مشكلتى انى عندى اخ عازب على علاقة بست متزوجة وانا عارفة عنهم كل شىء وعارفة انهم عملوا علاقة غيرشرعية مع بعض مع العلم انى عارفة جوزها نصحتها مرةواحدة وحاولت افرق بنهم لكنى فشلت وبقيت انا اللى بدارى عليهم وكمان بقيت رسول بنهم وكمان اوقات كانو بيتقابلو عندى فى شقتى من ورا جوزى وانا كنت عارفة كل دة وبسكت وكل مرة بيتقابلو فيها بكون عارفة وبدارى عليهم .. وانا من حوالى شهر قولت لاخويا لو مابعدتش عنها هقول لجوزها قالى لوعملتى كدة لا انتى اختى ولا اعرفك لانه بيحبها اوى وعنده امل انها تتطلق من جوزها وتتجوزوا انا بجد تعبت مش عارفة اعمل ايه؟؟ اخسر اخويا واقول لجوزها ولا اسكت؟؟ارجوكم دلونى
مشاكل عائلية
خايفة اخسر اخويا من علاقته بست متزوجة
اضيف بتاريخ: Friday, April 19th, 2013 في 23:57
كلمات مشاكل وحلول: الخيانة الزوجية, زوج, زوجة
في واحد صاحبنا حصل معه نفس قصتك دي بالضبط وهي انه كان متزوج وكان مشغول في العمل ماياتي البيت الا في ساعات متاخرة من الليل ومراته دي كان لها اخ اصغر منها وهو شاب فاسق وبتاع بنات فكان يجيب البنات على بيت اخته وهي راضية بالوضع ده وخايفة انها تخسره وكان يضحك عليها بشراء الهدايا الثمينة لها اواعطاها فلوس عشان تسكت عليه وترضى عن كل اللي بعمله وفي مرة حصلت مشكلة بينه وبين احدى البنات اللي يجيبهم فقام الشاب وتهور وضرب البنت بعنف ووحشية حتى ماتت البنت وسمعوالجيران بصياح والمشكلة وجوا وشافوا البنت مضجة بدمائها ومقتولة وبلغوا الشرطة وجاووا وحضر الزوج ولما شاف البنت الغريبة قال لزوجته من دي فزوجته قالت وحدة قريبتنا وايه اللي عمل فيها كدا الشرطة حققوا مع الولد ومه اخته واعترفوا بالحقيقة والزوج قال انا معرفش البنت دي ولاعمري شفتها وقبضوا على الشاب واخته بتهمة القتل وممارسة الدعارة في بيت الزوجية وقرر الزوج فورا تطليقها بعدما عرف انه كان مخدوع فيها طوال المدة دي وانها كانت تسهل لاخوها الفاجر الحقير ممارسة الدعارة في بيته اتمنى انك تستوعب الدرس وتاخذي العبرة من اللي حصل فالحياة ملئبة بالدروس والعبر لمن اراد ان يتعظ اويعتبر حتى لاتلاقي نفس هذالمصير
انت مشاركة لهم في الاثم والفاحشة لانك تسهل عليهم اللقاء المحرم وتداري عليهم ويكون كلهذا يحصل في بيتك ازاي توافقي على الشي ده وانت عارفة مليون مرة انه حرام وزنا ومن الكبائر التى نهانا الله عنها وتوعد من يفعلها بالخلود في نارجهنم اعوذبالله منك تستاهلي انو زوجكي يطلقك لوعرف لانك جعلت من بيته وكرا للفجور ودعارة اخوك السافل مع تلك الفاجرة العاهرة غشيقته اول حاجة تعمليها علشان ترضي ربنا عزوجل تتوبي اليه وتستغفريه وتطهري بيتك من هالفاحشة والفجور والمعاصي وتطردي اخوكي السافل الحقير هووالكلبة اللي معاه وتبلغي عنهم ولاتخبري زوجك لانه لوعرف ممكن يطلقك او يطعن في شرفك وتخربي بيتك لاجل اخوكي الساقط الفاجر ماينفعش مع اخوكي النصح اوالكلام الطيب لانه خلاص الشيطان متمكن منه والمراة افسدت دينه وعقله الواجب يحتم عليكي اخبار زوج تلك المراة بكل ماتفعله زوجته من خيانة زوجية له وخلي اخوكي يغور في ستين داهية لانه شخص بلادين ولاخلاق ولاتربية ويجلب لكم العاروالفضيحة ولازم يتادب وينال جزاءه الرادع حتى يعرف ان الله حق ويرجع عن الحرام ويقلع عنه فورا ويتصلح حاله والهداية بيدالله عزوجل انك لاتهدي من احببت ولكن الله يهدي من يشاء
انتي مش هتخسري اخوكي انتي هتخسري دينك مايزعل ولايضرب راسه في الحيط بتساعدي علي الفجور وهو لو عنده نخوه وغيره عليكي مش هيطلب منك كدا يمارسوا الجنس عندك او بمعرفتك مش هتفرق خوفيها وقولي لها هقول لزوجك وذكريهم بعذاب الله ازاي يفسد حياة راجل مع مراته ويجوزها مافكرشي انها بعد ماتتطلق وتزوجه فرضا انها ممكن تخونه وتعمل كدا مع الف شخص غيره وانتي مشتركه معاهم في الاثم شدي عليه وارجعيه عن غلطه وهيزعل شويه ويرجع
انتى كده بتاخدى نفس الذنب بتاعهم لأنك بتسهلى الموضوع لهم و بتستضيفيهم عندك فى البيت .. انا مش عارف ازاى واحد يجيب واحدة صايعة لبيت اخته و ينام معاها و اخته بره .. ايه الناس دى !!!!!!
الاخت العزيزة اخبرى زوجك و لكن بشكل تدريجى و تشاورى معه فى الامر