السلام عليكم
انا ليا خالة اصغر من ماما ب 5 سنين و انا كنت بحبها اووي بجد و بعتبرها امي بالظبط دا غير ان بنتها كمان صاحبتي اوي واكتر من اختي
بس المشكلة انها تفكيرها غريب جدا … المشكلة الاساسية انها اتخانقت هي و ماما جامد و دا العادي انها بتتخانق مع ماما و ماما بترجع تصالحها بس المرادي مش زي كل مرة
خالتي دعت على امي دعاوي صعبة اوي و على بابا و على اختي دعاوي ميدعيهاش كافر بجد كنا مصدومين و السبب كان ايه ؟؟ ان هي كانت عايزة بابا (الي هو جوز اختها) ياخد توكيل من جوزها(جوز خالتي ) و يطلقها عشان كان مسافر .. بابا مرضيش لانه اصلا كان مرجعهم ل بعض ب نفس الطريقة ف موافقش و دا رأي بابا !
هي اتقلبت بسبب الموضوع دا
المشكلة انهم قاطعوا بعض خالص داخلين ف سنة دلوقتي
انا عندي استفسار .. هو انا لو مزورتهاش و مسألتش عليها و كدة يبقا حرام عشان صلة الرحم ؟؟
مع العلم انها ساكنة جنبنا و ماما و بابا قالولي اياكي تختلطي بيها تاني .. هي واحشاني اه و عايزة اكلمها بس بضايق اما بفتكر الكلام الي قالته على ماما و بابا و اختي ..!
طبعا انتي لازم تسمعي كلمت مامتمك وبابكي بس برضوه لازم تكلمي خالتك عشان صله الرحم وتحاولي تصليحهم ببعض ولما تكلمي خالتك ممتخريش ومتخليش حد يعرف ولاحتى اختك
المفروض طبعا انك تسمعي كلام امك،ومع انها خالتك وانت بتحبيها لكن مافيش اغلي من الام والاب والدعوه عليهم صعبه جدا سيبيها للظروف وربنا يصلح الحال