انا مشكلتى انى كتومة يعنى بكتم ف نفسى اى حاجة ازعل منها لو حد زعلنى بكلمة او زعلت من موقف بكتم ف نفسى ومش بقول لحد وبقعد اعيط مع نفسى من غيرما حد يشوفنى لانى مش بحب احسس الى زعلنى دة بتانيب الضمير سواء كان الحد دة امى او اخويا او اختى او صاحبتى فبكتم الزعل جوايا وبخرجة ف صورة عياط لكن مش بحب اعيط قدام حد لكن بعيط لما بكون ش قادرة اكتم جوايا اكتر من اللازم
ياترى انى اكون كتومة دة صح ولا غلط
ولو صح اية الفايدة من دة ؟ ولو غلط اية نصيحتكم ليا؟
اقولك احسن حل تعملى ايه ؟؟؟
تصلى بليل لوحدك .. وتفضفضى لربنا وانتى ساجده بين ايده … والله هترتاحى اوووى … عيطى واعملى اللى انتى عايزاه … مش شرط تتكلمى بالفصحى .. مكن تتكلمى بالعامية عادى .. خرجى كل اللى جواكى لربنا .. وان شاء الله هترتاحى اوى
مفيش حاجه اسمها تفضفضى على فكره دى تعتبر نميمه
لو عايزه تتكلمى مع حد يبقى عشان النصيحه فقط لا غير
طبعا دى حاجه كويسه اوى
ربنا يبارك فيكى
ياريت الناس كلها زيك
والكاظمين الغيظ والعافين عن الناس
والله انا كمان نفسى الاقى حل لانى عندى نفس المشكله وابتديت اتعب وكتر الزعل ده بتعب وبدخل المستشفى وبقيت مش بقدر استحمل بس بقيت بطلع الى جوايا فكلام على ورق او ارسم اطلع الى جوايا ده فاى شكل يمكن افرغ عن نفسى شويه فانتى شوفى ايه ممكن يريحك ويساعدك واعمليه ويارب يريحنا ويهدينا كلنا ان شاء الله
يا صديقتي لا زم تفضفضي عن نفسك
مع اي حد ثقة ولازم يكون ثقة
بصي يا روحي اسألك سؤال يعني لو جه حد واخد حقك مش هترضي تكلميه عشان متزعليهوش؟
اسألي نفسك طب الحد ده ليه اصلا قبل علي نفسه انه يزعلك ؟
بصي لازم تبوحي لأن مدام في حقك يبقي خلاص
والكبت ده شئ مش حلو هيعملك عقدة نفسية لما تكبري طب وايه
ملهوش لزمة تحياااااتي