انا ماليش اخوات بنات اتصاحبت على بنت طيبة جدا ومخلصة ليا اوى لكن من كتر اهتمامها بيا وحبها وخوفها عليا انا اتخنقت والمشكلة انها بتغير عليا اوى لما اكلم اى صديقة ليا مع انى مبحبهمش قدها والمشكلة ان انا اجتماعية وليا اصحاب كتير ودة عكسها هى ملهاش غيرى بس المشكلة انا كنت بتخنق من اسلوبها وكنت بقولها دة غلط انا مش ليكى انتى لوحدك وماكنتش راضية عن اسلوبها دة معايا لغاية من كتر حبها وان انا بس لو فكرت فى اى شى عايزة اعملة ما بينى وبين نفسى هى تسبقنى وتعملة هى قمة الحنية ومن كتر عطائها دة عكس عليا انا بصفات مش كويسة فى شخصيتى ما كنتش فيا وبقيت عاملة زى الطفلة مع مامتها اللى مش عايزة حنانها يروح لحد غيرها بمعنى انى بقيت انانية وبقيت بغير غيرة بريئة عليها لدرجة انى حاسة ان هى لو اتخطبت واهتمامها راح لخطيبها او بمجرد ان اى حد يشاركنى اهتمامها بحس احساس بيدمرنى من جوايا لو تفتكروا ان دة اسلوبها اللى ماكنش عاجبنى بقيت انا بطبقة حاولت اصلح وقلتلها انها تقلل من اهتمامها دة حتى عشان اخد على اسلوب جديد منها بالتالى اكون متعودة بعد كدة لكن كانت بتعمل مشاكل وتعيط بمعنى ان بقت علاقتنا كلها مشاكل فقررت انى ابعد عنها للابد واخسرها كصديقة عمرى ما هلاقى زيها ابدا ولو اختى من لحمى ودمى ما كنتش هتخاف عليا وتحبنى كدة وقلتلها انا عايزة ابعد طبعا كانت صدمة قوية عليها وبتسالنى لية انا طبعا مردتش لانى مش حابة اعرفها اللى جوايا واقوللها اللى كنتى انتى بتعانى منة وهى غيرتك عليا انا من كتر حبك ليا انا بقيت زيك والمشكلة ان انا بطبعى مش ضعيفة من جوايا واللى عرفتة ان اى شئ بيزيد عن حدة بيتقلب لضدة انا مش عارفة احل مشكلتى ازاى وهى مش راضية تبعد عن طريقى وتريحنى من اللى انا فية وبقيت فى نظر اهلى واهلها مش مخلصة ومش وفية لصديقتى وغدارة اعمل اية لو فى حل قولولى علية
مشاكل البنات النفسية
مشكلتى مع اكتر صديقة تحبنى
اضيف بتاريخ: Wednesday, August 25th, 2010 في 08:41
كلمات مشاكل وحلول: بنات, مشاكل, مشاكل البنات, مشاكل البنات النفسية
حبيها حب عادى وقوللهاانك مش بتحبى الغيرة دى وابعدى عنها شوية
السلام عليكم .انا من رايى انك هربتى منها لمجرد خوفك بموجهتها بحقيقه اللى جواكى تفتكرى اللى حبك الحب ده وخاف عليكى وغار عليكى حتى وحبك اكتر من اى حد حتى اكتر من نفسك مش هتقدر تسامحك ع اللى حصل عموما انا من رايى ان كتر الكلام مش هيفيد بس بجد صارحيها واتكلموا مع بعض يمكن العلاقه تبقى احسن من ما كنتى متصوراها ربنا معاكى بس بجد هى لو زى ما بتقولى تبقى خسرتيها وخسرتى صحبه جدعه ف زمن فيه الصحاب خلصوا وبقوا بيخدعوا بعض بس حاولى توصلوا لحل انكم تتعاملوا باسلوب مختلف دى تفرق لكن اللى عملتيه غلط نصيحه من اختك شافت غدر من اعز صاحبه ليها وف نفس الوقت مش عرفت تفرق بين الصاحبه الكويسه والصاحبه المش كويسه .السلام عليكم
السلام عليكم و رحمه الله
يا اختى لماذا تهربى منها لا تهربى من انسان احسست يوما انه بالفعل صادق والحب و الخوف الذى بد بداخله لك انت و بصدق ، انا معك انه يوجد وقت من الاوقات الانسان بيشعر بضيق من كثره ا الاهتمام ولكنك قلتى فى كلامك السابق انك انسانه اجتماعية بعنى لديك اصدقاء اخرين لماذا لا تحاولى ا ان تجمعى بين الصفتين ادخليها معك فى مجتمعك واصحابك و اجعليها جزء و ترى انك لك اصدقاء وهى
ايضا ليصبح لها مجتمع و اهتمامات اخرى و لكى لا تشعرى فى يوم عند ارتباطها بانسان يحبها وتحبه
بالغيره منه و ان تختنقى لا تغلقى عالمك عليها فانها لك مادامت الصداقه نظيفه و بدون غرد
وحبها لك لن ينقص كل ما عليك ان تفعليه ان تجلسى معاها و تشرحى لها وجه نظرك و قولى لها ما
بداخلك من احساس و مشاعر ما يجعلى تخافى عليها و تخافى من فقدانها غدا سوف ترتبطى انت ايضا
وسوف تكون هذه الصداقه وما بها من حب وحرص منك ومنها اسرتين جميلتين تتوارثهااولادكم اتفهمين
ما اتحدث عنه علميها و تعلمى معها وان شاء الله خير ولكن نصيحتى لا تتركى الانسانه التى تحبك من
غير ما توضحى لها وجه نظرك ابداو اسمعى منها مش يمكن تقدر تفهم و تلتقوا ليه الخساره فى ايدينا
نكسب كل شئ بس نفكر شوية 🙂 كل عام و انت بخير