مشاكل الخطوبة

فترة الخطوبة كلها مشاكل من عصبية ودكتاتورية خطيبي

السلام عليكم

انا وخطيبى مخطوبين عن حب كنا بنحب بعض قبل الخطوبة وهو قريبى بس المشكله انه ديكتاتورى اوى فى اوامره وطلباته مش ديموقراطى خالص يعنى مش فى نقاش عنده اطلاقا لو حاولت اتناقش معاه فى شئ يسميه مأوحه وجدال وعلى طول شايف انى مش من حقى ازعل من اى شئ يعمله لو زعلت من شئ هو عمله ودايقنى يبقى انا قماصه يعنى هو عايزنى الغى شخصيتى نهائى وامشى على شخصيته هو ورأيه هو وكمان بيغير عليا بطريقه وحشة وبيحبنى حب غريب لدرجه ان انا لو خرجت يومين مع اهلى يزعل اوى ويقولى خرجتى يومين ورا بعض ليه لدرجه ان اخويا كان رايح يشوف عروسه ليه ورحت معاه زعل جدا وقالى ازاى تروحى مع اخوكى عايز يعزلنى عن الناس  وعن اصحابى وعن اهلى  ومع طده مش بيجيلى غير كل فين وفين ومش ليا وقت معين يجيلى فيه زى اى اتنين مخطوبين وغير كده عصبى اوى اوى مش عارفه اتعامل مع العصبية بتاعته ازاى لدرجه اننا لو فى بنا مشكله وبيكلمنى على الفون اهله بيسمعو كا كلمه بيقولهالى وزعيقه معايا ومنظرى قدامهم بقى مش حلو خالص لدرجة انهم قالولى مش تخليه يزعقلك كده والله ماعرفه اتصرف معاه ازاى وماما رأيها انى اسيبه بس انا مع كل ده مقدرش اسيبه وده الى تعبنى جدا لانى بحبه جدا جدا  ومش متخيله حياتى من غيره  مش عارفه اعمل ايه نفسيتى تعبانه كتير.

انا اسفه كتير علشان طولت عليكم

مشاكل وحلول ذات صلة

اضيف بتاريخ: Saturday, December 11th, 2010 في 06:32

كلمات مشاكل وحلول: , , , , ,

10 رد to “فترة الخطوبة كلها مشاكل من عصبية ودكتاتورية خطيبي”

  1. إسلام
    14/12/2010 at 01:15

    شوفى يا أختى لن أقول لكى سوى حديث النبى صلى الله عليه وآله : فى حق فاطمه بنت قيس الفهرية عندما تقدم لها إثنان لخطبتها فقال لها النبى صلى الله عليه وآله فى حق أحدهما : وأما أبا الجهم فلا يضع العصا عن عاتقه أى يضرب بعصاه ضربا كثيرا لدرجة أنه لا يضع هذا العصا جانبا ( بالبلدى عصايته شغاله على طول)
    أخيرا إنتى صاحبة القرار وانا من رأى والدتك

  2. صاحبة المشكله
    12/12/2010 at 15:21

    اشكركم جدا على نصائحكم وححاول انفذها بس انا عندى مشكله انا بطبيعتى مش بعرف اتكلم يعنى ابقى زعلانه اوى اوى من شئ ميجى يكلمنى وابقى محضره كلام كتير اوى علشان اقوله ومقولش اى شئ فيه اتخرس حاولت كتير اتغلب على الشئ ده معرفتش وحتى لو اتكلمت معاه وجه اتنرفز على كلمه قلتها بعديها بسكت خالص ومش بنطق والحكايه دى تعبانى اوى وكمان هو عصبى لدرجه ان انا مش بعرف اتفاهم معاه عنده اه اه ولا لا مفيش كلام والحكايه دى تعبانى نفسى يحترم رغباتى نفسى يتنازل مرة فى شئ علشانى زى ما انا بتنازل كتير علشانه بس ده مش بيحصل هو بيحبنى بطريقته الخاصه ومش عايز يحاول يحبنى بطريقتى انا ولو مرة واحده
    انا اسفه انى اطلت عليكم
    وجزاكم ربى عنى خيرا .

  3. soso
    12/12/2010 at 11:56

    اولا هو بيحبك بس علي ما اظن ان الدور الكبير علينا احنا لازم تفهميه واكيد ليه نقطة ضعف واكيد هو حبه ليكي حاولي افهميه وامتصي غضبه وقربي منه قدريتي تقربي منه وتتفقوا مع بعض علي مبادئ اساسيه تتبعوها في حياتكم اوك لكن لو ماحصلش ده يبقي لازم تسيبوا بعض لان الجواز غير كده خالص واكبر من تفاهات الخطوبه وربنا يوفقك …………

  4. gogo
    12/12/2010 at 11:02

    اتكلمي معاه بهدوء وقوليلوا احنا لازم نتناقش ونخد براي بعض ولازم تكون في ديموقراطيه عشان يبقي في بنا توافق وبالنسبه لخروجي مع اهلي انا مقدرش اقولهم لا لان انا في حكمهم ولازم اسمع كلامهم زي مانا لما ابقي مراتك وفي بيتك وفي حكمك هفضل ان اسمع كلامك عن كلام اهلي يعني لوهما قالولي شمال وانت قلت يمين هروح يمين عشان لازم اسمع كلامك ومزعلكش مني وعشان بحبك كمان بس اهم حاجه لما تيجي تقوليلوا الكلام ده قوليه بنفس الصيغه وبطريقه رقيقه وبهدوء لان الرجاله عامله زي الاطفال عاوزين المداديه داديه عشان تكسبيه بس اوعي تخسريه عشان صعب اوي ف الزمن ده تلاقي حد يحبك وتحبيه وكلميه بهدوء وبراحه

  5. gogo
    12/12/2010 at 10:34

    علي فكره انا مقصدش بكلامي ده انك تسيبيه دلوقتي حالا لا بس انتي اتكلمي معاه وقوليلو الحياه مابينا لازم يبقي فيها ديموقراطيه ولا تاخد برأيي وانا اخد برأيك عشان نقدر نفهم بعض واهم حاجه لازم تتكلمي معاه براحه وبلاطافه وقوليلو بالنسبه لخروجاتي مع اهلي انا مش بايدي اقولهم لا لان انا دلوقتي في حكمهم ولازم اسمع كلامهم زي مانا لما ابقي مراتك وفي بيتك وفي حكمك اكيد هسمع كلامك انت عن كلا اهلي يعني لوهما قالولي شمال وانت قولت يمين اكيد هروح يمين ولازم علي فكره تجيبهالوا بالطريقه دي لان اي طريقه تانيه غيردي هتعصبوا واسال مجرب وحاولي تتفاهمي معاه واهم حاجه براحه وبهدوء ومن غير تعصب وربنا يوفقك ويهديهولك ويهديكي ليه

  6. gogo
    12/12/2010 at 10:26

    fبصي هو ممكن يكون مريض نفسيا يعني ممكن يكون عنده مرض الانا انا اختي كانت مخطوبه لواحد زي ده بالضبط يعني عارفه لما كانت تاخداي طفله في العيله معاها ف اي مشوار وهو شافها ف الشارع بالصدفه كان يعمل مشكله او لوكانت تلاعب اي طفل وهو قاعد يالهوي دي كانت تبقي مصيبه ولو كلمت اي حد من ولادخالتي اللي هما اصلا اخواتها في الرضاعه دي كانت بقي تبقي مصيبتين ثلاثه كمان قولي عارفه كان بيعمل ايه في المواقف دي كان بيطلب شبكته ويسيبها ويرجعلها وفضل يسيبها ويرجعلها لحد ماهي مستحملتش وهي اللي سابته ومرضتش ترجعله لانها كانت كرهته خلاص ودلوقتي اتجوزت وبنا رزقها بجني والحمد لله

  7. ♣♥♣ فارس ♣♥♣
    12/12/2010 at 00:03

    هو ده الشي الطبيعى انو الراجل يغار على حبو انتى المفروض تفخرى بكده ثم انو فعلا واضح انو انتى مش حكيمه يعنى البنت الحكيمه الى بتمتص غضب حبيبها وتقلب الغضب ده لاحساس رومانسى يخليه يتراجع عن اسلوبو ثم الراجل الدكتاتورى احسن من الراجل ابن امو تعرفى والله ربنا بيحبك واحمدى ربنا على حبو الى انتى نفسك بتشهدى بيه ربنا يوفقكو بس باترجاكى تغيرى من طباعك شويه يمكن تكونى غلط وشكرا

  8. hatem
    11/12/2010 at 17:58

    بصراحة انتى قطعطى فروة الراجل ومعدش لاقى حاجة حلوة فية الواحد ممكن يشفعلة بيها ولكن هقلك من الواضح انة بيحبك جدا وانة بيغير عليكى بطريقة بتخليكى مديقة منها ( وعلقى فكرة انا كنت بغير على خطيبتى جدا بس بعد شوية حسيت انها بتتدايق من الغيرةالكتير دى والمهم جلست مع نفسى وبدأت اتحكم فى نفسى والحمد لله اتخلصت من الموضوع دة والفضل كان راجع لها مش ليا وانتى المفروض تستغلى حبة ليكى وتخلية يتحكم فى نفسة شوية وانتى تتكلمى معاه بالمنطق وطريقة حوار كويسة تكون قريبة من شخصيتة وان شاء الله ربنا يوفقكم وتعيشوا سعداء .

  9. ا/نهله طلعت
    11/12/2010 at 13:45

    اطلبى انك تاعدى معاه واتكلمى فى كل اللى انتى قولتى دا قوليلو احنا المفروض يكون بينا اسلوب ارقى من كده من غير زعيق ولا خناق علشان محدش ياخد عننا فكره مش حلوه ولازم يكون ليكى كلمه وشخصيه لان فعلا لو سكتى هتكونى بعد كده مالكيش اى لزمه بالنسبه لى وفكرى كويس والراجل بيتغير بعد الجواز ام هو كده دلوقتى لما تكونى معاه هيحصل ايه وربنا يبين الخير ان شاء الله (نهله طلعت)

  10. النبيل شارل
    11/12/2010 at 11:05

    يا بنت الكرام لازم تفكري قبل الزواج انتي راح تعيشي وياه عمر مش يوم ولا يومين انا ما اقصد اني اخرب عليكي بس الحياة وااحدة لازم نعيشها مبسوطين مع اللي نحب تذكري الحياة واحدة ما فيها بروفه فلا زم نعيشا مستانسين

اترك رداً أو حلاً لهذه المشكلة