دائما في مشاكل مع زوجي يحلف يمين طلاق متزوجة منذ عامين ووقع لع 2يمين طلاق ويجد لدينا طفلة عمرها عام ونصف ويضربنى وخلقة بنته مش عجباه بالرغم من انها عسولة ويهين وادى ووالدتى واخواتى ويضربنى ولا يصرف عليا بقرش بالرغم من انه مريض بمرض السكر ويجيله غيبوبة كتير وانا بكون بجواره الا بعد مايفوق من الغيبوبة بيسب الدين عليا ومش بيصلى ولا يصوم رمضان الا ايام قليلة منه وشتايم واهانات كتير وصوت عالى يسمع الجيران والفاظ قبيحة لا يقبلها اى مسلم دا غير انه بيضرب البنت وهى عمرها 40بوم ضرب جامد ودايما يعيب على شكلها روحى ياام شكل وحش يام ودان ويدعى عليها وحالف عليا يمين مااروح بيت والدى ولا اشوفهم الا بمزاجة هو ووادى حاليا مريض ووالدى حاسس انى فيا حاجة وانى مش سعيدة معاه بس انا بخبى عنه واقوله سعيدة علشان بنتى تتربى بين امها وابوها وروحت كام مرة بيتنا غضبانة ويقول انه هيكون كويس بس العكس كل مرة يزيد سوء ولا اى حد عارف يوقفه عند حده من اهله وبيحكى لهم غلط وبيصدقوه مش عامل حسابه انه له بنت وكما تدين تدان وان فيه رب العباد هيحسبه يوم الممات على كل كلامة الغلط دا وانه مبيقلشى حق الله عليه اعمل ايه دبرونى ارجوووووووووووووكم
مشاكل الازواج
مشاكل مع زوجى دائمة اعمل ايه
اضيف بتاريخ: Sunday, October 16th, 2011 في 11:44
كلمات مشاكل وحلول: الطلاق, بنت, متزوجة, مشاكل الازواج
يااختي كان الله في عونك وعوض صبرك خير الرجل هذالايصلي ولايعرف الله ايش تامل منو انقذي روحك وبنتك من شره واطلبي الطلاق فورا والحق معك والله لن يضيعك سيكرمك برجل صالح يخاف الله فيك ويكون نعم الزوج لك
اخت الفاضلة — الحياة خد وهات حاولى تكونى الصدر الحنين لزوجك وشوفى اية اللى بيريحو واعملية طالما بعيدة عن معصية اللةحاولى تغيرية الراجل السوى لا يحب ان تكون حياتة مليئة بألمشاكل حاولى جاهدة ان تمتصى غضبة وما ترديش علية كلمة بكلمة (ربنا يهدى الجميع
سبحان الله….الصبر مفتاح الفرج ولكن لو في عمل شريف امامك محترم اعملي فيه واطلاقي من هذا الرجل المريض النفسي ولا تفكري في الخلفة من هذا الراجل لو كملتي معه (والله الموافق)
اقدر اقول انو فيه شيطان فى المنزل عشان تتحل هذه المشاكل لابد من الصلاه وصبرك لكى جزاء عند الله الجنه
هحكيلك على قصه حقيقيه والله عشتها مع جارتى اوكى كان جوزها بيشتغل مع العرب وبيجبلهم بنات وبيسكر وبيحشش وبيبرشم بصى مش ساب حاجه حته والله الشم غير لما عمل ده غير انو كان بيجيب اصحابه يشربو فى البيت وكان يطلب منها تخدمهم مع الرغم من انها منكبه ومكنش عندها اولاد وخلفت ومش خلفت غير بعد خمس سنين جواز فى مرار المهم بنتها بقت فى اوله ثانوى كانت البنت تيجى كل يوم المدرسه تحكيلى على البوها عملو فيهم وكنت ديما اطلب من امها وقولها ايه المصبرك كل السنين دى وهى كانت ديما تقولى ربنا موجود كشفت الست على الراجل مش بساهل ومكنتش بفهم كلامها وكانت طول الوقت بتستغفر وبرغم كل المشاكل الكانت فيها مكنتش بتسيب حد فضيقه وكانت بتتقى الله فى كل حاجه مش ادره احكيلك لحد ما والله قدام عينى ويشا ربنا انو يجى من شغله فيوم وحنا بناخد الدرس دخل علينا ساكت ومره واحده انهار من العياط وبقا عمال يرمى من الشباك ازايز الخمره الكان جيبها بفلوس اد كده والله رما كل ده ومن يوميها كل يوم الفجر بيصليه حاضر والسعاده دخلت البيت علشانها صبرت وتحملت ابتلا ربنا دلوقتى انا اتمنا جوزى يكون زى الانسان ده بعد ماكن ميتعشرش ادعى ربنا من اجل بنتك وتحملى وصبرى قولى يارب انا اسفه طولت عليكى ياحبيبتى ربنا معاكى
حبيبتى انا ماعرفش حل وسط لو هو بالاخلاق دى ليه تكملى معاه ربنا احل الطلاق يبقى ليه احنا بنحرمه على نفسنا وهاتقوليلى بنتك هاقولك حاجة واحدة بنتك اول واحدة لما تكبر هاتتاثر لانها مش هاتعيش عيشة سوية بسبب المشاكل الى شيفاها قدامها وممكن يوصل بيها الحال لانها تكرهكم كان لى صديقة عانت كتير اوى من مشاكل باباها ومامتها عارفة لما كبرت قالت ايه قالت انا كان نفسى اطلع الاقيهم ميتين او مطلقين كنت هابقى اسعد واحدة فى الدنيا ماتخليش بنتك تعيش المعاناة دى ده سئ الخلق ومش عنده دين وبخيل ده المراة تتطلق لبخل زوجها وانتى شوفتى كام عيب فيع ازاىتقدرى تعاشريه وتعيشى معاه وعاوزة الفت نظرك لشئ انه عيشتك معاه ممكن تكون حرام لانه سباب بالدين يعنى ممكن يكون مش على الدين والله اعلم ربنا يصلحلك الحال وينجيكى من الى انتى فيه ويهديكى ويخلف عليكى خيرا منه اللهم امين
صباح الخير معلش طولى بالك على زوجكك ولمى بيتك بلاش تهدميه ولا تفكرى فى طلاق ولا شئ طولى بالك وربنا معاك انشاء الله يوفقك ويهديهولك يارب الحياة الزوجيه ما بتخلى من المشاكل ولاكن علينا بالصبر وطوله البال لان زوجكك منك ووانتى منه يمكن عنده مشكله داخليه ضغطاه شويه او حاجه مزعلاه حاولى تقربى منه وتشاركيه تفكيره ومشاكله الداخليه بتحمل منك وطيبه قلبك ليه وربنا يوفقك ويوفق الجميع يارب ويهدى الكل / المحامى
مش عارف اقولك اية لكن انا كنت اعرف شخص كدة بردة وزوجتة مهما عملت معاه مفيش فايدة طبعا ابغض الحلال عند الله الطلاق لكنة مازال حلال واحيانا يكون الافضل للاطفال انفصال الاب والام لان تربية بنتك فى الظروف دى ووسط السب والاهانات واب لايصلى وكمان لما تكبر شوية هاتشوف الاهانات والضرب اللى بيوجة ليكى واكيد هايحصل لبنتك زى اللى بيحصلك معتقدش انك تحبى بنتك تتربى فى جو زى دة انا مش عايز اشجعك على الانفصال بس حاولى معاه لاقصى درجة لكن لو مفيش فايدة فالانفصال مازال حل طالما محدش قادر عليه لا من اهلة او من اهلك.
بعد ده كله وعايزة تعيشي معاه ليه ده مفيش اي ميزة وبنتك اكرملها تعيش عند بيت جدها احسن من الاب ده اعتقد تطلبي الطلاق احسن ده الطلاق احسن من انك تكوني مراة واحد زي ده
اختى العزيزه انتى موضوعك جد محزن لاكن على قدر الحزن الا ان ربنا سبحانه وتعالى بيختبرك وبيختبرك ايمانك وقدرة تحملك على الصعاب انتى قلتى فى رسالتك ان زوجك مريض بالسكر ودايما بتجيلو غيبوبه ما احوج المريض الى قلب رحيم الى صدر حنون الى زوجه تكون زوجه وام واب وابن وحكيمه مفيش انسان بالكون بيختار السعاده بنفسو كلنا نعرف ان مريض السكر بينفعل بسرعه لانو كل يوم يفقد الامل فى انو يعيش هو فاقد الثقه فى نفسو وفى كل الى حولو ولا حول له ولا قوه ربنا سبحانه وتعالى عفاكى من المرض وابتلاكى بزوج مريض انهو فيهم اشد عذاب اكيد المريض انا شايف انك انسانه متزنه وعقلانيه بكل المقاييس وبتخافى من ربنا اوى اما تصبرى وتحتسبى وده جزائو عند الله عظيم كلنا بنامل رضا الله كلنا بنرجو رضا الله لما قلتى انا محبش ادخل اهلى بينى وبين زوجك بكل امانه انحنيتلك اعجاب بتصرفاتك الله عليكى الله عليكى بجد انا عارف ان كل انسان له مقدره على التحمل مفيش انسانه تحملت مرض زوجها قد ما تحملت زوجه ايوب عليه السلام انا مبشبهش زوجك بايوب حاش الله خاش لله حاش لله لاكن انا باتكلم عن درجات الصبر هقولك حاجه واحده بس من كتاب الله قال تعالى ان كنتن تردن الحياه الدنيا وزينتها فتعالين امتعكن واسرحكن سراحا جميلا اتمنى انو انتى بنفسك الى تكملى الايه وصدق الله العظيم فى قوله اما بالنسبه لكذب زوجك وانو يقول لاهلو كلام غير الحقيقه لازم تواجهو اهلو انتو الاتنين وتثبتى قدامو وقدام اهلو انك بتتحملى كتير وانك بريئه من كل الاتهامات الى يقولهالهم عليكى مواجه صريحه يكون موجود فيها الزوج واهلو وبعد كده عامليه بالحسنى لما يغلط فيكى حاولى تاخديه على صدرك وتحسسيه انو طفل صغير هو محتاج للرعايه والحنان والله العظيم اصعب شي على الانسان هو المرض ربنا يعفينا واياكى منو بيكفى انو محروم من حاجات كتير متجيش انتى كمان وتحرميه من حنانك وعطفك ورعايتك له الى ان يقضى الله امرا كان مفعولا–الى ان يقضى الله امرا كان مفعولا — الى ان يقضى الله امرا كان مفعولا وشكرا
سيبيه مقدرش اقول غير كده
كلامك وجعني أوي
ده مستحيل يكون انسان طبيعي
حاولى تفهمى كلامى . هو اكيد عنده مشكله هى الى موصلاه للدرجة دى من العصبية ده غير طبعا درجة كويسه اوى من الغباء على العموم ده افضل حل ليه تجنبه تمام خليكى دايما في حالك و اعملى كل واجباتك الزوجية و اتركيه يشعر شويه انه مش لاقى حاجه يعمل عليها مشكله . مهما قال من تعليقات ماترديش يمكن يتكسف على دمه و يمكن انتى دايما تردى عليه و هو ده الى هو بيبقي عاوزه . ارجوكى جربى تعملى كده صدقينى الامور هتهدى كتير عن الاول و يمكن يحس بغلتطة .