بس هقولك ايه استحملى واصبرى والحمد لله اللى ربنا عوضك بانسان كويس فهمك وراعا ظروفك ومصير اخواتك دول يتجوزو وتهدا الامور وترجع الامور زى الاول واحسن كمان بس هي العمليه محتاجه شويه صبر فاصبرى واحتسبى الاجر عن الله

اترك رداً أو حلاً لهذه المشكلة